Хацырты Донат

Sputnik кусӕг ссис фоторавдыст "Ирыстон фокусы" лауреат

8
(ранӕуӕггонд 14:24 15.04.2021)
Конкурсы организатортӕ куыд фехъусын кодтой, афтӕмӕй уӕлахиздзауты къамтӕ бавдисдзысты равдысты, кӕцы фенын кӕндзысты ӕндӕр кавказаг республикӕты дӕр

ЦХИНВАЛ, 15 апр — Sputnik, Хъуылымбегты Зӕлинӕ. Хуссар Ирыстоны хатдзӕгтӕ скодтой "Ирыстон фокусы" фоторавдыстӕн – "Пейзаж" номинацийы уӕлахиздзау ссис информацион агентад Sputnik-ы кусӕг Хацырты Донат.

Конкурсы хайад райстой 20-ӕй фылдӕр конкурсанты, се хсӕн уыд куыд фӕлтӕрд, афтӕ хӕдахуыр къамисджытӕ дӕр.

Фӕсивӕдон политикӕ ӕмӕ спорты фӕдыл комитеты пресс-службӕ куыд хъусын кӕны, афтӕмӕй уӕлахиздзауты сбӕрӕг кодтой фондз номинацийы. Номинаци "Анималистика"-йы лауреат ссис Гасситы Анна, номинаци "Сюжет"-ы – Куыдзеты Азӕмӕт, номинаци "Зайӕгойты дуне"-йы рамбылдта Ӕчеты Ирбег. "Репортаж" номаницийы уӕлахиздзау ссис Софья Исаакян.

"Афтӕ ма нӕ фӕнды рахицӕн кӕнын конкурсы дыууӕ хайадисӕджы – Татьяна Тихонова ӕмӕ Джиоты Георгийы", - банысан кодтой уагдоны.

Проекты хъуыды фӕзынд Очамчырайы районы администрацийы фӕсивӕд ӕмӕ спорты хайадӕн Абхазы фӕсивӕды хъуыддӕгтӕ ӕмӕ спорты фӕдыл паддзахадон комитеты ӕмархайдӕй.

Конкурсы хайад райсыны бар уыд алкӕмӕндӕр, чи цӕры Хуссар Ирыстоны территорийыл. Комитеты куыд фехъусын кодтой, афтӕмӕй уӕлахиздзауты къамтӕ бавдисдзысты равдысты.

8
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6