Джиоты Мурӕт

"Стабилон ӕндыгъд уавӕр": Джиоты Мурӕт хатдзӕгтӕ скодта Женеваг дискусситӕн

5
(ранӕуӕггонд 16:35 31.03.2021)
Ивгъуыд къуыри Женевайы ацыд Фӕскавказы ӕдасдзинад ӕмӕ стабилондзинады фӕдыл дискусситы 52-ӕм раунд. Цхинвалы пресс-конференцийыл фембӕлдӕн хатдзӕгтӕ скодта президенты ӕххӕстбарджын минӕвар Джиоты Мурӕт

ЦХИНВАЛ, 31 мар – Sputnik, Тъехты Дзерассӕ. Женевайы Фӕскавказы ӕдасдзинад ӕмӕ стабилондзинады фӕдыл дискусситы 52-ӕм раунды хайадисджытӕ ногӕй нӕ рахастой ахсджиаг фӕстиуджытӕ, радзырдта хуссарирыстойнаг делегацийы разамонӕг, президенты ӕххӕстбарджын минӕвар Джиоты Мурӕт.

Боны фӕткы сӕйраг фарстытӕй иу уыд регионы ӕдасдзинад. Хуссарирыстойнаг делегаци банымадта районы уавӕр стабилон ӕндыгъдыл. Ӕххӕстбарджын минӕвар зӕрдыл ӕрбалӕууын кодта, ӕндыгъд уавӕр кӕй фӕзынд гуырдзиаг фарс Хуссар Ирыстоны территорийыл Уисты хъӕуы районы ӕнӕзаконон пост куы сӕвӕрдта, уӕд.

"2019 азы августӕй фӕстӕмӕ мах домӕм, цӕмӕй ацы пост айсой республикӕйы территорийӕ. Ууыл баст у Гуырдзыстонимӕ арӕныл уавӕр", - загъта Джиоты Мурӕт.

Афтӕ ма фембӕлды рӕстӕджы ногӕй ӕрдзырдтой Хуссар Ирыстоны ӕмбӕстӕгты хъысмӕтыл, кӕцытӕ бахаудтой гуырдзиаг тыхон структурӕты къухтӕм 2008 азы августы, ӕмӕ уӕдӕй фӕстӕмӕ нымад сты ӕбӕрӕгӕй сӕфтыл.

Джиоты Мурӕт ма банысан кодта, фембӕлды рӕстӕджы уӕлдай хъусдард кӕй уыд здӕхт тыхӕй ма пайда кӕныны фӕдыл документ бафыссынӕн.

Президенты ӕххӕстбарджын минӕвар бафтыдта, Женеваг дискусситӕ кӕй сты дӕргъвӕтин дипломатон процесс.

"Алкӕцы фарсӕн дӕр ис йӕхи позици ӕмӕ уый фӕдыл проблемӕтӕ аскъуыддзаг кӕнын зын вӕййы", - загъта уый.

Женеваг дискусситы радон раунд нывӕндынц ауадзын ацы аз июны.

5
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау