Сывӕллӕтты омбудсмен кусӕгон балцы бабӕрӕг кодта Знауыры район

Сывӕллӕтты омбудсмен кусӕгон балцы бабӕрӕг кодта Знауыры район

7
(ранӕуӕггонд 11:51 19.03.2021)
Амӕйразмӕ Цхуырбаты Татьяна ауагъта Ленингоры районы ахуырадон уагдӕтты мониторинг, цы ран рабӕрӕг кодтой цалдӕр фиппаинаджы

ЦХИНВАЛ, 19 мар – Sputnik, Хъуылымбегты Зӕлинӕ. Хуссар Ирыстоны президенты ӕххӕстбарджын минӕвар сывӕллӕтты барты фӕдыл Цхуырбаты Татьяна ауагъта республикӕйы Знауыры районы ахуырадон уагдӕтты мониторинг.

Кусӕгон балцы рӕстӕджы сывӕллӕтты омбудсмен бабӕрӕг кодта аст скъолайы, дыууӕ сабидоны ӕмӕ Сывӕллӕтты сфӕлдыстады галуан. Басгӕрсты рӕстӕджы ссардтой ӕрмӕстдӕр чысыл фиппаинӕгтӕ.

"Мах бацыдыстӕм ахуырадон уагдӕттӕм, кӕцытӕ сты ацы районы, ӕмӕ сбӕрӕг кодтам чысыл фиппаинӕгтӕ. Скъолатӕй сӕ иуы хъӕуы раивын уӕлхӕдзар, балхӕнын партӕтӕ ӕмӕ компьютер", - загъта уый.

Цхуырбаты Татьянайы ныхӕстӕм гӕсгӕ, фарстытӕ иууылдӕр бахастой хыгъдлӕвӕрдмӕ ӕмӕ сӕ барвитдзысты Знауыры районы сӕргълӕууӕгмӕ, кӕцы кусдзӕн сӕ аскъуыддзаг кӕныныл. Афтӕ ма уый бафтыдта, ахуырдзауты ахуырадон процессы кӕй не сбӕрӕг кодтой фиппаинӕгтӕ, уыдон ифтонг сты скъолайы ӕмӕ аивадон литературӕйӕ.

Детский омбудсмен посетила Знаурский район с рабочей поездкой
Татьяна Цховребова
Сывӕллӕтты омбудсмен кусӕгон балцы бабӕрӕг кодта Знауыры район

Амӕйразмӕ Цхуырбаты Татьяна ауагъта Ленингоры районы ахуырадон уагдӕтты мониторинг, цы ран рабӕрӕг кодтой цалдӕр фиппаинаджы.

"Фарстытӕ, кӕцытӕ нын фехъусын кодтой Ленингоры сывӕллӕтты хӕдзары, ныридӕгӕн аскъуыддзаг кодтой. Аннӕ уагдӕтты проблемӕтыл дӕр куыст цӕуы ӕмӕ сӕ тагъд рӕстӕджы аскъуыддзаг кӕндзыстӕм", - бахахх кодта омбудсмен.

Сывӕллӕтты омбудсмен бафтыдта, Знауыры ӕмӕ Ленингоры районты скъолаты нӕй психологты, ӕмӕ уый у проблемӕ.

Цхуырбаты Татьянайы снысан кодтой сывӕллӕтты барты фӕдыл президенты ӕххӕстбарджын минӕварӕй 2021 азы 14 январы, уый раивта ацы бынаты Козаты Гульнарайы.

7
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау