Дзӕгъиаты Уырызмӕг

Дзӕгъиаты Уырызмӕджы ссӕрибар кодтой Хуссар Иры генпрокуроры бынатӕй

3
(ранӕуӕггонд 10:49 13.04.2021)
Цӕстдардон уагдоны сӕргълӕууӕджы йӕ бынатӕй сисыны скъуыддзаг рахастӕуыд республикӕйы парламенты сессийыл. Абон ма депутаттӕ ӕркӕсдзысты ног прокуроры кандидатурӕмӕ

ЦХИНВАЛ, 13 апр - Sputnik, Козаты Диана. Хуссар Ирыстоны парламент ссӕрибар кодта Дзӕгъиаты Уырызмӕджы республикӕйы генералон прокуроры бынатӕй.

Президенты куырдиатмӕ ӕркастысты дыццӕджы сессийы рабадтыл.

Дзӕгъиаты Уырызмӕг ацы бынаты фӕкуыста фондз азы - 2016 азы апрелӕй фӕстӕмӕ.

Абон ма парламент хъуамӕ ӕркӕса Виталий Савченкойы кандидатурӕмӕ - уый бавдыста президенты прокуроры бынатмӕ.

3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

1
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
1
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2