Хицауад

Цхинвалмӕ ӕрцыдысты Женеваг дискусситы минӕвӕрттӕ

9
(ранӕуӕггонд 11:06 02.03.2021)
Женевайы дискусситы радон фембӕлд ацӕудзӕн марты кӕрӕтты

ЦХИНВАЛ, 1 мар – Sputnik, Козаты Диана. Цхинвалы уагъд цӕуы Женеваг дискусситы хуссарирыстойнаг делегацийы уӕнгты фембӕлд ӕмсӕрдӕрттимӕ ИНО, ОБСЕ ӕмӕ Евроцӕдисӕй.

Уый у фыццаг оффлайн фембӕлд ацы аз – коронавирусон арӕнӕвӕрдты рӕстӕджы фембӕлдтӕ цыдысты видеоконференциты режимы. Афтӕ ма абоны фембӕлды хайад нӕ исынц ДИФ минӕвӕрттӕ. Президенты ӕххӕстбарджын минӕвары аппараты банысан кодтой, уый кӕй у баст дунейы эпидемиологон уавӕримӕ.

"Хуссар Ирыстоны стыр аргъ кӕнынц Женеваг дискусситӕн республикӕйы ӕдасдзинад ӕххӕст кӕныны хъуыддаджы. Мах ныфс ис, ацы форматы руаджы кӕй сфидар кӕндзыстӕм ӕдасдзинад регионы", - загъта фембӕлды рӕстӕджы президенты ӕххӕстбарджын минӕвар Джиоты Мурӕт.

Уый ма банысан кодта, коронавирусы пандеми кӕй хъыгдардта кусын, ивгъуыд азы дӕргъы фарсытӕ ӕрмӕстдӕр иу хатт фембӕлдысты Женевайы. Джиоты Мурӕт баныфсӕвӕрдта, ацы аз уавӕр кӕй фӕхуыздӕр уыдзӕн, ӕмӕ Женевайы фембӕлдтӕ кӕй сног уыдзысты хуымӕтӕг форматы.

Абоны делегацийы сконды ис ОБСЕ ног минӕвар Анника Седер.

Джиоты Мурӕт ӕй райста ӕмӕ банысан кодта, Анника Седеримӕ бирӕ хатт кӕй ӕрдзырдтой.

Седер бахахх кодта, ӕртӕ организацийы минӕвары кӕй ӕрцыдысты республикӕмӕ, цӕмӕй ӕрдзурой Женеваг дискусситы радон раунды фарстытыл.

"Ӕцӕгдӕр, пандеми фӕурӕдта процесстӕ, фӕлӕ ныр махӕн уыдзӕн фылдӕр фадӕттӕ бакусынӕн", - загъта минӕвар.

Фембӕлды фӕстӕ, кӕцы традицимӕ гӕсгӕ уагъд цӕуы ӕхгӕд дуӕртты фӕстӕ, йӕ хайадисджытӕ сдзуапп кӕндзысты журналистты фарстытыл. Уымӕй дарддӕр, ОБСЕ минӕвӕрттӕ фембӕлдзысты Хуссар Ирыстоны ӕбӕрӕгӕй фесӕфӕг цӕрджыты хиуӕттимӕ.

Дискусситы 52-ӕм раунд ацӕудзӕн Женевайы 23-34 марты.

9
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау