Зӕгъойты Зӕринӕ

Генпрокуратурӕ аиуварс кодта информаци Зӕгъойты Зӕринӕйыл уголовон хъуыддаг бакӕныны фӕдыл

6
(ранӕуӕггонд 11:36 26.02.2021)
РБМЦ директоры хӕдивӕг тӕрхондонон-медицинон экспертизӕйы фӕдыл Зӕгъойты Зӕринӕ йӕхӕдӕг бадӕтта куырдиат Хуссар Ирыстоны прокуратурӕмӕ социалон хызӕгты публикациты фӕдыл

ЦХИНВАЛ, 26 фев - Sputnik. Хуссар Ирыстоны генпрокуратурӕйы растыл нӕ банымадтой информаци РБМЦ директоры хӕдивӕг тӕрхондонон-медицинон экспертизӕйы фӕдыл Зӕгъойты Зӕринӕйыл уоловон хъуыддаг бакӕныны фӕдыл.

Республикӕйы барадхъахъхъӕнӕг органтӕ нӕ уадзынц сгарӕн мадзӕлттӕ Зӕгъойты Зӕринӕйы фӕдыл, банысан кодтой прокуратурӕйы пресс-службӕйы.

"Ныртӕккӕ судедэксперт Зӕгъойты Зӕринӕйы куырдиатӕй Республикӕ Хуссар Ирыстоны Генералон прокуратурӕ уадзы басгӕрст социалон хызӕгты публикациты фӕлдыл, кӕцытӕ, Зӕгъойты Зӕринӕйы хъуыдымӕ гӕсгӕ, халынц йӕ куысты репутаци", - бафтыдтой уагдоны.

Басгӕрсты фӕстиуджытӕм гӕсгӕ генпрокуратурӕ рахӕсдзӕн процессуалон скъуыддзаг.

Зӕгъойты Зӕринӕ сарӕзта Дзабиты Иналы хъуыддаджы фӕдыл судмедэкспертизӕтӕй сӕ иу. Уый размӕ ацы уголовон хъуыддаджы фӕдыл фыццаг экспертизӕ сарӕзтой УФ Хъахъхъӕнынады министрады специалисттӕ. Документты ныффыстой ӕвзонг нӕлгоймаджы амӕлӕты дыууӕ хицӕн аххосаджы. Уый фӕдыл фарон азы кӕрон Генпрокуратурӕ банысан кодта, гӕнӕн ис кӕй саразой ӕртыккаг экспертизӕ.

6
Милици

Хуссар Иры ПАИ сног кодта скъӕрыны бартӕ ӕмӕ номыртӕ дӕттыны куыст

1
Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст

ЦХИНВАЛ, 14 апр - Sputnik, Козаты Диана. Хуссар Ирыстоны Паддзахадон автоинспекцийы сног кодтой хӕдтулгӕтӕн номырон нысӕнттӕ, скъӕрыны бартӕ ӕмӕ транспортон фӕрӕзты регистрацийы фӕдыл документтӕ дӕттын. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст.

"Ацы проблемӕ фӕзынд уый тыххӕй, ӕмӕ бланктӕ цы компани цӕттӕ кӕны, уый кусджытӕ иууылдӕр фӕрынчын сты коронавирусӕй. Ныр ногӕй райдыдтам дӕттын скъӕрыны бартӕ, номыртӕ ӕмӕ техпаспорттӕ", - радзырдтой МХМ.

Уагдоны бафтыдтой, транспорт срегистраци кӕныны фӕдыл ӕвдисӕндар бланктӕ республикӕмӕ кӕй ӕрхӕццӕ уыдзысты ӕввахс 2-3 боны.

1
Пресс-конференци

Ныссастам стереотиптæ: Хуссар Иры театры директор Мæскуыйы фыццаг гастрольты тыххæй

2
(ранӕуӕггонд 15:17 14.04.2021)
Хетæгкаты Къостайы номыл паддзахадон театры актертæ æмæ директор радзырдтой, куыд сæмбæлдысты хуссарирыстойнаг труппæйыл Мæскуыйы æмæ сæ дарддæры нывæзты тыххæй

ЦХИНВАЛ, 14 апр – Sputnik, Козаты Диана. Хуссарирыстойнаг театры труппæйы гастрольтæ Мæскуыйы ныссастой стереотиптæ æмæ "атыдтой культурон информацион блокадæ", загъта пресс-конференцийы Sputnik уагдоны директор Уалыты Мæдинæ.

Пресс-конференци нывонд уыд Хетæгкаты Къостайы номыл Хуссар Ирыстоны паддзахадон драмон театры труппæйы фыццаг гастрольтæн Мæскуыйы. Уæрæсейаг столицæйы театралты размæ рахастæуыд спектакльтæ "Антигона", "Фандо æмæ Лис" æмæ "Юлий Цезарь". Гастрольтæ ацыдысты "Арбаты ирон культурæйы бонты" фæлгæтты.

Мадина Валиева
© Sputnik / Natalia Airiyan
Уалыты Мæдинæ

Уалыты Мæдинæйы ныхæстæм гæсгæ, сæйраг мадзæлттæ ацыдысты Актеры централон хæдзары, кæсджытæ фылдæр бæрцæй уыдысты ирон æмбæстæгтæ.

"Уыдонæн тынг æхсызгон уыд ирон ныхас фехъусын, нæ спектакльтæ фенын. Кæй зæгъын æй хъæуы, уыдис дзы Мæскуыйы цæрджытæ дæр, уыдонæн та мах аластам сæрмагонд аппаратурæ, цæмæй спектакльтæ фехъуыстаиккой тæлмацæй", - загъта уый.

Культурон уагдоны директор ма банысан кодта, ахæм гастрольтæ хуымæтæг хъуыддаг кæй нæу, уыдон бацæттæ кæнынæн хъæуы бирæ æмæ зæрдиагæй кусын.

"Махæн уый бантыст, мах ныссастам стереотиптæ æмæ атыдтам культурон информацион блокадæ. Нæ театры тыххæй базыдтой æмæ нæ ныр хондзысты", - бахахх кодта Уалыты Мæдинæ.

Уый ма бафтыдта, ныртæккæ кæй цæуындз бадзырдтæ ног гастрольтæ æмæ стыр сценæты тыххæй.

Василий Техов
© Sputnik / Natalia Airiyan
Тъехты Василий

Хуссар Ирыстоны адæмон артист Тъехты Василий, кæцы архайдта æртæ спектаклы дæр, нымайы, гастрольтæ æцæгдæр кæй ацыдысты тынг бæрзонд æмвæзадыл.

"Алыхатт дæр иу рахатыдтæн, кæсджытæ-иу дисы кæй ныххаудысты. Уыдон æнхъæл нæ уыдысты, Хуссар Ирыстоны ахæм æмвæзадыл театр æмæ ахæм профессионалон актертæ кæ ис. Нæ спектакльтæй иумæ фæуазæг Гоша Куценко, кæцы стыр аргъ скодта хуссарирыстойнаг коллекæты профессионалондзинадæн", - радзырдта адæмон артист.

Хуссар Иры сгуыхт артисткæ Натия Чохели дæр банысан кодта, æддæмæ хæссын кæй хъæуы националон драматургийы.

"Уымæй мах фæдис кæндзыстæм æмæ бацымыдис кæндзыстæм фæсарæйнаг кæсджыты", - бахахх кодта уый.

Натиа Чохели
© Sputnik / Natalia Airiyan
Натия Чохели
2