Уарзон гыццитӕн 8 Мартмӕ: Цхинвалы ацыд сӕрмагонд рӕзынадимӕ сабиты равдыст

Уарзон гыццитӕн 8 Мартмӕ: Цхинвалы ацыд сӕрмагонд рӕзынадимӕ сабиты равдыст

7
(ранӕуӕггонд 12:19 05.03.2021)
Ӕрвылаз дӕр коррекцион къласы ахуырдзаутӕ бацӕттӕ кӕнынц сӕ мӕдтӕн ӕнахуыр лӕвӕрттӕ, кӕцытӕ саразынц сӕхи къухтӕй. Баххуыс сын кӕны психолог Бибылты Мальвина

ЦХИНВАЛ, 5 мар - Sputnik, Гӕбӕраты Элина. Цхинвалы скъола-интернаты ацыд коррекцион кълӕсты ахуырдзауты равдыст. Мадзалы организатор, скъолайы психолог Бибылты Мальвина куыд радзырдта Sputnik, афтӕмӕй сывӕллӕттӕ Сылгоймӕгты ӕхсӕнадӕмон бонмӕ нынныв кодтой сӕ мӕдты ӕмӕ сын сарӕзтой фӕрдгуытӕ.

Мероприятие в коррекционной школе
Из личого архива Мальвины Бибиловой
Уарзон гыццитӕн 8 Мартмӕ: Цхинвалы ацыд сӕрмагонд рӕзынадимӕ сабиты равдыст
"Коррекцион кълӕсты ахуыр кӕнынц сӕрмагонд рӕзынадимӕ сывӕллӕттӕ. Ӕрвылаз дӕр мах малӕвар кӕнӕм нӕ гыццитӕн чысыл лӕвӕрттӕ. Мӕ хъуыдымӕ гӕсгӕ, ахӕм ахуырдзауты ныйарджытӕн ахсджиаг у ӕвдисын, куыд хорз сабитӕ сын ис. Куыд сывӕллӕтты, афтӕ мӕдты дӕр фӕхъӕуы аудындзинад ӕмӕ хъарм ахаст. Уымӕ гӕсгӕ фӕархайӕм ӕрымысын исты ӕнахуыл лӕвӕрттӕ", - радзырдта психолог.

Уый банысан кодта, зӕгъгӕ, ацы мадзӕлттӕ уадзыны рӕстӕджы ӕнӕмӕнгхъӕуӕг домӕн вӕййы, цӕмӕй саби йӕхӕдӕг, йӕхи къухтӕй бацӕттӕ кӕны лӕвар йӕ уарзон мадӕн.

Мероприятие в коррекционной школе
Из личого архива Мальвины Бибиловой
Уарзон гыццитӕн 8 Мартмӕ: Цхинвалы ацыд сӕрмагонд рӕзынадимӕ сабиты равдыст

Раздӕр ӕзты-иу сывӕллӕттӕ скодтой адджын гуылтӕ ӕмӕ иу сӕ нывӕрдтой рӕсугъд хызынты, афтӕ ма сарӕзтой арфӕйы гӕххӕттытӕ дӕр.

"Ацы аз коронавирусы фӕдыл тобӕты аххосӕй нӕ бон къӕбицмӕ байвӕрзын нӕ бацис, уымӕ гӕсгӕ сфӕнд кодтам бацӕттӕ кӕнын нывтӕ. Алкӕцы саби дӕр нынныв кодта йӕ гыццийы ӕмӕ йын сарӕзта фӕрдгуытӕ. Сывӕллӕттӕ сӕхӕдӕг равзӕрстой фӕрдгуыты хуыз, кӕцытӕ, сӕ хъуыдымӕ гӕсгӕ, фӕцӕудзысты сӕ мӕдты зӕрдӕмӕ", - бамбарын кодта Бибылты Мальвина.

Психолог ма банысан кодта, кӕй бакодтой тынг стыр ӕмӕ цымыдис куыст, кӕцыйы рӕстӕджы сывӕллӕттӕ райстой бирӕ ӕвӕрццаг эмоцитӕ.

Мероприятие в коррекционной школе
Из личого архива Мальвины Бибиловой
Уарзон гыццитӕн 8 Мартмӕ: Цхинвалы ацыд сӕрмагонд рӕзынадимӕ сабиты равдыст
7
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау