Симд

"Симд" ӕрсимдзӕн Дагестаны

16
(ранӕуӕггонд 12:50 15.04.2021)
"Симд" 16-æм апрелы равдисдзӕн концерт горæт Махачкалайы уырыссаг драмон театры сценæйыл. Афтæ ма ансамблы дæлбар хоры артисттæ сæххæст кæндзысты ирон æмæ дагестайнаг адæмон зарджытæ

ЦХИНВАЛ, 15 апр – Sputnik, Дриаты Лейла. Галаты Барисы номыл Хуссар Ирыстоны кафт æмæ зарды паддзахадон ансамбль "Симд" афӕндараст гастролон балцы Республикæ Дагестанмæ. 16-æм апрелы "Симд" равдисдзӕн концерт горæт Махачкалайы уырыссаг драмон театры сценæйыл.

Ансамблы директор Гаглойты Кристина куыд радзырдта, афтӕмӕй Махачкалайы ацы концертон программæ организацигонд æмæ уагъд цæуы Уæрæсейы Федерацийы Культурæйы министрады æххуысæй, афтӕ ма Хуссар Ирыстон æмæ Дагестаны Культурæйы министрадты æххуысæй дæр.

"Нæ ансамблы нын Махачкалайы уагъдцæуæг музыкалон мадзалмæ кæй фæхуыдтой, уыцы хъуыддагыл мах сæмбæлдыстæм стыр æхсызгонæй. "Симд" гастролон балцы цæуы æртæ боны æмгъуыдмæ. Паддзахадон ансамблы фæндагон хæрдзтæ сæхимæ айстой нæ фысымтæ æмæ сын уый тыххæй зæгъæм стыр бузныг. Концерт ацӕудзӕн проект "Обменные культурные мероприятия России и Южной Осетии"-йы фæлгæтты", - банысан кодта уый.

Гаглойты Кристинайы ныхӕстӕм гӕсгӕ, концертон программæмæ хаст æрцыдысты ансамблы репертуарӕй хуыздæр хореографион номыртæ.

"Сценæмæкæсджытæ, фыццаджыдæр, бакæсдзысты æмæ аргъгæнæг уыдзысты, рагæй фæстæмæ ирон адæм сæрыстыр кæмæй сты, уыцы нæртон кафт "Симд"-æн. Уымæй дарддæр ма сæххæст кæндзысты "Хонгæ кафт", "Чызджыты кафт", "Рог кафт", "Абхазаг кафт", "Цæцæйнаг кафт" æмæ ма Кавказы адæмты æндæр кæфтытæ дæр", - ранымадта уый.

Паддзахадон ансамбль "Симд"-ы цур цы хор архайы, уыдон та Хуссар Ирыстоны сгуыхт артист Саппиаты Зӕлинæйы къухдариуæгадæй кӕсджыты рæгъмæ рахæсдзысты æмæ сæххæст кæндзысты сæ ног программæйы зарджытæй. Хуссарирыстойнаг артисттæ сæххæст кæндзысты ирон æмæ дагестайнаг адæмон зарджытæ.

16
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6