Хицауад

Хуссар Иры юстицийы министрад цӕттӕ кӕны ног закон цӕрӕнуатон политикӕйы фӕдыл

8
(ранӕуӕггонд 10:32 02.03.2021)
Республикӕйы кусынц барадон базӕйыл, кӕцыйы руаджы сараздзысты коммерцион пайдакӕнынады цӕрӕнуатон фонд

ЦХИНВАЛ, 2 мар - Sputnik. Хуссар Ирыстоны премьер-министры х.ӕ. Бекъойты Геннадий бахӕс кодта юстицийы министрадӕн бацӕттӕ кӕнын ног закон цӕрӕнуатон политикӕйы фӕдыл ӕмӕ йӕ бавдисын республикӕйы парламентмӕ 15 марты онг.

Амӕйразмӕ президент Бибылты Анатолийы хӕслӕвӕрдӕй хицауад райдыдта кусын, цӕмӕй рады лӕууӕг адӕм тагъддӕр райсой сӕ цӕрӕнуат.

"Паддзахадон цӕрӕнуатон политикӕйы сӕйрагдӕр хӕслӕвӕрдтӕй сӕ иу у фӕкъаддӕр кӕнын цӕрӕнуатмӕ ӕнхъӕлмӕ кӕсыны ӕмгъуыд. Ацы хӕслӕвӕрд аскъуыддзаг кӕнынӕн хъӕуы фӕфылдӕр кӕнын цӕрӕнуатон арӕзтады бӕрцуат, фӕлӕ уымӕн хъӕуынц финансон фӕрӕзтӕ. Уый фӕдыл куыст цӕуы барадон базӕйыл, кӕцыйы руаджы сараздзысты коммерцион пайдакӕнынады цӕрӕнуатон фонд", - банысан кодта Бекъойты Геннадий.

Ног цӕрӕнуатон законы фӕрцы фӕфылдӕр уыдзӕн арӕзтады бӕрцуат фӕрӕзты фӕрцы, кӕцытӕ цӕуынц бюджетмӕ Хуссар Ирыстоны коммерцион пайдакӕнынады цӕрӕнуатон фонды бӕстыхӕйттӕ уӕй кӕнын ӕмӕ арендӕйӕ.

8
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

10
(ранӕуӕггонд 09:36 30.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзалы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

10
Бибылты Анатолий раарфӕ кодта Паддзахадон театры коллективӕн 90-азон юбилейы фӕдыл

Бибылты Анатолий раарфӕ кодта Паддзахадон театры коллективӕн 90-азон юбилейы фӕдыл

7
(ранӕуӕггонд 15:34 29.07.2021)
Паддзахады сӕргълӕууӕг банысан кодта, театр кӕй рацыд бирӕ зын фӕндӕгтыл, фӕлӕ коллектив сфӕрӕзта уӕззау рӕстӕджытӕ ӕмӕ абон ӕнкъары кӕсӕджы стыр уарзондзинад

ЦХИНВАЛ, 29 июл – Sputnik, Тъехты Дзерассӕ. Хуссарирыстойнаг театры ныры коллективӕн ис алы уавӕртӕ дӕрбирӕ алыгъуызон спектакльтӕ ӕвӕрынӕн, банысан кодта республикӕйы президент Бибылты Анатолий йӕ арфӕйы Хетӕгкаты Къостайы номыл Паддзахалон драмон театры сырӕзты 90-азон юбилейы фӕдыл.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

Бӕстӕйы сӕргълӕууӕг куыд банысан кодта, афтӕмӕй театр рацыд бирӕ зын фӕндӕгтыл.

"Абон цард ивы. Сымах кусут иттӕг хорз уавӕрты, уарзы уӕ кӕсӕг. Нӕ хӕс - фидар къахдзӕфтӕ аразын размӕ, нӕ культурӕ райтынг кӕнын, ӕвӕллайгӕйӕ кусын Ирыстоны хӕрзӕбонӕн. Уӕ коллектив уыцы хӕстӕ ӕххӕст кӕны ӕнтыстджынӕй", - бахахх кодта Бибылты Анатолий.

Уый бафтыдта, кӕй ӕнӕрхъӕцӕй кӕй ӕнхъӕлмӕ кӕсы спектакль "Фӕстаг ӕвдисӕн"-мӕ, цы ран дзырд цӕуы ивгъуыд ӕнусы 20-ӕм ӕзты ирон адӕмы геноциды тыххӕй. Президент равдыста ныфс, спектакль кӕй бацӕттӕ кӕндзысты 20 сентябрьмӕ - Республикӕйы бонмӕ.

Анатолий Бибилов поздравил театралов Южной Осетии с 90-летием со дня образования Госдрамтеатра
© Sputnik / Natalia Airiyan
Уазджытӕн равдыстой ног ифтонгад дӕр - миты генератор, кӕцы театрӕн балӕвар кодта президент

Спектаклы премьерон равдыст хъуамӕ ацыдаид августы, фӕлӕ йӕ аргъӕвтой коронавирусимӕ уӕззау уавӕры тыххӕй.

Театры коллективӕн ма сӕ юбилейы цытӕн раарфӕ кодта культурӕйы министр Зассеты Жанна дӕр. 

Афтӕ ма ӕрӕмбырдуӕвджытӕн равдыстой ног ифтонгад дӕр - миты генератор, кӕцы театрӕн балӕвар кодта президент.

7