Хуссар Иры ӕнӕниздзинад хъахъхъӕyынады министры хӕдивӕг бабӕрӕг кодта Ленингоры рынчындон

Хуссар Иры ӕнӕниздзинад хъахъхъӕнынады министры хӕдивӕг бабӕрӕг кодта Ленингоры рынчындон

11
(ранӕуӕггонд 14:38 14.04.2021)
Балцы рӕстӕджы ӕркастысты медикаменттӕй сифтонг кӕнын, кадры уӕвынад ӕмӕ районы ӕнӕниздзинад хъахъхъӕнынады фадыджы дарддӕры райрӕзты фарстытӕм

ЦХИНВАЛ, 14 апр. – Sputnik, Гӕбӕраты Элина. Ӕнӕниздзинад хъахъхъӕнынады министры хӕдивӕг Наниты Сослан ӕмӕ уӕрӕсейаг уынаффӕгӕнӕг Хуссар Ирыстоны ӕнӕниздзинад хъахъхъӕнынады фарстыты фӕдыл Юрий Булатов бабӕрӕг кодтой Ленингоры районон рынчындон, хъусын кӕны районы администрацийы пресс-службӕ.

"Уый уыд ног хӕдивӕджы фыццаг балц поселокмӕ. Наниты Сослан фыццаджыдӕр басгарста медицинон уагдоны цӕттӕдзинад рынчынтӕ райсынмӕ. Цымыдис ӕй кодта хостӕй ифтонгад ӕмӕ медицинон ӕххуысы гъӕд", - банысан кодтой пресс-службӕйы.

Сӕйраг дохтыры х.ӕ. Бедойты Джемалы ныхӕстӕм гӕсгӕ, рынчындоны хосты цухдзинад нӕй, медицинон препараттӕ ӕлхӕд цӕуынц рӕстӕгыл.

Рынчындоны дыккаг уӕладзыг, кӕцыйыл ис 40 хуыссӕн бынаты, ракодтой карантинон ӕмӕ "сырх зонӕмӕ". Карантинон зонӕйы ис 18 бынаты, "сырх зонӕйы" та 10, фӕлӕ куы бахъӕуа, уӕд дзы сӕвӕрдзысты уӕлӕмхасӕн бынӕттӕ.

Красная зона в Ленингорском районе
Пресс-служба Ленингорского района РЮО
Хуссар Иры ӕнӕниздзинад хъахъхъӕyынады министры хӕдивӕг бабӕрӕг кодта Ленингоры рынчындон

Наниты Сослан ӕмӕ Юрий Булатов бабӕрӕг кодтой Ленингоры рынчындоны "сырх зонӕ", цы ран хоскӕнынад цӕуынц дыууӕ рынчыны. Дохтыртӕ радзырдтой ӕнӕниздзинад хъахъхъӕнынады министрады минӕвӕрттӕн специалистты цухдзинады тыххӕй – хирург, травматолог, офтальмолог ӕмӕ гинекологы – афтӕ ма фехӕлд дизелон генератор. Наниты Сослан баныфсӕвӕрдта, промблемӕтӕ кӕй аиуварс кӕндзысты.

"Ӕнӕниздзинад хъахъхъӕнынады системӕйы промблемӕтӕ иууылдӕр аскъуыддзаг кӕндзыстӕм ӕввахс рӕстӕджы. Республикӕ ӕмӕ ӕнӕниздзинад хъахъхъӕнынады министрадӕн Ленингоры район у ахсджиаг, уый фӕдыл мах ӕрцыдыстӕм, цӕмӕй фенӕм уавӕр", - банысан кодта министры хӕдивӕг.

Заместитель министра здравоохранения Сослан Наниев
Пресс-служба Ленингорского района
Хуссар Иры ӕнӕниздзинад хъахъхъӕyынады министры хӕдивӕг бабӕрӕг кодта Ленингоры рынчындон

Ӕркастысты тагъд ӕххуысы фарстытӕм дӕр. Ленингоры районы тагъд ӕххуысы, Цъинагары зонӕйӕ дарддӕр, кусы дохтырты иу бригадӕ, уыдонмӕ ис ӕрмӕстдӕр дыууӕ хӕдтулгӕйы, кӕцытӕй иу у Цхинвалмӕ экстренон рынчынты ласынӕн. Районы иууыл дӕрддзӕф цӕрӕг пунктмӕ тагъд ӕххуысы хӕдтулгӕ бахӕццӕ вӕййы дыууӕ сахатмӕ.

Встреча замглавы Минздрава Сослана Наниева с главой Ленингорского района Владимиром Гулиевым
Пресс-служба Ленингорского района
Хуссар Иры ӕнӕниздзинад хъахъхъӕyынады министры хӕдивӕг бабӕрӕг кодта Ленингоры рынчындон

Ӕнӕниздзинад хъахъхъӕнынады министры хӕдивӕг ӕмӕ Ленингоры районы сӕргълӕууӕг Гулиты Владимиры фембӕлды рӕстӕджы банысангонд ӕрцыд, кадрты цухдзинад у ӕнӕниздзинад хъахъхъӕнынады фадыджы иууыл сӕйрагдӕр проблемӕтӕй иу.

"Кӕцыдӕр медицинон кусджыты цухдзинады тыххӕй бирӕтӕ ацӕуынц районӕй. Ныртӕккӕ районы, сӕйраджыдӕр, цӕрынц хистӕр кары адӕм, кӕцытӕ арӕх бахъӕуы медицинон ӕххуыс", - банысан кодта Гулиты Владимир.

Наниты Сослан бахахх кодта, проблемон фарст кӕй аскъуыддзаг кӕндзысты. Кадрон фарст аскъуыддзаг кӕныны фӕстӕ, районы хъӕуы сног кӕнын хирургон хайады куыст, банысан кодтой ӕнӕниздзинад хъахъхъӕнынады министрады минӕвӕрттӕ.

11
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

7
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

7
Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

8
(ранӕуӕггонд 13:10 20.10.2021)
Хуссарирыстойнаг ӕфсӕддонтӕ хайад исдзысты иумӕйаг ахуырты Абхазимӕ, кӕцы ауадзыны фӕдыл бадзырдтой сентябры дыууӕ бӕстӕйы президенттӕ

ЦХИНВАЛ, 20 окт - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальоны кусджытӕ ӕрцыдысты Абхазмӕ, цӕмӕй хайад райсой командон-штабон ахуырты, хъусын кӕны ӕртыццӕджы уагдоны пресс-службӕ.

Ӕфсӕддонтимӕ Абхазмӕ ӕрцыд делегаци РХИ Гарзджын тыхты Генштабы хистӕр Виктор Федоровы сӕргълӕудӕй.

Хъахъхъӕнынады министрады банысан кодтой, зӕгъгӕ, хуссарирыстойнаг ӕфсӕддонты хайадисты тыххӕй иумӕйаг ахуырты бадзырдтой дыууӕ бӕстӕйы Гарзджын тыхты командӕгӕнджытӕ, президенттӕ Бибылты Анатолий ӕмӕ Аслан Бжания.

"Националон ӕфсады ацы бадзырд райстой зӕрдиагӕй, кусджытӕ сӕхи хорз равдыстой цӕттӕкӕнынады этапы рӕстӕджы ӕмӕ активон хайад райсдзысты ахуырты", - бахахх кодтой уагдоны.

Уагдоны минӕвар радзырдта, ахуырты нывӕзты кӕй сты хӕстон ӕхстытӕ артиллери ӕмӕ авиацийы хайадистӕй.

Хуссар Ирыстоны хъахъхъӕнынады министр Гассеты Ибрагим банысан кодта, националон ӕфсады хайадист иумӕйаг ахуырты кӕй фӕфылдӕр кӕндзӕн фӕлтӕрддзинад ӕмӕ сфидар кӕндзӕн ӕфсӕддон хӕларад.

8