Цхинвалы бавнӕлдтой уалдзыгон хӕрзарӕзтадон куыстытӕм

Цхинвалы бавнӕлдтой уалдзыгон хӕрзарӕзтадон куыстытӕм

6
(ранӕуӕггонд 12:52 06.04.2021)
Коммуналон кусджытӕ ног кӕнынц газонтӕ ӕмӕ санитарон лыг кӕнынц къутӕртӕ, тагъд рӕстӕджы та райдайдзысты садзын талатӕ

ЦХИНВАЛ, 6 апр – Sputnik, Гӕбӕраты Элина. Цхинвалы бавнӕлдтой столицӕйы сквертӕ ӕмӕ цъӕх зонӕты хӕрарӕзтадмӕ. Горӕты администрацийы хӕрзарӕзтад ӕмӕ зӕлдфӕлындӕны хайады ландшафтон дизайнер Пӕррӕстаты Ирина куыд радзырдта Sputnik, афтӕмӕй куыстыты фӕлгӕтты санитарон лыг кӕнынц бӕлӕстӕ ӕмӕ къутӕртӕ, афтӕ ма нывӕндынц садзын талатӕ.

"Уалдзыгон куыстытӕм ӕрӕджы бавнӕлдтам – марты кӕрӕтты. Нӕ сӕйраг куыст у ссыгъдӕг кӕнын цъӕх зонӕтӕ. Уыимӕ иумӕ, нывӕндӕм садзын талатӕ", - банысан кодта Пӕррӕстаты Ирина.

Зӕлдфӕлындӕны хайад абоны бон ӕнхъӕлмӕ кӕсы бӕрзбӕлас, тӕгӕр ӕмӕ сусхъӕды талатӕм.

"Ӕвзонг бӕлӕстӕ нывӕндӕм садзын раздӕры турбазӕйы бӕстыхайы цур скверы ӕмӕ Сталины уынгыл. Джиоты Аланы проспектыл садздзыстӕм петуньятӕ, горӕты цъӕх зонӕты та бархатцы", - банысан кодта дизайнер.

Пӕррӕстаты Ирина радзырдта, зӕлдфӕлындӕны хайады кусджытӕ арӕх скъахынц талатӕ, схос сын кӕнынц ӕмӕ сӕ ногӕй ныссадзынц горӕты.

Цхинвалы 2018 азы цъӕх зонӕты территорийыл ныссагътой 30 мин дидинӕджы ӕмӕ хӕрисы 40 талайы, 2019 азы та – 15 мин дидинӕджы. 2020 азы куыстытӕ бахъыгдардтой карантинон мадзӕлттӕ.

6
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау