Хуссар Иры сывæллæтты омбудсмен бабæрæг кодта æххуысхъуаг бинонты

Хуссар Иры сывæллæтты омбудсмен бабæрæг кодта æххуысхъуаг бинонты

5
(ранӕуӕггонд 12:48 15.04.2021)
Цхуырбаты Татьяна Мидхъуыддæгты министрады хайады кусджытимæ басгæрста, сывæллæттæ цы уавæрты цæрынц, уый. Афтæ ма сын уазджытæ сæ къухы байстой цардуагон хими æмæ гигиенæйы фæрæзтæ

ЦХИНВАЛ, 15 апр — Sputnik, Хъуылымбегты Зæлинæ. Хуссар Ирыстоны президенты цур сывæллæтты барты фæдыл æвджиддар Цхуырбаты Татьяна  æнахъомты хъуыддæгты фæдыл инспекцийы кусджытимæ иумæ бабæрæг кодта столицæ æмæ Цхинвалы районы æххуысхъуаг бинонты.

Татьяна Цховребова посетила неблагополучные семьи в столице в Цхинвальском районе
© Sputnik / Залина Кулумбегова
Хуссар Иры сывæллæтты омбудсмен бабæрæг кодта æххуысхъуаг бинонты

Сывæллæтты омбудсмен Sputnik куыд фехъусын кодта, афтæмæй балц арæзт æрцыд, цæмæй базоной, цы уавæрты цæрынч сывæллæттæ, цы цух сты, науæд та мыййаг сæ бартæ хæлд цæуынц æви нæ, уыдæттæ. Балцы фæстиуджытæм гæсгæ рафæлгъаугæ проблемæтæ скъуыддзаг цæудзысты оперативонæй.

"Президент Бибылты Анатолийы æххуысы фæрцы балхæдтам цалдæр бинонтæн æнæмæнгхъæуæг цардуагон техникæ, кæцыдæр бинонтæн та баластам сывæллæтты мебель. Афтæ ма сыл байуæрстам хæлцадон продукттæ, цардуагон хими æмæ гигиенæйы фæрæзтæ", - загъта уый.

Уымæй дарддæр ма скъолаагъоммæ кары сывæллæтты та бакодтой сабидæттæм.

Татьяна Цховребова посетила неблагополучные семьи в столице в Цхинвальском районе
© Sputnik / Залина Кулумбегова
Хуссар Иры сывæллæтты омбудсмен бабæрæг кодта æххуысхъуаг бинонты

"Фæнды мæ банысан кæнын Цхинвал æмæ Цхинвалы районы мидхъуыддæгты хайады кусджыты профессионализм æмæ аудындзинад. Уыдон рæстæгыл сæ хъус æрдарынц сывæллæтты цухдзинæдтæм, зонынц сын иууылдæр сæ уавæртæ", - бахахх кодта Цхуырбаты Татьяна.

Татьяна Цховребова посетила неблагополучные семьи в столице в Цхинвальском районе
© Sputnik / Залина Кулумбегова
Хуссар Иры сывæллæтты омбудсмен бабæрæг кодта æххуысхъуаг бинонты
5
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6