Коронавирус

Хуссар Иры ӔХМ ӕнхъӕлмӕ кӕсы уӕрӕсейаг вакцинӕмӕ коронавирусы ныхмӕ Тотчиты Георгий

17
(ранӕуӕггонд 12:11 11.03.2021)
Уагдоны сӕргълӕууӕг нывӕнды ӕввахс рӕстӕджы аскъуыддзаг кӕнын республикӕмӕ вакцинӕ ӕрласыны фарст, фыццаг партийы хъуамӕ уой препараты 1500 иуӕджы

ЦХИНВАЛ, 10 мар – Sputnik, Тъехты Дзерассӕ. Хуссар Ирыстоны Ӕнӕниздзинад хъахъхъӕнынады министрад (ӔХМ) ракуырдта Уӕрӕсейӕ вакцинӕ "Спутник V". Уый тыххӕй фехъусын кодта республикӕйы ӕнӕниздзинад хъахъхъӕнынады министры х.ӕ. Тотчиты Георгий рабадтыл, кӕцыйы рӕстӕджы хатдзӕгтӕ скодтой уагдоны куыстӕн ивгъуыд азы.

Тотчиты Георгий баныфсӕвӕрдта, республикӕмӕ препарат ӕрласыны фарст аскъуыддзаг кӕндзысты дыууӕ-ӕртӕ къуыримӕ – министрад ӕнхъӕлмӕ кӕсы Уӕрӕсейы ӕмбӕлон структурӕты дзуаппмӕ.

"Мах ракуырдтам вакцинӕйы 1500 дозӕ. Препарат бавӕрынӕн махмӕ ис алы фадӕттӕ дӕр", - загъта Тотчиты Георгий.

Министры хӕстӕ ӕххӕстгӕнӕг бахахх кодта, коронавирусы ныхмӕ вакцинаци кӕй нӕ хицӕн кӕны ӕндӕр инфекцион низты ныхмӕ вакцинацийӕ.

Республикон бирӕпрофилон медицинон центры 2020 азы 15 сентябрӕй 31 декабры онг коронавирусӕй хос кодтой 851 адӕймаджы. УФ Хъахъхъӕнынады министрады ковидгоспиталы та 191 адӕймаджы. Республикӕйы вирус ӕдӕппӕт бахӕцыд 3125 ӕмбӕстагыл.

Хуссар Ирыстонӕй хоскӕнынадмӕ арвыстой 60 рынчыны коронавирусӕй, уыдонӕй 35 – Цӕгат Ирыстонмӕ.

17
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау