Хуссар Иры схорзæхджын кодтой бинонты, кæцытæ фервæзын кодтой æхсæз адæймаджы

Хуссар Иры схорзæхджын кодтой æмкъæйтты, кæцытæ фервæзын кодтой æхсæз адæймаджы

81
(ранӕуӕггонд 09:35 05.03.2021)
Авд азы размæ Тедеты бинонтæ Геврик ӕмӕ Алла судзгæ хæдтулгæйæ райстой авд адæймаджы

ЦХИНВАЛ, 4 мар — Sputnik, Плиты Фатимӕ. Хуссар Ирыстоны Уӕлвӕткон уавӕрты министрады (УУМ) майдан "Адӕймаг фервӕзын кӕнын"-ӕй схорзӕхджын кодтой Рустауы хъӕуы цӕрджытӕ Тедеты Геврик ӕмӕ Захарова Аллайы. Ӕмкъæйттæ авд азы размӕ судзгӕ хӕдтулгӕйӕ райстой авд бӕлццоны, уыдонӕй иу цӕфты фӕстиуӕгӕн амард.

Цыппӕрӕмы министрады минӕвӕрттæ бацыдысты бинонтӕм.

"Уым куы нӕ разындаиккой, уӕд зиӕнттӕ уыдаиккой фылдӕр. Сӕ амондӕн сӕ рбаййӕфтой. Махӕн та ныххатыр кӕнут фӕстиатимӕ кӕй дӕттӕм хорзӕх", - загъта УУМ сæргълæууæджы хӕстӕ ӕххӕстгӕнӕг Цоциты Азӕмӕт.

Авари рцыд 2014 азы Зар-Цхинвалы трассӕйыл Домы кувӕндонмӕ ӕввахс. Хӕдтулгӕ УАЗ-469 ахауд дӕлбыр, хӕдтулгӕ ссыгъд, йӕ мидӕг бадт авд адӕймаджы, уыдонӕй иу сылгоймӕг нал фервӕзт.

"Додотӕй рацӕйцыстӕм. Уыдон нӕ фӕстӕ цыдысты. Уыдон куыннӕ уыдаиккой, уӕд хӕдтулгӕйы исчи басыгъдаит, 20 литры бӕрц дзы уыд ӕртаг. Ме 'мкъай Къусрианы дӕр райстой, фӕлӕ цӕфӕй амард ", - загъта Тыджыты Георгий.

ФТЦ адӕмы ирвӕзынгӕнджытӕ уыцы уӕззау рӕстӕг мысгӕйӕ сӕ цӕссыг нӕ уромынц. Захарова Аллайы ныхӕстӕм гӕсгӕ, тасмӕ ӕнӕкӕсгӕйӕ нӕ фӕтыхст ӕмӕ фыццаг рады фӕдзырдта тагъд ӕххуысмӕ.

Министр МЧС вручил медали За спасение жизни семье Тедеевых
© Sputnik / Natalia Airiyan
Тедеты Геврик ӕмӕ Захарова Алла

"Хӕдтулгӕ сыгъд. Дыуӕрттӕ ныффидар сты. Геврик сӕ иста, ӕз та сӕ фӕсфӕд ластон. Шофырӕн йӕ чызг бадт йӕ фарсмӕ ӕмӕ уый дӕр ссыгъд, цыдӕр дарӕс мӕм бахауд ӕмӕ йӕ уымӕй ахуыссын кодтой. Ныр дӕр мӕ нӕ рох кӕны уыцы бон",- дзуыры уый.

Аварийы бахауӕг хӕдтулгӕйы шофыры ирвӕзынгӕнджытӕ Тедеты бинонтӕй дарддӕр ма уыдысты ӕнӕзонгӕ бӕлццӕттӕ.

"Шофыры мах удӕгас дӕр нал ӕнхъӕлдтам, фӕлӕ фӕндаджы иу фарсмӕ аластон, уый бӕрц тых мӕ кӕцӕй фӕзынд, уый нӕ зонын. Уалынмӕ иу таргъуыз машинӕ рацыд ӕмӕ дзы дыууӕ лӕппу рагӕпп кодта, иу дзы йӕ хӕдон аскъуыдта ӕмӕ дзы лӕджы цӕф бабаста ӕмӕ йӕ аластой горӕтмӕ", - дзуры Алла.

Адӕмы ирвӕзынгӕнгӕйӕ Тедеты Геврик йӕхӕдӕг дӕр басыгъд.

"Мӕхицӕн дӕр мӕ дарӕс ссыгъдысты, фӕлӕ сӕ райстам иууылдӕр. Тагъд ӕххуыс ӕмӕ уӕлвӕткон уагдоны фӕдисонтӕ дӕр тагъд нӕ фарсмӕ балӕууыдысты", - загъта Тедеты Геврик.

Георгий Тигиев
© Sputnik / Natalia Airiyan
Тыджыты Георгий
81
Милици

Хуссар Иры ПАИ сног кодта скъӕрыны бартӕ ӕмӕ номыртӕ дӕттыны куыст

1
Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст

ЦХИНВАЛ, 14 апр - Sputnik, Козаты Диана. Хуссар Ирыстоны Паддзахадон автоинспекцийы сног кодтой хӕдтулгӕтӕн номырон нысӕнттӕ, скъӕрыны бартӕ ӕмӕ транспортон фӕрӕзты регистрацийы фӕдыл документтӕ дӕттын. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст.

"Ацы проблемӕ фӕзынд уый тыххӕй, ӕмӕ бланктӕ цы компани цӕттӕ кӕны, уый кусджытӕ иууылдӕр фӕрынчын сты коронавирусӕй. Ныр ногӕй райдыдтам дӕттын скъӕрыны бартӕ, номыртӕ ӕмӕ техпаспорттӕ", - радзырдтой МХМ.

Уагдоны бафтыдтой, транспорт срегистраци кӕныны фӕдыл ӕвдисӕндар бланктӕ республикӕмӕ кӕй ӕрхӕццӕ уыдзысты ӕввахс 2-3 боны.

1
Пресс-конференци

Ныссастам стереотиптæ: Хуссар Иры театры директор Мæскуыйы фыццаг гастрольты тыххæй

2
(ранӕуӕггонд 15:17 14.04.2021)
Хетæгкаты Къостайы номыл паддзахадон театры актертæ æмæ директор радзырдтой, куыд сæмбæлдысты хуссарирыстойнаг труппæйыл Мæскуыйы æмæ сæ дарддæры нывæзты тыххæй

ЦХИНВАЛ, 14 апр – Sputnik, Козаты Диана. Хуссарирыстойнаг театры труппæйы гастрольтæ Мæскуыйы ныссастой стереотиптæ æмæ "атыдтой культурон информацион блокадæ", загъта пресс-конференцийы Sputnik уагдоны директор Уалыты Мæдинæ.

Пресс-конференци нывонд уыд Хетæгкаты Къостайы номыл Хуссар Ирыстоны паддзахадон драмон театры труппæйы фыццаг гастрольтæн Мæскуыйы. Уæрæсейаг столицæйы театралты размæ рахастæуыд спектакльтæ "Антигона", "Фандо æмæ Лис" æмæ "Юлий Цезарь". Гастрольтæ ацыдысты "Арбаты ирон культурæйы бонты" фæлгæтты.

Мадина Валиева
© Sputnik / Natalia Airiyan
Уалыты Мæдинæ

Уалыты Мæдинæйы ныхæстæм гæсгæ, сæйраг мадзæлттæ ацыдысты Актеры централон хæдзары, кæсджытæ фылдæр бæрцæй уыдысты ирон æмбæстæгтæ.

"Уыдонæн тынг æхсызгон уыд ирон ныхас фехъусын, нæ спектакльтæ фенын. Кæй зæгъын æй хъæуы, уыдис дзы Мæскуыйы цæрджытæ дæр, уыдонæн та мах аластам сæрмагонд аппаратурæ, цæмæй спектакльтæ фехъуыстаиккой тæлмацæй", - загъта уый.

Культурон уагдоны директор ма банысан кодта, ахæм гастрольтæ хуымæтæг хъуыддаг кæй нæу, уыдон бацæттæ кæнынæн хъæуы бирæ æмæ зæрдиагæй кусын.

"Махæн уый бантыст, мах ныссастам стереотиптæ æмæ атыдтам культурон информацион блокадæ. Нæ театры тыххæй базыдтой æмæ нæ ныр хондзысты", - бахахх кодта Уалыты Мæдинæ.

Уый ма бафтыдта, ныртæккæ кæй цæуындз бадзырдтæ ног гастрольтæ æмæ стыр сценæты тыххæй.

Василий Техов
© Sputnik / Natalia Airiyan
Тъехты Василий

Хуссар Ирыстоны адæмон артист Тъехты Василий, кæцы архайдта æртæ спектаклы дæр, нымайы, гастрольтæ æцæгдæр кæй ацыдысты тынг бæрзонд æмвæзадыл.

"Алыхатт дæр иу рахатыдтæн, кæсджытæ-иу дисы кæй ныххаудысты. Уыдон æнхъæл нæ уыдысты, Хуссар Ирыстоны ахæм æмвæзадыл театр æмæ ахæм профессионалон актертæ кæ ис. Нæ спектакльтæй иумæ фæуазæг Гоша Куценко, кæцы стыр аргъ скодта хуссарирыстойнаг коллекæты профессионалондзинадæн", - радзырдта адæмон артист.

Хуссар Иры сгуыхт артисткæ Натия Чохели дæр банысан кодта, æддæмæ хæссын кæй хъæуы националон драматургийы.

"Уымæй мах фæдис кæндзыстæм æмæ бацымыдис кæндзыстæм фæсарæйнаг кæсджыты", - бахахх кодта уый.

Натиа Чохели
© Sputnik / Natalia Airiyan
Натия Чохели
2