Дзомагъы ссардтой электрохаххыл аварийы бынат.

Дзомагъы ссардтой электрохаххыл аварийы бынат. Специалисттӕ кусынц йӕ аиуварс кӕныныл

133
(ранӕуӕггонд 12:54 25.03.2021)
Авари аиуварс кӕныныл архайынц УУМ, МХМ, "Энергоресурс", сӕ техникӕ ракодтой Спорты комитет ӕмӕ "Дорэкспострой". Ӕртыццӕджы ӕххуысмӕ ссыдысты паддзахадон хъахъхъӕнынады службӕйы кусджытӕ дӕр

ЦХИНВАЛ, 25 мар – Sputnik, Плиты Фатимӕ. Хуссар Ирыстоны цалдӕр уагдоны кусджыты баиугонд къорд архайы Дзауы районы Дзомагъгомы электронон хаххыл дыккаг авари аиуварс кӕныныл. Аварийы бынат ис трассӕйӕ авд километры дӕрддзӕф ӕвзӕрвадат бынаты, фехъусын кодта Sputnik къорды уӕнгтӕй иу.

Республикӕйы дыккаг бон рухс нӕй электрон хаххыл аварийы тыххӕй. Хуссар Ирыстоны сабидӕттӕ ӕмӕ скъолатӕ нӕ кусынц, зиан хӕссынц амалиуӕггӕнджытӕ.

"Дыккаг авари дӕр ис Дзомагъы, 7 километры бӕрц мидӕгдӕр трассӕйӕ. Сӕумӕрайсом къорд ацыд йӕ агурӕг тракторыл, уыцы бынаты ис астӕуы онг мит, ныр дӕр йӕ уарынӕй нӕ лӕууы. Знон фыццаг авари бантыст иуварс кӕнын, уымӕн йӕ бынат уыд фондз километры дӕрддзӕф фӕндагӕй ӕмӕ йӕм бацыдыстӕм къахӕй", - радзырдта уый.

Къорды минӕвары ныхӕстӕм гӕсгӕ, авари аиуварс кӕныныл архайынц УУМ, МХМ, "Энергоресурс", сӕ техникӕ ракодтой Спорты комитет ӕмӕ "Дорэкспострой". Ӕртыццӕджы ӕххуысмӕ ссыдысты паддзахадон хъахъхъӕнынады службӕйы кусджытӕ дӕр.

133
Ӕхцатӕ

Хуссар Иры вице-премьер фехъусын кодта уӕлбар кредиттӕ дӕттыны дыккаг этапы тыххӕй

3
(ранӕуӕггонд 09:45 30.07.2021)
Чысыл ӕмӕ астӕуккаг бизнесӕн республикӕйы уӕлбар кредиттӕ дӕттынц 2018 азӕй фӕстӕмӕ. Ацы аз хицауад ныридӕгӕн рахицӕн кодта 28 милуан сомы бизнес-проекттӕн

ЦХИНВАЛ, 30 июл - Sputnik. Хуссар Ирыстоны ӕввахс рӕстӕджы райдайдзӕн чысыл ӕмӕ астӕуккаг амалиуӕгадӕн уӕлбар кредиттӕ дӕттыны дыккаг этап, кӕцы ӕххӕст цӕудзӕн 2018 азы хӕстӕй фӕрӕзты руаджы, хъусын кӕны хицауады пресс-службӕ.

Уӕлбар кредиткӕнынады фӕдыл закон райстӕуыд 2018 азы марты. Уӕд 49 амалиуӕггӕнӕджы ӕдӕппӕт райстой 21 милуан сомы.

"2021 азмӕ уӕлбар кредиткӕнынадӕн суммӕ дыууӕ хатты фӕфылдӕр ӕмӕ у 49 милуан сомы. Азы райдайӕнӕй 28 милуан сомы райстой 43 амалиуӕггӕнӕджы. Уӕлбар кредиткӕнынады программӕйы цы механизм ис, уый руаджы популярондӕр кӕнынц экономикӕйы приоритетон къабазтӕ: хъӕууон хӕдзарад, рауагъдад, туризм, медицинӕ ӕмӕ ӕхсӕнадон хӕлцад", - радзырдта вице-премьер – экономикон райрӕзты министр Тадтаты Дзамболат.

Йӕ ныхӕстӕм гӕсгӕ, уӕлбар кредиттӕ райсыны дыккаг этапы фӕлгӕтты куырдиаттӕ ист фесты 5 июлы, Экономикон райрӕзты министрадмӕ ӕрбацыд 37 бизнес-проекты. Уыдонмӕ ӕркӕсдзӕн уӕлбар кредиткӕнынады фӕдыл Фонды совет.

Министрты кабинеты бафтыдтой, зӕгъгӕ, 2018-2020 ӕзты уӕлбар кредиттӕ райстой 157 амалиуӕггӕнӕджы 76,5 милуан сомы бӕрц. Уыдонӕй 111 субъекты – хъӕууон хӕдзарады фадыджы; 20 субъекты – рауагъдады фадыджы; 16 субъекты – лӕггӕдты фадыджы; 10 субъекты – базарады фадыджы.

3
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

10
(ранӕуӕггонд 09:36 30.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзалы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

10