Кабаргин

Зӕххӕнкъуыст вулканмӕ хӕстӕг: Къуыдаргомы цӕрджытӕ тӕрсынц ног риуыгъдтӕй

45
(ранӕуӕггонд 14:01 16.03.2021)
Фӕстаг бонты Къуаисайы рахатыдысты ӕртӕ зӕххӕнкъуысты. Бынӕттон цӕрджытӕ курынц, цӕмӕй ӕрхоной специалистты Уӕрӕсейӕ ӕмӕ сахуыр кӕной ацы регионы уавӕр

ЦХИНВАЛ, 16 мар - Sputnik, Плиты Фатимӕ. Хуссар Ирыстоны Къуыдаргомы ӕрцыд цалдӕр зӕххӕнкъуысты фӕстаг бонты, змӕлды тых хонынц дыууӕ балы онг, фӕлӕ горӕты цӕрджыты бафтыдта тасы. Адӕм курынц сейсмологты ӕрхонын Уӕрӕсейӕ регион сахуыр кӕныны нысанӕн.

Къуаисайы цӕрӕг Тедеты Индира ныффыста Фейсбукы йӕ фарсыл зӕххӕнкъуысты тыххӕй. Йӕ быны бацайдагъ сты уынаффӕтӕ.

Бирӕ адӕм ӕвдисынц сӕ тыхстдзинад ӕмӕ тӕрсынц стырдӕр ӕнкъуыстытӕй, стӕй ма тасы ӕфтауы уый дӕр, ӕмӕ горӕтмӕ хӕстӕг кӕй ис сабыр вулкан Кабаргин.

"Зӕххӕнкъуысттӕй иуы тых йӕ эпицентры уыд 4,3 баллы зӕххы 10 км арфы, уый у 12 километры Къуаисайӕ дарддӕр ӕмӕ сабыр вулкан Кабаргинмӕ хӕстӕг. Адӕмы фӕнды, цӕмӕй сӕ хъуыды зӕгъой сейсмологтӕ. Уадз ӕмӕ ацы хъуыддагыл батыхсой. Уый хъазӕн хъуыддаг нӕу", - загъта Sputnik горӕты цӕрӕг Тедеты Индира.

Къуаисайы мэр Бӕззаты Геннадийы ныхӕстӕм гӕсгӕ, зӕххӕнкъуыст арӕзтӕдтӕн ницы зиан ӕрхаста.

"Сабаты ӕмӕ къуырисӕры уыд чысыл ӕнкъуыстытӕ, ницы зиан ӕрхастой, дыууӕ баллы онг уыдаид сӕ тых. Уынджы чи уыд, уыдон ӕй нӕдӕр рахатыдысты", - загъта Бӕззаты Геннадий.

Хуссар Ирыстонӕн нӕй йӕхи сейсмологон службӕ, бӕрӕггӕнӕнтӕ ист цӕуынц Цӕгат Ирыстонӕй.

"Уыдон сты автершоктӕ. Зӕххӕнкъуыст уыд Гуырдзыстоны зӕххыл Оны цур, ӕмӕ Къуаисайы риуыгъдтытӕ та сты йӕ фӕстиуджытӕ. Зӕгъӕн ис, тӕссаг не сты, уымӕн ӕмӕ сӕ тых стырдӕр нӕ кӕны, фӕлӕ къаддӕр кӕны сӕ амплитудӕ", - загъта УУМ хистӕры фыццаг хӕдивӕг Бестауты Ацӕмӕз.

Хуссар Ирыстоны УУМ ма Sputnik радзырдтой, сейсмологты ӕрхонын фарст скъуыддзаг кӕй цӕуы хицауады ӕмвӕзадыл.

"Ахӕм специалистты ӕрхонынӕн хъуамӕ ацӕуа куырдиат хицауадӕй, ӕнӕ уый та исӕм информаци нӕ коллегатӕй Цӕгат Ирӕй",- балхынцъ кодта уый.

45
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Хуссар Иры фӕстаг хӕрзбон загътой номдзыд артисткӕ Галуанты Людмилайӕн

20
(ранӕуӕггонд 16:03 22.10.2021)
Галуанты Людмила йӕ цардӕй ахицӕн 85-аздзыдӕй. Уый бавӕрдтой Хуссар Ирыстоны Националон пантеоны. Номдзыд артисткӕйӕн фӕстаг хӕрзбон загътой Паддзахадон драмон театры

ЦХИНВАЛ, 22 окт - Sputnik, Козаты Диана. Сӕдӕгай адӕм ӕрбацыдысты, цӕмӕй фӕстаг хӕрзбон зӕгъой Хуссар Ирыстоны Адӕмон артисткӕ Галуанты Людмилайӕн. Номдзыд актрисӕ, ирон интеллигенцийы ирд минӕварӕн майрӕмбоны загътой фӕстаг хӕрзбон.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Граждайнаг панихидӕ ацыд Паддзахадон драмон театры бӕстыхайы, кӕцыйы сценӕйыл Галуанты Людмила сӕххӕст кодта дӕсгай фӕлгонцтӕ. Йӕ фӕстаг фӕлгонц театры сценӕйыл уый сӕххӕст кодта спектакль "Ныййарӕджы кадӕг"-ы. Йӕ коллегӕты ныхӕстӕм гӕсгӕ, фӕстаг ӕзты уымӕн йӕ бӕллиц уыд ногӕй рахизын сценӕмӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Фыдохы митинг адарддӕр ис Театралон фӕзуатыл.

"Людмилайыл гӕнӕн ис бирӕ дзурын, фӕлӕ дзырдтӕ алыхатт дӕр фаг нӕ уыдзысты", - загъта актрисӕйы коллегӕ Къацты Филипп.

Ӕрӕмбырдуӕвджытӕ дзырдтой Галуанты Людмилайы поэтикон курдиаты тыххӕй, йӕ бӕрзонд граждайнаг позицийыл, йӕ хайбавӕрдыл Хуссар Ирыстоны паддзахаддзинады арӕзтадмӕ.

Хуссар Ирыстоны парламенты цалдӕр ӕрсидты депутат Кокойты Тарзаны ныхӕстӕм гӕсгӕ, Галуанты Людмилайы сфӕлдыстадон курдиат нырма хъӕуы сахуыр кӕнын, уымӕн ӕмӕ йын уыд диссаджы граждайнаг ӕмӕ ӕхсӕнадон позици.

Зындгонд актрисӕйӕн фӕстаг хӕрзбон зӕгъынмӕ ӕрбацыд республикӕйы къухдариуӕгад дӕр президент Бибылты Анатолийы сӕргълӕудӕй.

Паддзахады сӕргълӕууӕг бахахх кодта, Галуанты Людмила алкӕцы фӕлгонц дӕр ӕххӕст кодта бӕрзонд ӕмвӕзадыл.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

"Абон Галуанты Людмила сӕххӕст кодта сценӕйыл йӕ фӕстаг фӕлгонц. Фӕлгонц, кӕцы йын нӕ радта режиссер ӕмӕ йыл кӕцы нӕ фидауы. Фӕлӕ уӕззау низ нӕ радта фадат уымӕн сӕххӕст кӕнын фӕлгонц, кӕцыйы йын цӕттӕ кодтой йӕ 85 азы юбилеймӕ", - загъта президент.

Поэт Чехойты Александр бафарста тӕфӕрфӕсы телтӕ, кӕцытӕ ӕрбарвыстой оперон зарӕггӕнӕг Джиоты Вероника, кинорежиссер, актер, продюсер, зарӕггӕнӕг Салбиты Аким, Хуссар Ирыстоны минӕвар Уӕрӕсейы Гасситы Знауыр, Цӕгат Ирыстоны парламенты депутаттӕ, Мӕскуыйы ирон ӕхсӕнад, Цӕгат Ирыстоны академион театр ӕмӕ ӕндӕртӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Галуанты Людмилайы чырын хастой театры актертӕ. Йӕ фӕдыл айхъуыст Сагкаты Валерийы зарӕг "Мӕ Ирыстон", кӕцыйӕн ӕмдзӕвгӕ ныффыста Галуанты Людмила йӕхӕдӕг. Ацы уацмыс бирӕтӕ нымайынц бӕстӕйы ӕнӕофициалон гимныл.

Галуанты Людмила ахицӕн йӕ цардӕй 85-аздзыдӕй. Уый бавӕрдтой Хуссар Ирыстоны Националон пантеоны.

20

Хуссар Иры коронавирусӕй фӕрынчынуӕвджыты иумӕйаг нымӕц ахызт дыууӕ минӕй

15
(ранӕуӕггонд 13:39 22.10.2021)
Майрӕмбоны райсоммӕ уагдоны бӕрӕггӕнӕнтӕм гӕсгӕ, медикты хъусдарды бын сты 2036 пациенты, кӕцытыл бахӕцыд коронавирусон инфекци

 

ЦХИНВАЛ, 22 окт - Sputnik. Коронавирусӕй фӕрынчынуӕвджыты иумӕйаг нымӕц, кӕцытӕ сты Хуссар Ирыстоны дохтырты хъусдарды бын, майрӕмбонмӕйы бӕрӕггӕнӕнтӕм гӕсгӕ ахызт дыууӕ минӕй, фехъусын кодтой Sputnik Югосетпортебнадзоры. 

"Цыппӕрӕмы нӕ лабораторийы сарӕзтӕуыд 321 иртӕсты, уыдонӕй COVID-19 сбӕрӕг кодтой 81 адӕймагӕн. Дохтырты хъусдарды бын цы рынчынтӕ ис, уыдоны иумӕйаг нымӕц у 2036", - банысан кодтой уагдоны.

Югосетпотребнадзоры ма куыд фехъусын кодтой, афтӕмӕй ивгъуыд суткӕйы медицинон хыгъдӕй систой 40 пациенты.

Пандемийы райдайӕнӕй COVID-19 Хуссар Ирыстоны бахӕцыд 7986 адӕймагыл, сӕнӕниз сты 5950 пациенты. 

15
Кокойты Тарзан

Кокойты Тарзан: Галуанты Людайӕн иууыл диссаг уыд йе 'мбӕстагон позици

0
(ранӕуӕггонд 12:48 23.10.2021)
Парламенты раздӕры депутат, мидхъуыдтӕгты министры хӕдивӕг Кокойты Тарзаны раныхас Галуанты Людмилайӕн фӕстаг харзбон зӕгъыны церемонийы
Кокойты Тарзан: Галуанты Людайӕн иууыл диссаг уыд йӕ ӕмбӕстагон позици

Хуссар Ирыстоны аивад ӕмӕ интеллигенцийы минӕвӕрттӕ хӕрзбон загътой Адӕмон артисткӕ, поэт Галуанты Людмилайӕн. Фыдохы митинджы церемонийы Кокойты Тарзан йӕ раныхасы банысан кодта, Людмилайӕн йе сфӕлдыстадон курдиат нырма иртӕстгонд кӕй не ‘рцыд.

"Фӕлӕ иууыл диссаг уыд йӕ ӕмбӕстагон позици. Ирыстоны сӕрмӕ сау мигътӕ куы ‘ртымбыл сты, ӕмӕ ныл гадзрахатӕй куы рацыдысты алӕрдыгӕй дӕр, уӕд хъуыддаг цӕмӕ цӕуы, уый алчи не ‘мбӕрста. Фӕлӕ Галуанты Люда уыд, чи йӕ ‘мбӕрста, уыдонӕй", - загъта Кокойты Тарзан.

Тарзаны ныхӕстӕм гӕсгӕ, Галуанты Людмилайы фӕлтӕр сӕхиуыл банкъардтой ирон ӕвзаг, культурӕ ӕмӕ националон традициты дӕлдзиныг.

"Диссаг уыд йӕ ныфсхаст, парламенты кусгӕйӕ афтӕ дзырдта – ныфсхастдзинад дам у уӕлахизӕн йе ‘мбис", - банысан кодта Кокойты Тарзан.

Уый ма куыд бафиппайдта, афтӕмӕй Людмила Графы чызг ӕмбӕрста, сӕрибардзинад кӕй никуы вӕййы лӕварӕй дӕтгӕ.

0
Темӕтӕ:
Радио иронау