Хуссар Иры тобӕ сӕвӕрдтой электронон тамакотӕ уӕй кӕныныл ӕнахъомтӕн

Хуссар Иры тобӕ сӕвӕрдтой ӕнахъомтӕн электронон тамакотӕ уӕй кӕныныл

2
(ранӕуӕггонд 13:54 13.04.2021)
Республикӕйы парламенты сессийы рабадтыл дыццӕджы райстой ивындзинӕдтӕ тамакойы фӕдыл законмӕ

ЦХИНВАЛ, 6 апр – Sputnik, Козаты Диана. Хуссар Ирыстоны тобӕ сӕвӕрдтой электронон тамакотӕ уӕй кӕныныл ӕнахъомтӕн. Парламент дыццӕджы хорзыл банымадта ивындзинӕдтӕ тамакойы фӕдыл законмӕ.

Кӕцыдӕр депутаттӕ банхъардтой тобӕ сӕвӕрын ацы тамакотӕ ласын ӕмӕ уӕй кӕныныл алкӕмӕндӕр.

"Искӕцы ӕнахъом ракуырдзӕн хистӕртӕй балхӕнын электронон тамакотӕ. Ацы ивындзинӕдтӕ нын ницы ратдзысты", - загъта депутат Мулдарты Гарри.

Вице-спикер Гасситы Петры ныхӕстӕм гӕсгӕ, базары ис бирӕ аслам 20 сомы аргъ тамакотӕ, кӕцытӕ дӕс хатт фылдӕр зиан хӕссынц электрононтӕй.

"Мах тыхсын кӕнынц электронон тамакотӕ, кӕцытӕ зиан хӕссын организмӕн. Фӕлӕ уыимӕ иумӕ, мах ныууадздзыстӕм тамакотӕ, кӕцытӕ фылдӕр зиан хӕссынц. Уый раст нӕу", - загъта Гасситы Петр.

Спикер Тадтаты Алан банхъардта ӕркӕсын ивындзинӕдтӕм бавдисгӕ редакцийы, уый фӕстӕ та ноджы иу хатт ӕркӕсын ацы фарстмӕ. Ивындзинӕдтӕ райстой ӕмхъӕлӕсӕй.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2