Цхинвалы центры ракалдтой сусхъæдтæ

"Цъæх" æви æдас горæт: Цхинвалы центры ракалдтой сусхъæдтæ

24
(ранӕуӕггонд 15:14 11.03.2021)
Горæты администраци ацы уынаффæ хоны сæрмагонд къамисы скуыддзаг, адæм та сты, горæты бæлæстæ кæй къаддæр кæнынц, уый ныхмæ

ЦХИНВАЛ, 11 мар - Sputnik, Плиты Фатимӕ. Хуссар Ирыстоны столицӕйы хӕрзарӕзтады комбинат Театралон фӕзуаты ракалдта цалдӕр сусхъӕды. Бӕлӕсты ракалыны ныхмӕ рацыдысты горӕты цӕрджытӕ.

Фæстаг рæстæджы арæх свæййы хъаугъайаг бæлæстæ ракалыны фарст, иутæ домынц сæ бахъахъхъæнын, аннæтæ ракалын. Æрдз бахъахъхъæнын æмæ горæт æдас скæныны аргументтæ ивынц кæрæдзи.

"Тынг уарзын горӕты бирӕ бӕлӕстӕ ӕмӕ зайӕгойтӕ. Ацы сусхъӕдтӕ афтӕ рӕсугъд фидыдтой æмæ сын сӕ къам дӕр систон, стæй сын ӕфхӕрд хуыз дӕр нӕ уыд. Фӕстаг рӕстӕджы сӕ тых радтой калынмӕ, фӕлӕ садзгӕ та кӕнынц зынгӕ къаддӕр. Ног бæлæстæ  кӕд ныссадзой, уӕддӕр цалынмæ уыдон рæзой...", - загъта Sputnik Александра.

Горӕты администрацийы ацы архӕйдтытӕ хонынц сӕрмагонд къамисы скъуыддзаг - уый банымадта, бӕлӕстӕн тӕссаг кӕй уыд ракӕлынӕй.

В центре Цхинвала срубили липы
© Sputnik / Александра Цховребова
Цхинвалы центры ракалдтой сусхъæдтæ

"Сӕрмагонд къамис аскъуыддзаг кодта, бӕлӕстӕ кӕй сты рынчын, сӕ уидӕгтӕ бахъыгдард сты ӕмӕ тӕссаг уыд ракӕлынӕй. Сӕ бынаты ныссадздзысты ӕртӕ метры бӕрзӕндӕн талатӕ ӕввахс бонты. Ахӕм рынчын бӕлӕстӕ калынц ӕгас горӕты", - загътой Цхинвалы администрацийы пресс-службӕйы.

Экологион организаци "Зеленая Алания"-йы разамонӕг Габайты Зæлинæ дæр у горæты бæлæстæ калыны ныхмæ. Уый нымайы, бӕлӕстӕ кæй хъӕуынц сӕрды уӕлдӕфы температурӕ фӕкъаддӕр ӕмӕ йæ гъӕд хуыздӕр кӕнынӕн.

"Бӕлӕстӕ сты горӕты экосистемӕйы хай, уыдон ссыгъдӕг кӕнынц уӕлдӕф ӕмӕ дӕттынц аууон. Раздӕр Ленины уынгтыл ӕрзилӕн уыд ӕнтӕфы ӕмӕ хуры бын ма бахаудаис. Бӕлӕсты бын температурӕ вӕййы 6 градусы къаддӕр. Уый тыххӕй сӕ хъӕуы хъахъхъӕнын", - загъта Габайты Зӕлинӕ.

Организацийы хистӕр ма бафтыдта, зæгъгæ, бӕлӕстӕ кӕй фӕкъаддӕр сты, уыимӕ фӕфылдӕр сты тыхдымгӕтӕ горӕты дӕр.

"Хъайтарты уынджы кӕрон ӕмӕ ӕмткӕй столицӕйы хуссар хаййы дымгӕ вӕййы 5-12 метры секундӕйы. Хъӕуы аразын дымгӕйӕ хъахъхъӕнынады хахх", - бафтыдта уый.

Габайты Зæлинæ ма банысан кодта, зæгъгæ, æцæг ног бӕлӕстӕ дæр ныссадзынц, фӕлӕ сӕм ӕвӕццӕгӕн хорз æркаст нӕ вӕййы æмæ зынтæй фæрӕзынц.

24
цифрон телеуынынад

Хуссар Ир 2022 азы кӕронмӕ ӕнӕхъӕнӕй рахиздзӕн цифрон телеуынынадмӕ

3
(ранӕуӕггонд 13:44 28.07.2021)
Абоны бон цифрон фидиуӕн ӕххӕссы республикӕйы территорийы 90 процентыл, ныридӕгӕн кусынц ӕртӕ мультиплексы

ЦХИНВАЛ, 28 июл — Sputnik, Хъуылымбегты Зӕлинӕ. Аналогон телеуыныад Хуссар Ирыстоны йӕ куыст ӕрлӕууын кӕндзӕн 2022 азы, фехъусын кодта йӕ пресс-конференцийы Sputnik бастдзинад ӕмӕ массон коммуникациты комитеты сӕргълӕууӕг Джиголаты Хасан.

Хасан Гиголаев
© Sputnik / Залина Кулумбегова
Хуссар Ирыстоны бастдзинад ӕмӕ массон коммуникациты комитеты сӕргълӕууӕг Джиголаты Хасан

Цифрон телеуынынад Хуссар Ирыстоны кусы ныр ӕртыккаг аз. Абоны бон цифрон фидиуӕн ӕххӕссы республикӕйы территорийы 90 процентыл, ныридӕгӕн кусынц ӕртӕ мультиплексы. Фыццаг дыууӕйы фӕрцы бакӕсӕн ис 20 уӕрӕсейаг телеканалмӕ, ӕртыккагмӕ та хауынц бынӕттон регионалон ДИФ - ПТРК "Алания", ПТРК "Ир" ӕмӕ "Осетия-Ирыстон".

"Цифрон телеуынынады хыз ӕххӕссы республикӕйы территорийы 92 процентыл, иннӕ астыл нырма кусы аналогон телеуынынад. Мах нӕ хицӕн кӕнӕнм аналогон телеуынынад 2022 азы онг, цӕмӕй адӕмӕн фадат радтӕм балхӕнын сӕрмагонд ифтонгад цифрон фидиуӕнӕн", - загъта Джиголаты Хасан.

Аналогон телеуынынад ахицӕн кӕныны фарс баст у уыимӕ, ӕмӕ йӕ куыстӕн ӕнӕмӕнгхъӕуӕг ифтонгады хӕйттӕ зын ссарӕн кӕй вӕййынц, банысан кодта уый.

"Инвестицион программӕйы фӕлгӕтты 2018-2019 азы республикӕйы арӕзт ӕрцыд цифрон телеуынынады хыз. Уый эксплуатацимӕ лӕвӕрд ӕрцыд аст объектыл - бӕрзӕнд "Паук", Гуфта, Малда, Ахмадз, Къуаиса, Синагут ӕмӕ Цъинагары", - ранымадта комитеты хистӕр.

Йӕ ныхӕстӕм гӕсгӕ, цифрон телеуынынадӕй ма абон иппӕрд сты Хъемулта, Цъон, Уанел, Рукъ ӕмӕ къорд ӕндӕр цӕрӕн пункты.

"Ацы хъӕуты дӕр нывӕндӕм 2022 азы онг саразын цифрон телеуынынад. Кӕд ӕхцайы фӕрӕзтӕ рӕстӕгыл райсӕм, уӕд иу азмӕ алцыдӕр сараздзыстӕм", - бахахх кодта Джиголаты Хасан.

 

3
Мегафон

"Мегафон-Хуссар Ир"-ы директор бамбарын кодта архивон тарифты ӕргъты фӕфылдӕры аххосаг

2
(ранӕуӕггонд 11:34 28.07.2021)
Чырон бастдзинады оператор фехъусын кодта, 3 августӕй кӕцыдӕр тарифты ӕргътӕ кӕй схиздзысты 50 процентӕй фылдӕры бӕрц

ЦХИНВАЛ, 28 июл – Sputnik, Козаты Диана. Хуссар Ирыстоны чырон бастдзинады иунӕг оператор фехъусын кодта августы райдианӕй архивон тарифтыл лӕггӕдты ӕргъты фӕфылдӕры тыххӕй. 

Уыдонӕй фӕдзурыны аргъ хӕдзарон регионы "Отселеком"-ы номыртӕм схиздзӕн 1,6 соммӕ иу минутӕн. Ныртӕккӕ абонӕнттӕн иу минут телефонӕй адзурын лӕууы иу сомы. Компанийы директор Николай Фирсов радзырдта Sputnik, цӕимӕ баст у ӕргъты фӕфылдӕр, уый тыххӕй.

Директор компании Мегафон - Южная Осетия Николай Фирсов
© Sputnik / Диана Козаева
"Отселеком"-ы директор Николай Фирсов

"Кӕй зӕгъын ӕй хъӕуы, ахӕм фактортӕ, куыд инфляцийы рӕзт ӕмӕ нӕ валютон бахыгъдтӕ ӕндавынц бастдзинады ӕргътыл дӕр. Тарифон плантӕ "Отличный", "Южный", "Универсальный" ӕмӕ "Универсальный ВИП" сты ахӕм плантӕ, кӕцыты бакондӕуыд дӕсӕй фылдӕр азы размӕ бынтон ӕндӕр экономикон уавӕрты. Абон уыдон хизынц архивон категоримӕ", - радзырдта Фирсов.

Компанийы директор бамбарын кодта, зӕгъгӕ, уыдон сты ахӕм продукттӕ, кӕцытӕ нал хауынц модернизацимӕ ӕмӕ сӕм ног абонентты нал иу кӕнынц къорд технологион ӕмӕ экономикон домӕнты тыххӕй.

"Уымӕ гӕсгӕ, 3 августӕй махмӕ сӕ тыхы бацӕудзысты архивон планты ивындзинӕдтӕ. Уый тыххӕй мах закъонмӕ гӕсгӕ  развӕлгъау фехъусын кодтам нӕ абоненттӕн. Уымӕ гӕсгӕ ӕнхъарӕм ахъуыды кӕнын бирӕ хӕрзвадатдӕр тарифты тыххӕй", - загъта уый.

"Остелеком"-ы сӕргълӕууӕг банысан кодта, оператор кӕй нӕ хъавы архивон плантӕ бынтондӕр хицӕн кӕнын.

2