Хуссар Иры сӕндидзын кодтой электроифтонгад
(ранӕуӕггонд 16:34 09.03.2021)
Республикӕ баззад ӕнӕ рухсӕй цалцӕггӕнӕн куыстыты тыххӕй "Зӕрӕмӕг" дӕлстанцыл Цӕгат Ирыстоны ЦХИНВАЛ, 9 мар – Sputnik, Тъехты Дзерассӕ. Хуссар Ирыстоны сӕнидзын кодтой электроифтонгад цалцӕггӕнӕн куыстыты фӕстӕ "Зӕрӕмӕг" дӕлстанцыл Цӕгат Ирыстоны. Электроэнерги райдыдта цӕуын республикӕмӕ бонӕй цыппар сахатыл.
Знон Паддзахадон унитарон куыстуат "Энергоресурс" фехъусын кодта цӕрджытӕн, зӕгъгӕ, дыццӕджы, 9 марты, 12.00-ӕй 17.00 сахатмӕ республикӕйы ахицӕн кӕндзысты рухс.
Паддзахадон унитарон куыстуат "Энергоресурс"-ы дӕлхайады директор Гӕбӕраты Анатолийы ныхӕстӕм гӕсгӕ, куыстытӕ уагъд цыдысты Цӕгат Ирыстоны ӕмӕ баст уыдысты трансформатортӕ раивынимӕ. Уый бафтыдта, зӕгъгӕ, ӕввахс рӕстӕджы нал нывӕндынц ахицӕн кӕнын рухс.
Хуссар Ирыстонмӕ электроэнерги иууылдӕр цӕуы Уӕрӕсейӕ 110 кВт хыз "Зӕрӕмӕг-Цӕгаттаг портал - Дзау"-ы уылты. Азы кӕронмӕ республикӕйы фӕнд кӕнынц балхынцъ кӕнын резервон хаххы арӕзтад, кӕцы аскъуыддзаг кӕндзӕн рухсимӕ проблемӕтӕ Хуссар Иры
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынцЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.
Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.
"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.
Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.
"Югосетпотребнадзор"-ы радзырдтой коронавирусæй ног рынчынты тыххæй
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.
"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.
Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.
Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.
Цхуырбаты Алан: рæстæгимæ иумæ ивы радиойы куыст дæр
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæйЦхуырбаты Алан: рæстæгимæ иумæ ивы радиойы куыст дæр
Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.
"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.
Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.
"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.
Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.
Темӕтӕ: