Футболон командӕтӕ Хуссар Ирӕй ахызтысты Сочийы турниры ӕрдӕгфиналмӕ

Футболон командӕтӕ Хуссар Ирӕй ахызтысты Сочийы турниры ӕрдӕгфиналмӕ

9
(ранӕуӕггонд 14:55 05.04.2021)
Hopes Cup 2021 турниры ӕрдӕгфиналы "Барсалан" командӕйы кӕстӕр кары футболисттӕ фембӕлдзысты "Спартак"-имӕ Нальчикӕй, хистӕр кары "Барсалантӕ" та фембӕлдзысты командӕ "Спартак – регионы"-имӕ

ЦХИНВАЛ, 5 апр — Sputnik. Хуссар Ирыстоны сывӕллӕтты  =командӕтӕ "Барсалантӕ" ахызтысты Hopes Cup 2021 турниры ӕрдӕгфиналмӕ, кӕцы уагъд цӕуы Сочийы, загъта Sputnik командӕйы тренер Хъазиты Алан.

Нӕ республикӕйы кад турниры хъахъхъӕнынц командӕтӕ "Барсалан" ( 2010 азы гуырд спортсментӕ) ӕмӕ "Барсалан" (2011 азы гуырд спортсментӕ).

"Къуырисӕры ацӕудзӕн 2010 азы гуырд футболистты ӕрдӕгфиналон хъазт – уыдон фембӕлдзысты "Спартак"-имӕ Нальчикӕй. Дыццӕджы та 2011 азы гуырд спортсментӕ хъаздзысты командӕ "Спартак – регионы"-имӕ", - радзырдта тренер.

Финалы цыппӕрӕм хайы 2010 азы гуырд "Барсалантӕ" рамбылдтой "Оренбург" 4:0 хыгъдӕй. "Барсаланты" дыккаг командӕ фембӕлд Александр Мостовойы академийы командӕимӕ, ӕмӕ фӕуӕлахиз сты 4:2 хыгъдӕй.

Детские футбольные команды Барсалан вышли в полуфинал турнира Hopes Cup 2021
Футболон командӕтӕ Хуссар Ирӕй ахызтысты Сочийы турниры ӕрдӕгфиналмӕ

Сывӕллӕтты турнир футболӕй уагъд цӕуы Олимпиаг хъӕуы Сочийы 15 мартӕй 15 апрелы онг. Ерыстӕ уагъд цӕуынц аз цалдӕр хатт, ацы хатт турниры хайад исынц ӕрмӕстдӕр уӕрӕсейаг командӕтӕ.

9
Ӕхцатӕ

Хуссар Иры вице-премьер фехъусын кодта уӕлбар кредиттӕ дӕттыны дыккаг этапы тыххӕй

5
(ранӕуӕггонд 09:45 30.07.2021)
Чысыл ӕмӕ астӕуккаг бизнесӕн республикӕйы уӕлбар кредиттӕ дӕттынц 2018 азӕй фӕстӕмӕ. Ацы аз хицауад ныридӕгӕн рахицӕн кодта 28 милуан сомы бизнес-проекттӕн

ЦХИНВАЛ, 30 июл - Sputnik. Хуссар Ирыстоны ӕввахс рӕстӕджы райдайдзӕн чысыл ӕмӕ астӕуккаг амалиуӕгадӕн уӕлбар кредиттӕ дӕттыны дыккаг этап, кӕцы ӕххӕст цӕудзӕн 2018 азы хӕстӕй фӕрӕзты руаджы, хъусын кӕны хицауады пресс-службӕ.

Уӕлбар кредиткӕнынады фӕдыл закон райстӕуыд 2018 азы марты. Уӕд 49 амалиуӕггӕнӕджы ӕдӕппӕт райстой 21 милуан сомы.

"2021 азмӕ уӕлбар кредиткӕнынадӕн суммӕ дыууӕ хатты фӕфылдӕр ӕмӕ у 49 милуан сомы. Азы райдайӕнӕй 28 милуан сомы райстой 43 амалиуӕггӕнӕджы. Уӕлбар кредиткӕнынады программӕйы цы механизм ис, уый руаджы популярондӕр кӕнынц экономикӕйы приоритетон къабазтӕ: хъӕууон хӕдзарад, рауагъдад, туризм, медицинӕ ӕмӕ ӕхсӕнадон хӕлцад", - радзырдта вице-премьер – экономикон райрӕзты министр Тадтаты Дзамболат.

Йӕ ныхӕстӕм гӕсгӕ, уӕлбар кредиттӕ райсыны дыккаг этапы фӕлгӕтты куырдиаттӕ ист фесты 5 июлы, Экономикон райрӕзты министрадмӕ ӕрбацыд 37 бизнес-проекты. Уыдонмӕ ӕркӕсдзӕн уӕлбар кредиткӕнынады фӕдыл Фонды совет.

Министрты кабинеты бафтыдтой, зӕгъгӕ, 2018-2020 ӕзты уӕлбар кредиттӕ райстой 157 амалиуӕггӕнӕджы 76,5 милуан сомы бӕрц. Уыдонӕй 111 субъекты – хъӕууон хӕдзарады фадыджы; 20 субъекты – рауагъдады фадыджы; 16 субъекты – лӕггӕдты фадыджы; 10 субъекты – базарады фадыджы.

5
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

10
(ранӕуӕггонд 09:36 30.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзалы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

10