Харебаты Сергей

Хуссар Иры Адӕмон парти равзӕрста ног разамонӕджы

2
(ранӕуӕггонд 16:22 26.03.2021)
Партийы раздӕры сӕрдар Плиты Александры ныхӕстӕм гӕсгӕ, уый йӕхӕдӕг аскуыддзаг кодта раразмӕ кӕнын Харебаты Сергейы

ЦХИНВАЛ, 26 мар – Sputnik, Козаты Диана. Хуссар Ирыстоны Адӕмон парти раивта йӕ лидеры, йӕ сӕргъ слӕууыд Харебаты Сергей.

Партийы радон рабадт ацыд майрӕмбоны. Харебаты Сергейы кандидатурӕ партийы лидеры бынатмӕ уыд иунӕг номхыгъды.

"Уый уыд радон хыгъдлӕвӕрдон-ӕвзарӕн рабадт, кӕцы уагъд цӕуы ӕртӕ аз иу хатт. Уым равзарынц ног къухдариуӕгад ӕмӕ генсовет. Уый уыд мӕхи сӕрмагонд, ӕмӕ генералон советы скъуыддзаг, цӕмӕй сног кӕнӕм партийы къухдариуӕгад. Уый фӕдыл партийы разамонӕг ссис Харебаты Сергей", - радзырдта Sputnik партийы раздӕры сӕрдар, парламенты вице-спикер Плиты Александр.

Йӕ ныхӕстӕм гӕсгӕ, Харебаты Сергей у партийы бындурӕвӕрджытӕй сӕ иу.

Плиты Александр бахахх кодта, 2022 азы президентон ӕвзӕрстыты хайад райсыны тыххӕй нырма раджы у дзурын, уымӕн ӕмӕ сӕм бирӕ рӕстӕг хъӕуы.

2
Ӕхцатӕ

Хуссар Иры вице-премьер фехъусын кодта уӕлбар кредиттӕ дӕттыны дыккаг этапы тыххӕй

2
(ранӕуӕггонд 09:45 30.07.2021)
Чысыл ӕмӕ астӕуккаг бизнесӕн республикӕйы уӕлбар кредиттӕ дӕттынц 2018 азӕй фӕстӕмӕ. Ацы аз хицауад ныридӕгӕн рахицӕн кодта 28 милуан сомы бизнес-проекттӕн

ЦХИНВАЛ, 30 июл - Sputnik. Хуссар Ирыстоны ӕввахс рӕстӕджы райдайдзӕн чысыл ӕмӕ астӕуккаг амалиуӕгадӕн уӕлбар кредиттӕ дӕттыны дыккаг этап, кӕцы ӕххӕст цӕудзӕн 2018 азы хӕстӕй фӕрӕзты руаджы, хъусын кӕны хицауады пресс-службӕ.

Уӕлбар кредиткӕнынады фӕдыл закон райстӕуыд 2018 азы марты. Уӕд 49 амалиуӕггӕнӕджы ӕдӕппӕт райстой 21 милуан сомы.

"2021 азмӕ уӕлбар кредиткӕнынадӕн суммӕ дыууӕ хатты фӕфылдӕр ӕмӕ у 49 милуан сомы. Азы райдайӕнӕй 28 милуан сомы райстой 43 амалиуӕггӕнӕджы. Уӕлбар кредиткӕнынады программӕйы цы механизм ис, уый руаджы популярондӕр кӕнынц экономикӕйы приоритетон къабазтӕ: хъӕууон хӕдзарад, рауагъдад, туризм, медицинӕ ӕмӕ ӕхсӕнадон хӕлцад", - радзырдта вице-премьер – экономикон райрӕзты министр Тадтаты Дзамболат.

Йӕ ныхӕстӕм гӕсгӕ, уӕлбар кредиттӕ райсыны дыккаг этапы фӕлгӕтты куырдиаттӕ ист фесты 5 июлы, Экономикон райрӕзты министрадмӕ ӕрбацыд 37 бизнес-проекты. Уыдонмӕ ӕркӕсдзӕн уӕлбар кредиткӕнынады фӕдыл Фонды совет.

Министрты кабинеты бафтыдтой, зӕгъгӕ, 2018-2020 ӕзты уӕлбар кредиттӕ райстой 157 амалиуӕггӕнӕджы 76,5 милуан сомы бӕрц. Уыдонӕй 111 субъекты – хъӕууон хӕдзарады фадыджы; 20 субъекты – рауагъдады фадыджы; 16 субъекты – лӕггӕдты фадыджы; 10 субъекты – базарады фадыджы.

2
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

10
(ранӕуӕггонд 09:36 30.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзалы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

10