Ирон композитор Галаты Борисы номыл фестиваль ацӕудзӕн Екатеринбурджы
ЦХИНВАЛ, 5 мар – Sputnik. Ирон композитор Галаты Борисы райгуырӕн боны цытӕн 10 марты кинойы хӕдзары Екатеринбурджы ацӕудзӕн цалдӕр культурон мадзалы ӕртыккаг ӕхсӕнадӕмон фестиваль "Тропой Бориса Галати" и кинофестиваля "Урал–Кавказ — связующие нити"-йы фӕлгӕтты.
Фестиваль бакӕндзӕн композиторы авторон къамты равдыст, кӕцытӕ уый сарӕзта йӕ фольклорон экспедициты рӕстӕджы 1928-1929 ӕзты.
Ирон культурӕйы фӕдыл Свердловскы ӕхсӕнады сӕрдар Гаглойты Лиана куыд фехъусын кодта Sputnik, афтӕмӕй кинофестивалы бавдисдзысты дыууӕ премьерон кинонывы, кӕцытӕ сарӕзтой Урал ӕмӕ Ирыстоны.
"Свердловскы областы ирон ӕхсӕнады фонд ӕмӕ уӕнгты хайадистӕй сарӕзтӕуыд дыууӕ кинонывы. Анимацион фильм "Привычка"-йы режиссер у Хъараты Алексей, документалон киноныв "Имена. Борис Галаев. Память о самих себе"-йы режиссер та Ӕлбегты Артур", - загъта уый.
Афтӕ ма экраныл равдисдзысты ӕххӕстметражон киноныв "Время Бориса Галаева" ӕмӕ кинохроникӕ "Юбилей композитора Бориса Галаева"-йы скъуыддзӕгтӕ.
Фестивалы уыдзӕн музыкалон хай дӕр – кӕсджытӕ байхъусдзысты композиторы музыкӕмӕ, кӕцы уый ныффыста "Фатимӕ" (1985) кинонывмӕ.
Киноныв "Борис Галаев и его ученики"-йы премьерӕ ацӕудзӕн Дзӕуджыхъӕу ӕмӕ Цхинвалы.
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынцЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.
Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.
"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.
Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.
"Югосетпотребнадзор"-ы радзырдтой коронавирусæй ног рынчынты тыххæй
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.
"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.
Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.
Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.
Цхуырбаты Алан: рæстæгимæ иумæ ивы радиойы куыст дæр
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæйЦхуырбаты Алан: рæстæгимæ иумæ ивы радиойы куыст дæр
Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.
"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.
Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.
"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.
Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.
Темӕтӕ: