Хуссарирыстойнаг ӕфсӕддонтӕ

Хуссарирыстойнаг ӕфсӕддонтӕ ацыдысты Цӕгат Ирмӕ АрМИ-2021-мӕ бацӕттӕ кӕнынмӕ

2
(ранӕуӕггонд 16:07 09.04.2021)
Рӕвдзытӕм ацыд иууыл цӕттӕдӕр ӕмӕ хорз дисциплинӕимӕ ӕфсӕддонты къорд

ЦХИНВАЛ, 9 апр - Sputnik. Хуссар Ирыстоны Хъахъхъӕнынады министрады ӕсфӕддонты къорд ацыд РЦИ-Аланимӕ Ӕфсӕддон ӕхсӕнадӕмон хъӕзтытӕм бацӕттӕ кӕныны тыххӕй "Тарское" полигоны, хъусын кӕны хуссарирыстойнаг уагдоны пресс-службӕ.

Ӕфсӕддонты цӕттӕдзинад балцмӕ басгӕрста хъахъхъӕнынады министр, инӕлар-лейтенант Гассеты Ибрагим.

"Ахуыры рӕстӕджы ӕфсӕддон полигоныл ӕфсӕддонтӕ фӕфылдӕр кӕндзысты сӕ зонындзинӕдтӕ ӕмӕ курдиат", - дзырдӕуы хъусинаджы.

Уагдоны бафтыдтой, зӕгъгӕ, ӕфсӕддонты нымӕц, кӕцыты бафӕндыд хайад райсын АрМИ-2021-мӕ цӕттӕкӕнынады, фӕфылдӕр кодта лимит. Рӕвдзыты хайадистӕн равзӕрстой иууыл цӕттӕдӕр ӕмӕ хорз дисциплинӕимӕ ӕфсӕддонты.

Хуссар Ирыстоны национ ӕфсады къухдариуӕгад загъта бузныг УФ Хъахъхъӕнынады министрадӕн Хуссар ӕфсӕддон зылды полигонты цӕттӕ кӕныны фадат раттыны тыххӕй.

Хуссар Ирыстоны ацы аз дыккаг хатт райсдзӕн хайад Ӕхсӕнадӕмон ӕфсӕддон хъӕзтыты, кӕцытӕ райдайдзысты августы ӕмӕ ацӕудзысты 15 бӕстӕйы территорийыл.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

2
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
2
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2