Хуссар Иры Хъахъхъӕнынады министрад цӕттӕ кӕны ауадзын рӕвдзытӕ резервисттимӕ

Хуссар Иры Хъахъхъӕнынады министрад цӕттӕ кӕны рӕвдзытӕ резервисттимӕ

4
(ранӕуӕггонд 13:21 07.04.2021)
Республикӕйы хъахъхъӕнынады министр басгӕрста мадзӕлтты цӕттӕдзинад, уый бабӕрӕг кодта ӕфсӕддон лагерь ӕмӕ полигонон объекттӕ

ЦХИНВАЛ, 7 апр - Sputnik. Хуссар Ирыстоны Гарзджын тыхты ацӕудзысты рӕвдзытӕ ӕмбӕстӕгтимӕ, кӕцытӕ сты фӕстауӕрцы ӕмӕ фыст сты ӕфсӕддон дӕлхайӕдты ӕфсӕддон рӕстӕджы штаттӕм гӕсгӕ.

Рӕвдзытӕ ауадзыны размӕ республикӕйы хъахъхъӕнынады министр, инӕлар-лейтенант Гассеты Ибрагим ауагъта ӕфсӕддон лагерь ӕмӕ полигонон объектты инспекци. Афтӕ ма, уагдоны сӕргълӕууӕджы хӕдивӕг ӕмӕ структурон дӕлхайӕдты командӕгӕнджытимӕ фембӕлды рӕстӕджы Гассеты Ибрагим радта фӕдзӕхст пайда кӕнын ахуырадон-материалон базӕйӕ резервисттимӕ куысты рӕстӕджы.

"Сӕйраг хъусдард здӕхт у ахуыртӕ уадзыны методикӕмӕ, командӕгӕнджыты курдиатмӕ ӕнтыстджынӕй ӕххӕст кӕнын сӕ хӕслӕвӕрдтӕ ӕфсӕддон дӕлхайӕдты сконды, цӕмӕй сын уа бӕрзонд хӕстон ӕмӕ мобилизацион цӕттӕдзинад", - дзырдӕуы Хъахъхъӕнынады министрады пресс-службӕйы хъусинаджы.

Рӕвдзытӕ уагъд цӕуынц "Республикӕ Хуссар Ирыстоны мобилизацион цӕттӕкӕнынад ӕмӕ мобилизацийы фӕдыл" законмӕ гӕсгӕ.

4
Гафезы уынг

Цхинвалы хай ӕртыццӕджы цалдӕр сахатмӕ баззайдзӕн ӕнӕ рухсӕй

8
(ранӕуӕггонд 09:51 28.07.2021)
Рухс нӕ уыдзӕн 16.00 сахаты онг, банысан кодтой Паддзахадон унитарон куыстуат "Энергоресурс"-ы

ЦХИНВАЛ, 28 июл — Sputnik. Хуссар Ирыстоны столицӕйы хуссар хай ӕртыццӕджы цалдӕр сахатмӕ баззайдзӕн ӕнӕ рухсӕй, фехъусын кодтой Паддзахадон унитарон куыстуат "Энергоресурс"-ы.

Электроифтонгад ахицӕн кӕндзысты Гафезы уынгыл.

"Цалцӕггӕнӕн куыстыты тыххӕй ӕртыццӕджы, 28 июлы, электроэнерги ахицӕн кӕндзысты Гафезы уынгыл 10.00 сахатӕй", - банысан кодтой "Энергоресурс"-ы

Уагдоны бафтыдтой, зӕгъгӕ, электроэнерги ратдзысты 16.00 сахатыл.

8
Синагур

Хуссар Иры Ӕнӕниздзинад хъахъхъӕнынады министр басгӕрста дӕрддзӕф хъӕуты медуагдӕттӕ

12
(ранӕуӕггонд 16:14 27.07.2021)
Ӕнӕниздзинад хъахъхъӕнынады министры балцы рӕстӕджы аскъуыддзаг кодтой цалдӕр проблемӕйы, сӕ нымӕцы фельдшерон-акушерон пункты донифтонгады фарст

ЦХИНВАЛ, 27 июл – Sputnik. Ӕнӕниздзинад хъахъхъӕнынады министр Наниты Сослан басгӕрста дохтырон амбулатори Синагуры хъӕуы ӕмӕ фельдшерон-акушерон пункт Хуссар Ирыстоны Дзауы районы Теделеты хъӕуы.

Ӕнӕниздзинад хъахъхъӕнынады министрады пресс-службӕ куыд хъусын кӕны, афтӕмӕй Наниты Сослан базонгӕ медицинон уагдӕты куысты уавӕртӕ ӕмӕ проблемӕтимӕ. Министр бынаты радта фӕдзӕхсттӕ, цӕмӕй аиуварс кӕной организацион моменттимӕ баст проблемӕтӕ.

"Медицинон персоналимӕ фембӕлды рӕстӕджы Наниты Сослан байхъуыста фӕндонтӕм, кӕцытӕ ӕнӕмӕнг сты дохтырон амбулатори ӕмӕ фельдшерон-акушерон пункты куыстӕн", - загътой пресс-службӕйы.

Уымӕ дарддӕр, Дзауы районы администрациимӕ ӕмархайгӕйӕ, аскъуыддзаг кодтой Теделеты хъӕуы фельдшерон-акушерон пункты донифтонгады проблемӕ. Афтӕ ма, медицинон уагдон сифтонг кодтой хостӕй.

12
Ирон дзюдоисткӕ Таймӕзты Мӕдинӕ

Ирон дзюдоисткӕ Таймӕзты Мӕдинӕ ахызт Олимпиадӕ-2020 ӕрдӕгфиналмӕ

9
(ранӕуӕггонд 11:11 28.07.2021)
Ирон спортсменкӕ раздӕр, финалы 1/6, ныббырста испаниаг Мария Бернабеу ӕмӕ бразилиаг Мария Портельюйы

ЦХИНВАЛ, 28 июл — Sputnik, Хъуылымбегты Азӕмӕт. Ирыстойнаг дзюдоисткӕ Таймӕзты Мӕдинӕ ахызг Олимпиаг хъӕзтытӕ-2020-ы ӕрдӕгфиналмӕ Токиойы, йӕ ныхмӕлӕууӕгыл Грецийӕ Элизавет Телцидоуыл фӕуӕлахизуӕвгӕйӕ.

Аренӕ "Ниппон Будокан"-ы ацыд Олимпиаг хъӕзтытӕ – 2020 финалы 1/4 дзюдойӕ сылгоймӕгты хсӕн. Таймӕзты Мӕдинӕ архайы уӕрӕсейаг ӕмбырдгонды сконды 70 килограммы онг категорийы.

Ирон спортсменкӕ раздӕр, финалы 1/6, ныббырста испаниаг Мария Бернабеу ӕмӕ бразилиаг Мария Портельюйы. Хъӕзтыты ӕрдӕгфинал ацӕудзӕн 28 июлы.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

9