Бибылты Анатолий схорзӕхджын кодта Хуссар Иры медикты

Бибылты Анатолий схорзӕхджын кодта Хуссар Иры медикты

5
(ранӕуӕггонд 15:44 07.04.2021)
Медикты схорзӕхджын кӕныны фӕдыл барамындтӕ бафыстӕуыд фарон аз, фӕлӕ коронавирусы пандемийы тыххӕй хорзӕхкӕныны процедурӕ аргъӕвтой, стӕй та йӕ снысан кодтой абоны бӕрӕгбонмӕ – Ӕнӕниздзинады ӕпппӕтдунейон бонмӕ

ЦХИНВАЛ, 7 апр - Sputnik. Хуссар Ирыстоны президент Бибылты Анатолий радта паддзахадон хорзӕхтӕ республикӕйы медицинон кусджытӕн, кӕцыты куыстӕн стыр кад кӕнынц, хъусын кӕны паддзахады сӕргълӕууӕджы пресс-службӕ.

Президент загъта бузныг медиктӕн сӕ цӕсгомджын куыст ӕмӕ зӕрдӕхӕлардзинады тыххӕй.

"Афтӕ дзурынц ӕмӕ рынчынӕн иууыл хуыздӕр хос у хъарм ныхас ӕмӕ дохтыры хорз ахаст. Уӕ хорз ахаст пациенттӕм ӕвдисы, сымах кӕй уарзут уӕ професси ӕмӕ зӕрдиагӕй ӕххӕст кӕнут функционалон хӕслӕвӕрдтӕ. Уырны мӕ, ӕнӕниздзинад хъахъхъӕнынады райрӕзты ӕмвӕзад кӕй фылдӕр кӕндзӕн. Фӕстаг азты мах фӕфылдӕр кодтам медицинон ӕххуыс бакӕныны ӕмвӕзад, бакондӕуыд ног гуырӕн хӕдзар ӕмӕ хирургон центр, ӕлхӕд цӕуы ног ифтонггарз", - загъта Бибылты Анатолий.

Уымӕй дарддӕр, президент банысан кодта медикты куыст пандемийы уавӕрты. Бибылты Анатолий бахахх кодта, зӕгъгӕ, коронавирусимӕ цы медиктӕ ӕмӕ волонтертӕ тох кодтой, уыдоны рахицӕн кӕндзысты сӕрмагонд паддзахадон хорзӕхтӕй.

Ӕнӕниздзинад хъахъхъӕнынады фадыджы иууыл хуыздӕр минӕвӕртты паддзахады сӕргълӕууӕг схорзӕхджын кодта майдантӕй "Хуссар Ирыстоны адӕмы Фыдыбӕстон хӕсты Уӕлахизыл 10 азы сӕххӕсты цытӕн", "Республикӕ Хуссар Ирыстоныл 25 азы сӕххӕсты цытӕн" ӕмӕ кады грамотатӕй.

Кӕцыдӕр медиктӕн радтой кадджын нӕмттӕ "Республикӕ Хуссар Ирыстоны сгуыхт дохтыр", "Республикӕ Хуссар Ирыстоны ӕнӕниздзинад хъахъхъӕнынады сгуыхт кусӕг".

  • Бибылты Анатолий схорзӕхджын кодта Хуссар Иры медикты
    Бибылты Анатолий схорзӕхджын кодта Хуссар Иры медикты
    © Пресс-служба президента РЮО
  • Бибылты Анатолий схорзӕхджын кодта Хуссар Иры медикты
    Бибылты Анатолий схорзӕхджын кодта Хуссар Иры медикты
    © Пресс-служба президента РЮО
  • Бибылты Анатолий схорзӕхджын кодта Хуссар Иры медикты
    Бибылты Анатолий схорзӕхджын кодта Хуссар Иры медикты
    © Пресс-служба президента РЮО
  • Бибылты Анатолий схорзӕхджын кодта Хуссар Иры медикты
    Бибылты Анатолий схорзӕхджын кодта Хуссар Иры медикты
    © Пресс-служба президента РЮО
  • Бибылты Анатолий схорзӕхджын кодта Хуссар Иры медикты
    Бибылты Анатолий схорзӕхджын кодта Хуссар Иры медикты
    © Пресс-служба президента РЮО
  • Бибылты Анатолий схорзӕхджын кодта Хуссар Иры медикты
    Бибылты Анатолий схорзӕхджын кодта Хуссар Иры медикты
    © Пресс-служба президента РЮО
  • Бибылты Анатолий схорзӕхджын кодта Хуссар Иры медикты
    Бибылты Анатолий схорзӕхджын кодта Хуссар Иры медикты
    © Пресс-служба президента РЮО
1 / 7
© Пресс-служба президента РЮО
Бибылты Анатолий схорзӕхджын кодта Хуссар Иры медикты
5
Милици

Хуссар Иры ПАИ сног кодта скъӕрыны бартӕ ӕмӕ номыртӕ дӕттыны куыст

1
Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст

ЦХИНВАЛ, 14 апр - Sputnik, Козаты Диана. Хуссар Ирыстоны Паддзахадон автоинспекцийы сног кодтой хӕдтулгӕтӕн номырон нысӕнттӕ, скъӕрыны бартӕ ӕмӕ транспортон фӕрӕзты регистрацийы фӕдыл документтӕ дӕттын. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст.

"Ацы проблемӕ фӕзынд уый тыххӕй, ӕмӕ бланктӕ цы компани цӕттӕ кӕны, уый кусджытӕ иууылдӕр фӕрынчын сты коронавирусӕй. Ныр ногӕй райдыдтам дӕттын скъӕрыны бартӕ, номыртӕ ӕмӕ техпаспорттӕ", - радзырдтой МХМ.

Уагдоны бафтыдтой, транспорт срегистраци кӕныны фӕдыл ӕвдисӕндар бланктӕ республикӕмӕ кӕй ӕрхӕццӕ уыдзысты ӕввахс 2-3 боны.

1
Пресс-конференци

Ныссастам стереотиптæ: Хуссар Иры театры директор Мæскуыйы фыццаг гастрольты тыххæй

2
(ранӕуӕггонд 15:17 14.04.2021)
Хетæгкаты Къостайы номыл паддзахадон театры актертæ æмæ директор радзырдтой, куыд сæмбæлдысты хуссарирыстойнаг труппæйыл Мæскуыйы æмæ сæ дарддæры нывæзты тыххæй

ЦХИНВАЛ, 14 апр – Sputnik, Козаты Диана. Хуссарирыстойнаг театры труппæйы гастрольтæ Мæскуыйы ныссастой стереотиптæ æмæ "атыдтой культурон информацион блокадæ", загъта пресс-конференцийы Sputnik уагдоны директор Уалыты Мæдинæ.

Пресс-конференци нывонд уыд Хетæгкаты Къостайы номыл Хуссар Ирыстоны паддзахадон драмон театры труппæйы фыццаг гастрольтæн Мæскуыйы. Уæрæсейаг столицæйы театралты размæ рахастæуыд спектакльтæ "Антигона", "Фандо æмæ Лис" æмæ "Юлий Цезарь". Гастрольтæ ацыдысты "Арбаты ирон культурæйы бонты" фæлгæтты.

Мадина Валиева
© Sputnik / Natalia Airiyan
Уалыты Мæдинæ

Уалыты Мæдинæйы ныхæстæм гæсгæ, сæйраг мадзæлттæ ацыдысты Актеры централон хæдзары, кæсджытæ фылдæр бæрцæй уыдысты ирон æмбæстæгтæ.

"Уыдонæн тынг æхсызгон уыд ирон ныхас фехъусын, нæ спектакльтæ фенын. Кæй зæгъын æй хъæуы, уыдис дзы Мæскуыйы цæрджытæ дæр, уыдонæн та мах аластам сæрмагонд аппаратурæ, цæмæй спектакльтæ фехъуыстаиккой тæлмацæй", - загъта уый.

Культурон уагдоны директор ма банысан кодта, ахæм гастрольтæ хуымæтæг хъуыддаг кæй нæу, уыдон бацæттæ кæнынæн хъæуы бирæ æмæ зæрдиагæй кусын.

"Махæн уый бантыст, мах ныссастам стереотиптæ æмæ атыдтам культурон информацион блокадæ. Нæ театры тыххæй базыдтой æмæ нæ ныр хондзысты", - бахахх кодта Уалыты Мæдинæ.

Уый ма бафтыдта, ныртæккæ кæй цæуындз бадзырдтæ ног гастрольтæ æмæ стыр сценæты тыххæй.

Василий Техов
© Sputnik / Natalia Airiyan
Тъехты Василий

Хуссар Ирыстоны адæмон артист Тъехты Василий, кæцы архайдта æртæ спектаклы дæр, нымайы, гастрольтæ æцæгдæр кæй ацыдысты тынг бæрзонд æмвæзадыл.

"Алыхатт дæр иу рахатыдтæн, кæсджытæ-иу дисы кæй ныххаудысты. Уыдон æнхъæл нæ уыдысты, Хуссар Ирыстоны ахæм æмвæзадыл театр æмæ ахæм профессионалон актертæ кæ ис. Нæ спектакльтæй иумæ фæуазæг Гоша Куценко, кæцы стыр аргъ скодта хуссарирыстойнаг коллекæты профессионалондзинадæн", - радзырдта адæмон артист.

Хуссар Иры сгуыхт артисткæ Натия Чохели дæр банысан кодта, æддæмæ хæссын кæй хъæуы националон драматургийы.

"Уымæй мах фæдис кæндзыстæм æмæ бацымыдис кæндзыстæм фæсарæйнаг кæсджыты", - бахахх кодта уый.

Натиа Чохели
© Sputnik / Natalia Airiyan
Натия Чохели
2