РХИ парламент

Хуссар Иры парламент сфидар кодта куырдиат генпрокуроры йӕ бынатӕй ссӕрибар кӕныны фӕдыл

10
(ранӕуӕггонд 14:48 12.04.2021)
Генпрокурор Дзӕгъиаты Уырызмӕджы йӕ бынатӕй ссӕрибар кӕныны фӕдыл фарстмӕ хъуамӕ ӕркастаиккой парламенты ивгъуыд къуыри

ЦХИНВАЛ, 12 апр - Sputnik, Козаты Диана. Хуссар Ирыстоны парламент хорзыл банымадта президент Бибылты Анатолийы куырдиат Дзӕгъиаты Уырызмӕджы республикӕйы генпрокуроры йӕ бынатӕй ссӕрибар кӕныны фӕдыл. Уый тыххӕй къуырисӕры фехъусын кодтой закондӕттӕг органы президиумы рабадтыл.

Ӕмбӕлон фарст рахӕсдзысты парламенты сессимӕ, кӕцы нывӕндынц ауадзын дыццӕджы, 13 апрелы.

Президент Бибылты Анатолий 26 марты банхъардта парламентмӕ Виталий Савченкойы кандидатурӕ Хуссар Ирыстоны генералон прокуроры бынатмӕ, уымӕн ӕмӕ генпрокуратурӕйы ныры сӕргълӕууӕджы куысты ӕмгъуыд фӕцис апрелы.

Парламент нывӕндыд ӕркӕсын Дзӕгъиаты Уырызмӕджы йӕ бынатӕй ссӕрибар кӕнын ӕмӕ ног генпрокуроры снысан кӕныны фӕдыл фарстмӕ ивгъуыд къуыри. Фӕлӕ президиум ӕмӕ сессийы рабадтытӕ нӕ ацыдысты регламенты фӕдыл хъаугъаты тыххӕй. Фӕстӕдӕр генпрокурор фехъусын кодта, дарддӕр кӕй ӕххӕст кӕндзӕн йӕ хӕслӕвӕрдтӕ, цалынмӕ парламент не ‘ркӕса ацы фарстытӕм.

10
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2