Ӕртаджы станц

Хуссар Иры хицауад 10 апрелӕй фӕфылдӕр кӕндзӕн АИ-92 бензины аргъ

5
Ӕргътӕ фӕфылдӕр уыдзысты паддзахадон куыстуат "Югосетнефтепродукт"-ы ӕртаджы станцтыл

ЦХИНВАЛ, 9 апр - Sputnik. Хуссар Ирыстоны паддзахадон ӕртаджы станцтыл сабатӕй, 10 апрелӕй, АИ-92 бензины аргъ фӕфылдӕр уыдзӕн цыппар сомы – 40 сомы онг иу литрӕн цӕрджытӕн, 41 сомы та паддзахадон уагдӕттӕн. Дизелон ӕртагыл аргъ нӕ фӕивдзӕн – 42 сомы цӕрджытӕн ӕмӕ 43 сомы паддзахадон уагдӕттӕн. Уый тыххӕй хъусын кӕны хицауады пресс-службӕ.

Вице-премьер – экономикон райрӕзты министр Тадтаты Дзамболат куыд фехъусын кодта, афтӕмӕй бензин уӕй кӕндзысты "хиаргъмӕ" гӕсгӕ.

"Ацы ӕргътӕ нӕ ивтой 2019 азӕй фӕстӕмӕ,. 2021 азы ӕртаджы продуктты фондон базарыл фӕзынд тенденци ӕргътӕ рӕзынмӕ", - загъта вице-премьер.

Йӕ ныхӕстӕм гӕсгӕ, марты райдайӕнӕй "Югосетнефтепродукт" реализаци кӕны ӕртаджы продукттӕ хиаргъмӕ гӕсгӕ. Тадтаты Дзамболат бафтыдта, зӕгъгӕ, бирӕ хисӕрмагонд ӕртаджы станцтыл уайтагъд разынд Уӕрӕсейы ӕргъты фӕфылдӕр, ӕмӕ уыдон дӕр фӕфылдӕр кодтой бензины аргъ.

Хицауады пресс-службӕйы ма фехъусын кодтой АИ-92 бензины аргъ Уӕрӕсейы Цӕгат Кавказы федералон зылды регионты – уый у 43,25 сомӕй 46,24 сомы онг. Дзӕуджыхъӕуы бензины аргъ у 45,50 сомы.

Уымӕй дарддӕр, хицауады банысан кодтой, 2016 азӕй фӕстӕмӕ республикӕйы экономикон райрӕзты министрадӕн кӕй ис бар ӕвзарын ӕртаджы аргъ, кӕцы реализаци кӕнынц паддзахадон куыстуӕттӕ.

"Югосетнефтепродукт" 2014 азӕй фӕстӕмӕ у нефтепродуктты официалон импортер паддзахадон куыстуат ӕмӕ компани "Роснефть"-имӕ бадзырдмӕ гӕсгӕ.

5
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4