Коррекцион кълас

Цхинвалы ӕрдзырдтой низӕфхӕрд сывӕллӕтты ахуырыл

4
Республикӕйы ахуырадон уагдӕтты директортимӕ фембӕлдыл ӕркастысты низӕфхӕрд сывӕллӕтты ахуырадон процессы организацийы нырыккон методтӕм

ЦХИНВАЛ, 23 мар - Sputnik, Гӕбӕраты Элина. Ахуырадон уагдӕтты разамонджытӕ фембӕлдысты дефектолог Александр Крысовимӕ, кӕцы кусы сывӕллӕтты дзурыны фӕлтӕрдты коррекцийыл, фехъусын кодта Sputnik ахуырад ӕмӕ зонады министрады пресс-секретарь Плиты Яна.

Уый банысан кодта, фембӕлды сӕйраг темӕ кӕй у низӕфхӕрд сывӕллӕтты ахуырадон процессы организаци.

"Ахуырад ӕмӕ зонады министрад фарон фӕхуыдта республикӕмӕ уӕрӕсейаг дефектологы. Ӕрхонгӕ специалист хъуамӕ арвыстаит ам иу аз, фӕлӕ йӕ активон профессионалон архайды тыххӕй аскъуыддзаг кодтам адарддӕр кӕнын йӕ куыст Цхуынвалы скъола-интернаты", - банысан кодта Плиты Яна.

Уый бахахх кодта, скъола-интернаты кӕй сты коррекцион кълӕстӕ, кӕцыты ахуырдзауты хъӕуы специалисты ӕххуыс.

"Знон дефектолог фембӕлд ахуырадон уагдӕтты разамонджытимӕ низӕфхӕрд сывӕллӕтты ахуырадон процессы организацийы фӕдыл. Фембӕлды рӕстӕджы ногӕй банысан кодтой, Уӕрӕсейы Федерацийы кӕй ис законы уӕлӕмхасӕн пункттӕ, кӕцытӕ хъахъхъӕнынц низӕфхӕрд сывӕллӕтты. Афтӕ ма, ныййарджытӕ, кӕцытӕм ис медико-психолого-педагогон экспертизӕйы уынаффӕ, уыдонӕн бар ис бакӕнын сӕ сывӕллӕтты цыфӕнды ахуырадон уагдонмӕ дӕр ӕмӕ сӕ уым хъуамӕ райсой", - бафтыдта пресс-секретарь.

Уымӕй дарддӕр, фембӕлдыл ӕрдзырдтой ныййарджыты бартӕ ӕмӕ бӕрндзинады фӕдыл, кӕцытӕ фыст сты ахуырады фӕдыл законы.

"Уӕрӕсейаг дефектолог ӕрлӕууыд нырыккон ноджы иу проблемӕйыл – цифрон аутизмыл. Сывӕллоны къухтӕм гаджетттӕ куы раттынц, уӕд ауадзынц бирӕ моменттӕ. Сывӕллонимӕ хъӕуы дзурын ӕмӕ контакт кӕнын", - загъта Плиты Яна.

Плиты Яна ма зӕрдыл ӕрбалӕууын кодта, Хуссар Ирыстоны горӕттӕ ӕмӕ районты ӕппӕт скъолаты 2008 азӕй фӕстӕмӕ кусынц штатон логопедтӕ, кӕцытӕ рацыдысты цыбырӕмгъуыдон курсытӕ.

4
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау