Хуссар Иры ацыд Ереды трагедийы амӕттӕгты мысӕнӕн митинг

Хуссар Иры ацыд Ереды трагедийы амӕттӕгты мысӕнӕн митинг

8
(ранӕуӕггонд 15:37 18.03.2021)
Ӕртын азы размӕ гуырдзиаг хотыхджын ӕфсӕддонтӕ бирӕ фыдмиты фӕстӕ удæгасæй баныгæдтой 12 ирон лӕппуйы Ереды хъӕуы цур

ЦХИНВАЛ, 18 мар — Sputnik, Козаты Диана.Хуссар Ирыстоны цыппӕрӕмы ссардтой Ереды трагедийы амӕттӕгты рухс нӕмттӕ. Мысӕн мадзал ацыд горӕты уӕлмӕрды, цы ран ӕфсымӕрон ингӕны хуыссынц 12 ирон лӕппуйы, кӕцыты ӕртын азы размӕ гуырдзиаг хотыхджын ӕфсӕддонтӕ бирӕ фыдмиты фӕстӕ удæгасæй баныгæдтой.

1991 азы 18 марты Ереды хъæуы цур гуырдзиаг хотыхджын ӕфсӕддонтӕ рахизын кодтой Дменисæй Цхинвалмæ цæуæг автобусæй 25 ироны. Сылгоймæгтæ æмæ сывæллæтты фæнадтой, стæй сæ ауагътой. 12 ирон нӕлгоймаджы та бирӕ фыдмиты фӕстӕ удæгасæй баныгæдтой. Бирӕ ӕзты дӕргъы уыдон нымад цыдысты ӕбӕрӕгӕй сӕфтыл. Сæ ингæны бынат сын ссардтой æрмæстдæр дыууæ азы фæстæ.

Годовщина Ередской трагедии
© Sputnik / Natalia Airiyan
Ереды трагедийы афӕдзы бон

Къӕвдамӕ ӕнӕкӕсгӕйӕ трагедийы амӕттӕгты мысӕнӕн митингмӕ ӕрбацыдысты цалдӕр сӕдӕ адӕймаджы.

"Ӕртын азы рацыд ацы трагедийӕ, фӕлӕ мах ӕрмӕстдӕр 28 азы цӕуӕм ацы лӕппуты ингӕнмӕ. Уымӕн ӕмӕ дыууӕ азӕй фылдӕр ничи зыдта, цы ран сӕ баныгӕдтой удӕгасӕй. Ацы дыууӕ азы сӕ хиуӕтты уырныдта, кӕй сӕ ссардзысты удӕгасӕй. Фӕлӕ сӕ бӕллиц нӕ сӕххӕст", - загъта президент Бибылты Анатолий.

Паддзахады сӕргълӕууӕг банысан кодта, ацы трагеди иунӕг фыдракӕнд кӕй нӕ уыд ирӕтты ныхмӕ Гуырдзыстоны рдыгӕй, президент ӕрымысыд Зары трагеди ӕмӕ 2008 азы августы хӕст.

Годовщина Ередской трагедии
© Sputnik / Natalia Airiyan
Ереды трагедийы афӕдзы бон

Бибылты Анатолий бахахх кодта, ацы фыдракӕндтӕ иууылдӕр кӕй сты 1920 азы геноциды фӕстиуджытӕ.

Президент ма бафтыдта, Хуссар Ирыстоны адӕм алыхатт дӕр кӕй хъуыды кӕндзысты ацы фыдракӕндтӕ, ӕмӕ никуы ферох кӕндзысты сӕ амӕттӕгты.

"Мах хъуыды кӕндзыстӕм зындзинад, кӕцы Гуырдзыстон ӕрхаста Хуссар Ирыстон", - загъта Бибылты Анатолий.

Фӕмардуӕвджыты рухс ном ссардтой иу уысм ӕдзӕмӕй алӕугӕйӕ.

Годовщина Ередской трагедии
© Sputnik / Natalia Airiyan
Ереды трагедийы афӕдзы бон

Митингмӕ ӕрбацыдысты фӕмардуӕвджыты хиуӕттӕ дӕр. Уыдон иууыл фӕстаг бацыдысты ӕфсымӕрон ингӕнмӕ ӕмӕ бараст кодтой дидинтӕ, кӕцытӕ хастой ацы ранмӕ республикӕйы ӕмбӕстӕгтӕ.

Годовщина Ередской трагедии
© Sputnik / Natalia Airiyan
Ереды трагедийы афӕдзы бон
8
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау