Цхинвалы фыццаг хатт ацыд чемпионат менталон арифметикӕйӕ

Цхинвалы фыццаг хатт ацыд чемпионат менталон арифметикӕйӕ

82
(ранӕуӕггонд 11:55 01.03.2021)
Скъолайы администратор Гӕбӕраты Мæдинӕйы ныхӕстӕм гӕсгӕ, сӕ ахуырдзаутӕ равдыстой цӕттӕкӕнынады бӕрзонд ӕмвӕзад, кӕцыдӕр сывӕллӕттӕ ӕнтыстджын уыдысты цалдӕр этапы

ЦХИНВАЛ, 1 мар– Sputnik, Плиты Фатимæ. Цхинвалы фыццаг хатт ацыд чемпионат менталон арифметикӕйӕ. Ерысты хайад райстой 44 сывӕллоны, кӕцытӕ ахуыр кӕнынц "Tesla"-йы скъолайы хуссарирыстойнаг филиалы, фехъусын кодта Sputnik скъолайы администратор Гӕбӕраты Мæдинӕ.

Йӕ ныхӕстӕм гӕсгӕ, Дзӕуджыхъӕуы "Tesla"-йы скъола ерыстӕ ауагъта 21 февралы, фæлæ карантины аххосӕй цхинвайлӕгтӕн сӕ бон ацӕуын нӕ бацис. Уый аххосӕй ерыстӕ ацыдысты бынаты.

Чемпионат по ментальной арифметике в Цхинвале
© Photo : Из архива Мадины Габараевой
Цхинвалы фыццаг хатт ацыд чемпионат менталон арифметикӕйӕ

"Чемпионаты сӕ бон уыд хайад райсын нӕ ахуырдзаутӕн иууылдӕр, фӕлӕ хъӕппӕрис равдыстой 44 адӕймӕгӕй. Ерыстӕ цыдысты хистӕр ӕмӕ кӕстӕр категориты", - загъта уый.

Гæбæраты Мæдинæйы ныхӕстӕм гӕсгӕ, чемпионат цыд ӕртӕ этапӕй - уынгӕ, флеш ӕмӕ хъусгӕ.

"Визуалон этапы сывӕллӕттӕн ӕвдыстой 200 хӕслӕвӕрды, аст минут сын дӕттой ӕмгъуыд, ацы рӕстӕг архайдтой фылдæр раст дзуаппытӕ радтыныл. Дыккаг этапы сывӕллӕттӕн хӕслӕвӕрдтӕ кӕнынц дзургӕ, ӕртыккаг ерыс - флешы экраныл ӕрттивынц хæслæвæрдтæ, уыдон сывӕллӕттӕ ӕххӕст кӕнынц абакусыл", - бамбарын кодта уый.

Администраторы ныхӕстӕм гӕсгӕ, сӕ ахуырдзаутӕ равдыстой цӕттӕкӕнынады бӕрзонд ӕмвӕзад, кӕцыдӕр сывӕллӕттӕ ӕнтыстджын уыдысты цалдӕр этапы.

"Хорз цӕттӕ сывӕллӕттӕ сты. 2019 азы августӕй фæстæмæ кусӕм ӕмӕ нӕ бакондӕй цалдӕр мӕйы фӕстӕ нӕ чызджытӕй иу æрхаста фыццаг бынат ӕмӕ дыууӕ дыккаг бынаты ӕппӕтуӕрӕсеон ерыстӕй", - бафтыдта уый.

  • Цхинвалы фыццаг хатт ацыд чемпионат менталон арифметикӕйӕ
    Цхинвалы фыццаг хатт ацыд чемпионат менталон арифметикӕйӕ
    © Photo : Из архива Мадины Габараевой
  • Цхинвалы фыццаг хатт ацыд чемпионат менталон арифметикӕйӕ
    Цхинвалы фыццаг хатт ацыд чемпионат менталон арифметикӕйӕ
    © Photo : Из архива Мадины Габараевой
  • Цхинвалы фыццаг хатт ацыд чемпионат менталон арифметикӕйӕ
    Цхинвалы фыццаг хатт ацыд чемпионат менталон арифметикӕйӕ
    © Sputnik / Из архива Мадины Габараевой
  • Цхинвалы фыццаг хатт ацыд чемпионат менталон арифметикӕйӕ
    Цхинвалы фыццаг хатт ацыд чемпионат менталон арифметикӕйӕ
    © Photo : Из архива Мадины Габараевой
  • Цхинвалы фыццаг хатт ацыд чемпионат менталон арифметикӕйӕ
    Цхинвалы фыццаг хатт ацыд чемпионат менталон арифметикӕйӕ
    © Photo : Из архива Мадины Габараевой
  • Цхинвалы фыццаг хатт ацыд чемпионат менталон арифметикӕйӕ
    Цхинвалы фыццаг хатт ацыд чемпионат менталон арифметикӕйӕ
    © Photo : Из архива Мадины Габараевой
1 / 6
© Photo : Из архива Мадины Габараевой
Цхинвалы фыццаг хатт ацыд чемпионат менталон арифметикӕйӕ

Чемпионаты æртæ этапы хатдзæгтæм гæсгæ, дæс скъоладзауы растой фыццаг бынæттæ, дæс - дыккæгтæ æмæ 11 та æртыккаг бынæттæ.

Хуссар Ирыстоны ахуырады министрады æмархайдæй Цхинвалы 2019 азы бакодтой менталон математикæйы скъола. Ахуыр цæуы улæфт бонты. Уымæй размæ та скъола конд æрцыд Дзæуджыхъæуы. Йæ нысан у тагъд нымайыны рагон метод сахуыр кæнын.

82
Мегафон

"Мегафон-Хуссар Ир"-ы директор бамбарын кодта архивон тарифты ӕргъты фӕфылдӕры аххосаг

2
(ранӕуӕггонд 11:34 28.07.2021)
Чырон бастдзинады оператор фехъусын кодта, 3 августӕй кӕцыдӕр тарифты ӕргътӕ кӕй схиздзысты 50 процентӕй фылдӕры бӕрц

ЦХИНВАЛ, 28 июл – Sputnik, Козаты Диана. Хуссар Ирыстоны чырон бастдзинады иунӕг оператор фехъусын кодта августы райдианӕй архивон тарифтыл лӕггӕдты ӕргъты фӕфылдӕры тыххӕй. 

Уыдонӕй фӕдзурыны аргъ хӕдзарон регионы "Отселеком"-ы номыртӕм схиздзӕн 1,6 соммӕ иу минутӕн. Ныртӕккӕ абонӕнттӕн иу минут телефонӕй адзурын лӕууы иу сомы. Компанийы директор Николай Фирсов радзырдта Sputnik, цӕимӕ баст у ӕргъты фӕфылдӕр, уый тыххӕй.

Директор компании Мегафон - Южная Осетия Николай Фирсов
© Sputnik / Диана Козаева
"Отселеком"-ы директор Николай Фирсов

"Кӕй зӕгъын ӕй хъӕуы, ахӕм фактортӕ, куыд инфляцийы рӕзт ӕмӕ нӕ валютон бахыгъдтӕ ӕндавынц бастдзинады ӕргътыл дӕр. Тарифон плантӕ "Отличный", "Южный", "Универсальный" ӕмӕ "Универсальный ВИП" сты ахӕм плантӕ, кӕцыты бакондӕуыд дӕсӕй фылдӕр азы размӕ бынтон ӕндӕр экономикон уавӕрты. Абон уыдон хизынц архивон категоримӕ", - радзырдта Фирсов.

Компанийы директор бамбарын кодта, зӕгъгӕ, уыдон сты ахӕм продукттӕ, кӕцытӕ нал хауынц модернизацимӕ ӕмӕ сӕм ног абонентты нал иу кӕнынц къорд технологион ӕмӕ экономикон домӕнты тыххӕй.

"Уымӕ гӕсгӕ, 3 августӕй махмӕ сӕ тыхы бацӕудзысты архивон планты ивындзинӕдтӕ. Уый тыххӕй мах закъонмӕ гӕсгӕ  развӕлгъау фехъусын кодтам нӕ абоненттӕн. Уымӕ гӕсгӕ ӕнхъарӕм ахъуыды кӕнын бирӕ хӕрзвадатдӕр тарифты тыххӕй", - загъта уый.

"Остелеком"-ы сӕргълӕууӕг банысан кодта, оператор кӕй нӕ хъавы архивон плантӕ бынтондӕр хицӕн кӕнын.

2
Гафезы уынг

Цхинвалы хай ӕртыццӕджы цалдӕр сахатмӕ баззайдзӕн ӕнӕ рухсӕй

8
(ранӕуӕггонд 09:51 28.07.2021)
Рухс нӕ уыдзӕн 16.00 сахаты онг, банысан кодтой Паддзахадон унитарон куыстуат "Энергоресурс"-ы

ЦХИНВАЛ, 28 июл — Sputnik. Хуссар Ирыстоны столицӕйы хуссар хай ӕртыццӕджы цалдӕр сахатмӕ баззайдзӕн ӕнӕ рухсӕй, фехъусын кодтой Паддзахадон унитарон куыстуат "Энергоресурс"-ы.

Электроифтонгад ахицӕн кӕндзысты Гафезы уынгыл.

"Цалцӕггӕнӕн куыстыты тыххӕй ӕртыццӕджы, 28 июлы, электроэнерги ахицӕн кӕндзысты Гафезы уынгыл 10.00 сахатӕй", - банысан кодтой "Энергоресурс"-ы

Уагдоны бафтыдтой, зӕгъгӕ, электроэнерги ратдзысты 16.00 сахатыл.

8