Цхинвалы схорзӕхджын кодтой зынгфӕдсонты

Цхинвалы схорзӕхджын кодтой фыдбылызы бахауӕг адӕмы фервӕзынгӕнӕг зынгфӕдисонты

45
(ранӕуӕггонд 11:11 04.03.2021)
Майдантӕ "Адӕймаг фервӕзын кӕнын" ӕмӕ "Зынгирвӕзты тохы алфӕн"-тӕ райстой Хуыбецты Сергей, Цхуырбаты Алим, Бестауты Альберт, Дзассохты Сӕрмӕт, Джиоты Сослан ӕмӕ Ӕлборты Роберт

ЦХИНВАЛ, 4 мар — Sputnik, Плиты Фатимӕ. Хуссар Ирыстоны Уӕлвӕткон уавӕрты министрады схорзӕхджын кодтой фӕстаг рӕстӕджы зынгирвӕзтыты рӕстӕджы чи расгуыхт, уыцы кусджыты.

Майдантӕ "Адӕймаг фервӕзын кӕнын" ӕмӕ "Зынгирвӕзты тохы алфӕн"-тӕ райстой Хуыбецты Сергей, Цхуырбаты Алим, Бестауты Альберт, Дзассохты Сӕрмӕт, Джиоты Сослан ӕмӕ Ӕлборты Роберт.

В МЧС Южной Осетии наградили  спасателей, за работу на пожарах
© Sputnik / Фатима Плиева
Цхинвалы схорзӕхджын кодтой зынгфӕдсонты

Фӕсивӕд рагуыхтысты фӕстаг мӕй дыууӕ зынгирвӕзты рӕстӕджы Фидауынгӕнджыты уынгтыл ӕмӕ Джиоты Аланы проспектыл.

Хорзӕх кӕныны церемонийы цытӕн зынгирвӕзты службӕйы кӕрты ацыд цытджын ралӕуд, ирвӕзынгӕнджыты хорзӕхкӕнынмӕ бацыд министрады разамонӕджы хӕстӕ ӕххӕстгӕнӕг Цоциты Азӕмӕт. Уый банысан кодта, цы лӕппутӕн цыт цӕнынц, уыдон кӕй фервӕзын кодтой ӕртӕ адӕймаджы, кӕцыты цардӕн тӕссаг уыд артӕй ӕмӕ фӕздӕгӕй.

"Ныр фылдӕрбӕрцӕй хӕдзӕрттӕ арӕзт цы ӕрмӕгӕй цӕуынц, уыдон тынг тӕссаг сты зынгирвӕзты рӕстӕджы. 30 секундӕй дыууӕ минуты онг фаг у, цӕмӕй адӕймаг райса уӕззау хъӕстӕ. Лӕмӕгъ ӕнӕниздзинады хицау дзы кӕны мӕлгӕ. Ацы лӕппутӕ фервӕзын кодтой адӕмы", - загъта министр.

Уый ма банысан кодта, зынгфӕдисонтӕн ӕввахс рӕстӕджы кӕй фӕхуыздӕр уыдзысты сӕ уавӕртӕ.

"Иу мӕймӕ хъуамӕ скуса фӕздӕг ӕмӕ арты ныхмӕ ног службӕ. Хорз сахуыр кӕндзыстӕм нӕ сӕрмагонд уӕлӕдарӕс ӕмӕ ӕнӕ уымӕй зынгирвӕзтмӕ ничиуал цӕудзӕн, цӕмӕй зынгфӕдисонтӕн сӕхи ирвӕзын кӕнын ма хъӕуа", - бафтыдта Цоциты Ацӕмӕз.

Уымӕй дарддӕр ма къорд кусӕгӕн радтой кады грамотӕтӕ ӕмӕ цинтӕ.

Цыппӕрӕмы ма уагдоны майдантӕ "Адӕймаджы фервӕзын кӕнын" ратдзысты Рустауы хъӕуы дыууӕ цӕрӕгӕн, кӕцытӕ аварийы бахауӕг адӕмы фервӕзын кодтой артӕй.

  • Цхинвалы схорзӕхджын кодтой зынгфӕдсонты
    Цхинвалы схорзӕхджын кодтой зынгфӕдсонты
    © Sputnik / Фатима Плиева
  • Цхинвалы схорзӕхджын кодтой зынгфӕдсонты
    Цхинвалы схорзӕхджын кодтой зынгфӕдсонты
    © Sputnik / Фатима Плиева
  • Цхинвалы схорзӕхджын кодтой зынгфӕдсонты
    Цхинвалы схорзӕхджын кодтой зынгфӕдсонты
    © Sputnik / Фатима Плиева
  • Цхинвалы схорзӕхджын кодтой зынгфӕдсонты
    Цхинвалы схорзӕхджын кодтой зынгфӕдсонты
    © Sputnik / Фатима Плиева
  • Цхинвалы схорзӕхджын кодтой зынгфӕдсонты
    Цхинвалы схорзӕхджын кодтой зынгфӕдсонты
    © Sputnik / Фатима Плиева
  • Цхинвалы схорзӕхджын кодтой зынгфӕдсонты
    Цхинвалы схорзӕхджын кодтой зынгфӕдсонты
    © Sputnik / Фатима Плиева
1 / 6
© Sputnik / Фатима Плиева
Цхинвалы схорзӕхджын кодтой зынгфӕдсонты
45
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

6
(ранӕуӕггонд 15:26 18.09.2021)
Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы

ЦХИНВАЛ, 18 сен — Sputnik, Плиты Фатимæ. Цхинвалы сæйраг фӕзуаты ацыд парады фæстаг æлхынцъгæнæн генералон репетици, кӕцы нывонд у Республикикӕйы бонӕн.

Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы.

"Иу мæй нæхи цæттæ кæнæм, репетици та уы ныр æртыккаг хатт. Нæ тыхтæ радтам, цæмæй бæрæгбон ацæуа нывыл,уый у сæйрагдæртæй иу, хъуамæ йæ арвитæм рæсугъд æмæ нывыл", - загъта цытджын хъараулы тырысахæссæг Сæрмæт.

Цытджын мадзал ацӕудзӕн къуырисӕры, 20 сентябры. Театралон фӕзуатыл рацӕудзысты Хъахъхъӕнынады, Мидхъуыддӕгты, Уӕлвӕткон уавӕрты ӕмӕ Юстицийы министрӕдты парадон къордтӕ, стӕй ма Паддзахадон ӕдасдзинады комитеты арӕнхъахъхъӕнджытӕ ӕмӕ Уӕрӕсейы 4-ӕм ӕфсӕддон базӕйы службӕгӕнджытӕ ӕмӕ Уӕрӕсейы федералон ӕдасдзинады службӕйы арӕнгӕрон хайады кусджытӕ. Уымӕй дарддӕр ма парады рацӕудзысты Хъахъхъӕнынады министрады танкисттӕ, кӕцытӕ архайдтой "Танковый биатлон"-ы.

Генеральная репетиция Парада ко Дню республики
© Sputnik / Natalia Airiyan
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

20 сентябыры 1990 азы Адӕмон депутаты совет рахаста уынаффӕмӕ Хуссар Ирыстоны автономон областы статус скӕнын Хуссар Ирыстоны Демократон Республикикӕмӕ Советон цӕдисы сконды. Ацы къахдзӕф уыд фыццаг хӕдбардзинадмӕ фӕндагыл. 20 сентябырь та ссис сӕйраг паддзахадон бӕрӕгбонтӕй сӕ иу.

6
Карантин

Хъыгдары ахуырадон процесс: столицӕйы администрацийы радзырдтой скъолаты карантины тыххӕй

9
(ранӕуӕггонд 16:50 17.09.2021)
Карантиныл сӕхгӕдтой 11 къласы ӕмӕ фондз къорды горӕты цалдӕр скъола ӕмӕ сабидоны. Куыст уым сног кӕндзысты хуымӕтӕг режимы 24 сентябры, банысан кодтой столицӕйы администрацийы

ЦХИНВАЛ, 17 сен – Sputnik, Козаты Диана. Хуссар Ирыстоны карантиныл сӕхгӕдтой 11 къласы столицӕйы скъолаты ӕмӕ цалдӕр къорды горӕты сабидӕтты. Уагдӕттӕ нывӕндынц ракӕнын штатон куыстмӕ фидӕн къуыри, бӕрӕгбоны фӕдыл улӕфт бонты фӕстӕ, фехъусын кодта Цхинвалы администрацийы ахуырады хайады хистӕр Сиукъаты Ольга.

Хуссар Ирыстоны сӕрдӕй фӕстӕмӕ фылдӕр кӕнынц коронавирусӕй рынчынтӕ. Югосетпотребнадзоры бӕрӕггӕнӕнтӕм гӕсгӕ, ивгъуыд суткӕйы вирус сбӕрӕг кодтой 48 адӕймагӕн.

"Карантины фӕдыл фыццаг приказтӕ ӕрбацыдысты 9 сентябры. Уӕдӕй фӕстӕмӕ ӕрвыл бон фылдӕр кӕны ӕхгӕд кълӕсты нымӕц. Абоны бон махмӕ ӕхгӕд сты 11 къласы ӕмӕ фондз къорды сабидӕтты. Кълӕстӕ ӕхгӕд сты 1, 2, 5 ӕмӕ 6-ӕм скъолаты. Карантин фӕуд кӕны 24 сентябры", - загъта Сиукъаты Ольга.

Уый банысан кодта, зӕгъгӕ, ахуырдзауты хсӕн рынчынтӕ кӕцы кълӕсты ис, уым ахуыргӕнджытӕ раттынц хӕслӕвӕрдтӕ ӕмӕ уадзынц консультацитӕ.

"Афтӕ нын дзуапп кӕнынц скъолаты директортӕ. Фӕлӕ махмӕ ахуыргӕнджытӕй дӕр бирӕ ис рынчын. Дистанцион ахуыр зын, ӕмӕ къласӕн сӕхи ахуыргӕнӕг куы нӕ вӕййы, уӕд та ноджы зындӕр у", - банысан кодта Сиукъаты Ольга.

Йӕ ныхӕстӕм гӕсгӕ, ахӕм уавӕрты хъыгдард ӕййафы ахуырадон процесс.

Майрӕмбоны бӕрӕггӕнӕнтӕм гӕсгӕ, Хуссар Ирыстоны пандемийы райдайӕнӕй коронавирусӕй фӕрынчын сты 5473 адӕймаджы.

9
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10