Фӕндагон службӕтӕ ссыгъдӕг кодтой дуртӕй Транскам

Фӕндагон службӕтӕ ссыгъдӕг кодтой дуртӕй Транскам, трассӕ кусы штатон режимы

10
Знон изӕры фӕндагмӕ ӕркалдысты дуртӕ, кӕцытӕ ӕрыхгӕдтой фӕндагон змӕлд трассӕйыл

ЦХИНВАЛ, 2 апр – Sputnik, Тъехты Дзерассӕ. Фӕндагон службӕтӕ ссыгъдӕг кодтой Транскавказаг автомагистраль дуртӕй ӕмӕ хуылыдз митӕй, фехъусын кодтой Sputnik Хуссар Ирыстоны Уӕлвӕткон уавӕрты министрады (УУМ) радгӕсон хайады.

"Фӕндаг ссыгъдӕг кодтой. Ныртӕккӕ Транскамыл мит нал уары. Фӕндагон змӕлдыл арӕнӕвӕрдтӕ нал ис", - радзырдта ныхасӕмбал.

Цыппӕрӕмы изӕры Транскамы хуссарирыстойнаг хайыл Ручъы тоннельмӕ хӕстӕг ӕркалдысты дуртӕ, кӕцытӕ ӕрӕхгӕдтой фӕндагон змӕлд. Фӕндагон службӕтӕ уайтагъд бавнӕлдтой Транскам сыгъдӕг кӕнынмӕ.

10
Мегафон

"Мегафон-Хуссар Ир"-ы директор бамбарын кодта архивон тарифты ӕргъты фӕфылдӕры аххосаг

2
(ранӕуӕггонд 11:34 28.07.2021)
Чырон бастдзинады оператор фехъусын кодта, 3 августӕй кӕцыдӕр тарифты ӕргътӕ кӕй схиздзысты 50 процентӕй фылдӕры бӕрц

ЦХИНВАЛ, 28 июл – Sputnik, Козаты Диана. Хуссар Ирыстоны чырон бастдзинады иунӕг оператор фехъусын кодта августы райдианӕй архивон тарифтыл лӕггӕдты ӕргъты фӕфылдӕры тыххӕй. 

Уыдонӕй фӕдзурыны аргъ хӕдзарон регионы "Отселеком"-ы номыртӕм схиздзӕн 1,6 соммӕ иу минутӕн. Ныртӕккӕ абонӕнттӕн иу минут телефонӕй адзурын лӕууы иу сомы. Компанийы директор Николай Фирсов радзырдта Sputnik, цӕимӕ баст у ӕргъты фӕфылдӕр, уый тыххӕй.

Директор компании Мегафон - Южная Осетия Николай Фирсов
© Sputnik / Диана Козаева
"Отселеком"-ы директор Николай Фирсов

"Кӕй зӕгъын ӕй хъӕуы, ахӕм фактортӕ, куыд инфляцийы рӕзт ӕмӕ нӕ валютон бахыгъдтӕ ӕндавынц бастдзинады ӕргътыл дӕр. Тарифон плантӕ "Отличный", "Южный", "Универсальный" ӕмӕ "Универсальный ВИП" сты ахӕм плантӕ, кӕцыты бакондӕуыд дӕсӕй фылдӕр азы размӕ бынтон ӕндӕр экономикон уавӕрты. Абон уыдон хизынц архивон категоримӕ", - радзырдта Фирсов.

Компанийы директор бамбарын кодта, зӕгъгӕ, уыдон сты ахӕм продукттӕ, кӕцытӕ нал хауынц модернизацимӕ ӕмӕ сӕм ног абонентты нал иу кӕнынц къорд технологион ӕмӕ экономикон домӕнты тыххӕй.

"Уымӕ гӕсгӕ, 3 августӕй махмӕ сӕ тыхы бацӕудзысты архивон планты ивындзинӕдтӕ. Уый тыххӕй мах закъонмӕ гӕсгӕ  развӕлгъау фехъусын кодтам нӕ абоненттӕн. Уымӕ гӕсгӕ ӕнхъарӕм ахъуыды кӕнын бирӕ хӕрзвадатдӕр тарифты тыххӕй", - загъта уый.

"Остелеком"-ы сӕргълӕууӕг банысан кодта, оператор кӕй нӕ хъавы архивон плантӕ бынтондӕр хицӕн кӕнын.

2
Гафезы уынг

Цхинвалы хай ӕртыццӕджы цалдӕр сахатмӕ баззайдзӕн ӕнӕ рухсӕй

9
(ранӕуӕггонд 09:51 28.07.2021)
Рухс нӕ уыдзӕн 16.00 сахаты онг, банысан кодтой Паддзахадон унитарон куыстуат "Энергоресурс"-ы

ЦХИНВАЛ, 28 июл — Sputnik. Хуссар Ирыстоны столицӕйы хуссар хай ӕртыццӕджы цалдӕр сахатмӕ баззайдзӕн ӕнӕ рухсӕй, фехъусын кодтой Паддзахадон унитарон куыстуат "Энергоресурс"-ы.

Электроифтонгад ахицӕн кӕндзысты Гафезы уынгыл.

"Цалцӕггӕнӕн куыстыты тыххӕй ӕртыццӕджы, 28 июлы, электроэнерги ахицӕн кӕндзысты Гафезы уынгыл 10.00 сахатӕй", - банысан кодтой "Энергоресурс"-ы

Уагдоны бафтыдтой, зӕгъгӕ, электроэнерги ратдзысты 16.00 сахатыл.

9