Гӕджиты Гурам

Цхинвайлаг боксер стох кӕндзӕн Уӕрӕсейы фыццагады

28
(ранӕуӕггонд 16:08 12.04.2021)
Гӕджиты Гурам фыццаг хатт нӕ тох кӕны Уӕрӕсейы фыццагады. 2019 азы уый ссис ацы ерысты финалист, райста балцӕг Европӕйы фыццагадмӕ дӕр

ЦХИНВАЛ, 12 апр - Sputnik, Плиты Фатимӕ. Цхинвайлаг ӕхсӕрдӕсаздзыд боксер Гӕджиты Гурам стох кӕндзӕн Уӕрӕсейы фыццагады ӕрыгӕтты хсӕн. Уый тыххӕй Sputnik фехъусын кодта йӕ тренер Дзигойты Ацӕмӕз.

Ерыстӕ цӕудзысты Уӕрӕсейы горӕт Анапайы 10-18 апрелы. Ерысты фысымтӕ ӕнхъӕлмӕ кӕсынц 300 архайӕгмӕ Уӕрӕсейы 60 регионӕй.

"Гӕджиты Гурам тох кӕны 2005-2006 ӕзты гуырд спортсменты хсӕн. Фӕстаг рӕстӕджы рахызт 66 кг уӕзмӕ. Хорз цӕттӕ у. Фӕлӕ дзы конкуренци дӕр стыр ис, йӕ категорийы тох кӕны 21 лӕппуйы", - загъта тренер.

Гӕджиты Гурам фыццаг хатт нӕ тох кӕны Уӕрӕсейы фыццагады. 2019 азы уый ссис ацы ерысты финалист, райста балцӕг Европӕйы фыццагадмӕ дӕр. Фӕлӕ уыцы аз боксӕй континенталон ерысты фысым уыд Гуырдзыстон ӕмӕ дзы ӕппӕт командӕ нӕ райста хайад.

28
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4