Практикӕ Цхинвалы бирӕпрофилон колледжы

Цхинвалы бирӕпрофилон колледжы дӕргъвӕтин паузӕйы фӕстӕ райдыдтой практикон ахуыртӕ

4
(ранӕуӕггонд 15:20 01.04.2021)
Ахуырадон уагдоны практикӕ ӕрурӕдтой иу азмӕ коронавирусон арӕнӕвӕрдты тыххӕй

ЦХИНВАЛ, 1 апр – Sputnik, Гӕбӕраты Элина. Цхинвалы бирӕпрофилон колледжы студенттӕ дӕргъвӕтин паузӕйы фӕстӕ райдыдтой цӕуын ахуырадон практикӕ. Ахуырадон уагдоны пресс-секретарь Тъехты Сима куыд радзырдта Sputnik, афтӕмӕй, фӕстаг хатт студенттӕ практикӕ цыдысты фарон ахуырадон азы фыццаг семестры, уый фӕстӕ сын дӕргъвӕтин карантин фехӕлдта сӕ нывӕзтытӕ.

"Практикӕ райдыдта студенттӕн, кӕцытӕ ахуыр кӕнынц ӕфсапъӕ-кондитерыл, цифрон информацийыл кусыны мастерыл, фидӕны автомеханикыл ӕмӕ электромонтажниктыл. Кондадон ахуыры фӕдыл директоры хӕдивӕг Хъуылымбегты Лонда банысан кодта, карантины фӕстӕ фыццаг семестры практикӕ студенттӕ рацыдысты теоретикон ахуыртимӕ иумӕ", - радзырдта Тъехты Сима.

Йӕ ныхӕстӕм гӕсгӕ, колледжы ис ӕрмадзтӕ, цы ран фӕсивӕдӕн ис фадат спайда кӕнын сӕ зонындзинӕдтӕй практикӕйыл.

Тъехты Сима бафтыдта, зӕгъгӕ, ахуырадон практикӕйы фӕстӕ колледжы ахуырдзаутӕ сӕрды райдайӕнмӕ цӕудзысты кондадон практикӕ горӕты объектты.

  • Практикӕ Цхинвалы бирӕпрофилон колледжы
    Практикӕ Цхинвалы бирӕпрофилон колледжы
    Из архива Симы Теховой
  • Практикӕ Цхинвалы бирӕпрофилон колледжы
    Практикӕ Цхинвалы бирӕпрофилон колледжы
    Из архива Симы Теховой
  • Практикӕ Цхинвалы бирӕпрофилон колледжы
    Практикӕ Цхинвалы бирӕпрофилон колледжы
    Из архива Симы Теховой
  • Практикӕ Цхинвалы бирӕпрофилон колледжы
    Практикӕ Цхинвалы бирӕпрофилон колледжы
    Из архива Симы Теховой
  • Практикӕ Цхинвалы бирӕпрофилон колледжы
    Практикӕ Цхинвалы бирӕпрофилон колледжы
    Из архива Симы Теховой
1 / 5
Из архива Симы Теховой
Практикӕ Цхинвалы бирӕпрофилон колледжы
4
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау