Цхинвалы бирæпрофилон колледжы схорзæхджын кодтой WorldSkills Russia хайадисджыты

Цхинвалы бирæпрофилон колледжы схорзæхджын кодтой WorldSkills Russia хайадисджыты

4
(ранӕуӕггонд 11:12 22.03.2021)
Колледжы студенттæ марты райдианы "Ӕвзонг профессионалты" чемпионатæй (WorldSkills Russia) æрыздæхтысты иттæг хорз фæстиуджытимæ

ЦХИНВАЛ, 19 мар - Sputnik, Гæбæраты Элина. Цхинвалы бирæпрофилон колледжы (ЦБК) фæстиуджытæ сарæзтой чемпионат "WorldSkills Russia"-йæн æмæ схорзæхджын кодтой мадзалы хайадисджыты æмæ сæ ахуыргæнджыты.

Республикæйы кад чемпионаты хъахъхъæдтой Дзабиты Марик, Тедеты Мерседес æмæ Дзеранты Валерий.

ЦБК пресс-секретарь Тъехты Сима куыд радзырдта Sputnik, афтæмæй мадзал райдыдта ахуырадон уагдоны директор Козаты Лирайы раныхасæй, кæцы æрдзырдта конкурсы фæстиуджытыл æмæ дзы Хуссар Иры минæвæртты хайадисты ахсджиагдзинадыл.

"Хъуыддаг уый мидæг ис, æмæ мах политикон аххосæгтæм гæсгæ не стæм WorldSkills Russia уæнг, уымæ гæсгæ нæ бон нæй официалон æгъдауæй призон бынæттæ бацахсын. Нæ ралæудты гъæд æмæ æмвæзадæн аргъ кæнæм сисгæ баллты нымæцмæ гæсгæ. Баллты нымæцмæ гæсгæ та нæ бон фидарæй зæгъын у, кæй райстам призон бынæттæ", - загъта Козаты Лира.

Мадзалмæ хуынд æрцыдысты ахуырад æмæ зонады министрады къухдариуæгад, афтæ ма колледжы ахуыргæнджытæ æмæ студенттæ. Уазджытæн равдыстой видеоролик чемпионатæй. Студенттæ стыр цымыдисимæ кастысты, куыд арæхстджынæй æмæ æнцонтæй хуссарирыстойнаг архайджытæ æххæст кодтой сæ хæслæвæрдтæ, уымæ. Уагдоны пресс-службæйы куыд банысан кодтой, афтæмæй уый уыдзæн стыр стимул, цæмæй дарддæр ноджы тынгдæр сæхиуыл кусой æмæ иннæ хатт та уыдон райсой хайад æнгæс чемпионатты.

Награждение в ЦМК
© Photo : Сима Техова
Цхинвалы бирæпрофилон колледжы схорзæхджын кодтой WorldSkills Russia хайадисджыты

Ахуырады министр Гасситы Натали раарфæ кодта конкурсы хайадисджытæн, афтæ сæ ахуыргæнджытæн дæр, кæцытæ сæ цæттæ кодтой æмæ сæ фæрцы райсой ахæм бæрзонд бæрæггæнæнтæ. Уый ма бахахх кодта, зæгъгæ, хорз уаид, ахæм фæзуат арæзт куы æрцæуид бынаты дæр, ома Хуссар Ирыстоны.

Мадзал ахицæн национ кафт Хонгæйæ - ацы кафт ма колледжы студенттæ сæххæст кодтой WorldSkills Russia сæхгæныны цытджын церемонийы дæр.

4
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау