МХМ кусджытӕ райдыдтой цӕттӕ кӕнын Уӕлахизы боны цытӕн ӕфсӕддон парадмӕ

МХМ кусджытӕ райдыдтой цӕттӕ кӕнын Уӕлахизы боны цытӕн ӕфсӕддон парадмӕ

3
(ранӕуӕггонд 09:53 13.04.2021)
Уӕлахизы бӕрӕгбонмӕ цӕттӕ кӕнынц Цхинвалы гарнизоны ӕфсӕддонтӕ дӕр, кӕцыты парадон къордтӕ рацӕудзысты бӕрӕгбонон маршӕй столицӕйы Театралон фӕзуатыл

ЦХИНВАЛ, 12 апр - Sputnik. Хуссар Ирыстоны Мидхъуыддӕгты министрады (МХМ) парадон къордтӕ райдыдтой цӕттӕ кӕнын Стыр Фыдыбӕстон хӕсты Уӕлахизы 76-ӕм афӕдзы боны цытӕн ӕфсӕддон парадмӕ.

Тренировкӕтӕ райдыдтой Милицийы сӕрмагонд нысаниуӕджы къорды (МСНК) плацыл, хъусын кӕны къуырисӕры МХМ пресс-службӕ.

"Тренировкӕты хайад исынц МСНК парадон къордтӕ, мидхъуыддӕгты министрады сылгоймаг кусджытӕ ӕмӕ тырысайы къордтӕ. Фӕстӕдӕр сӕм ӕрбаиу уыдзӕн МСНК ӕфсӕддон техникӕ дӕр, кӕцы рацӕудзӕн Театралон фӕзуатыл генералон репетицийы рӕстӕджы", - дзырдӕуы хъусинаджы.

Амӕйразмӕ хъусын кодтой, Парадмӕ цӕттӕкӕнынад кӕй райдыдтой хуссарирыстойнаг ӕфсӕддонтӕ дӕр.

Хуссар Ирыстоны Уӕлахизы бӕрӕгбоны фӕлгӕтты ацӕудзысты традицион акцитӕ дӕр – "Ӕнӕмӕлгӕ полк"-ы цыд ӕмӕ "Солдатский привал". Культурӕйы минитрады радзырдтой концерттӕ ӕмӕ ӕндӕр мадзӕлтты тыххӕй дӕр, кӕцытӕ нывонд сты бӕрӕгбонӕн.

3
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4