Ленингоры районы ногӕй равзӕрстой Ветеранты советы бынӕттон хайады сӕргълӕууӕджы

© Sputnik / Наталья АйриянЛенингор
Ленингор - Sputnik Хуссар Ирыстон, 1920, 16.04.2021
Рафыссын
Республикӕйы Ветеранты советы фембӕлды рӕстӕджы районон хайады кусджытимӕ ӕрдзырдтой иууыл актуалондӕр фарстытыл, кӕцытӕ хауынц ветерантӕм

ЦХИНВАЛ, 16 апр — Sputnik, Гӕбӕраты Элина. Ленингоры районы равзӕрстой делегатты, кӕцытӕ ацӕудзысты Ветеранты советы ӕрвылазон конференцимӕ июны. Советы скондмӕ бацыдысты авд адӕймаджы, йӕ сӕрдарӕй та ногӕй равзӕрстой Дриаты Роберты, фехъусын кодта Sputnik администрацийы пресс-секретарь Кокойты Анжела.

Ленингоры цыппӕрӕмы ацыд Хуссар Ирыстоны хӕст, фӕллойад, Гарзджын тыхтӕ ӕмӕ барадхъахъхъӕнӕг органты ветеранты ӕхсӕнадон организацийы фембӕлд ветеранты районон советы минӕвӕрттимӕ, кӕцыйы рӕстӕджы ногӕй равзӕрстой сӕрдарӕй Дриаты Роберты.

"Йӕ кандидатурӕ равзӕрстой ӕмхъӕлӕсӕй, конференцийы сӕрдарӕй та снысан кодтой Сохъуырты Ибрагимы, йӕ секретарь – Омар Калагаев. Ног сконд сараздзӕн программӕ, кӕцымӕ гӕсгӕ уыдон кусдзысты азы дӕргъы. Сӕ нывӕзты ис фембӕлдтӕ скъолаты ахуырдзаутимӕ", - банысан кодта Кокойты Анжела.

Хуссар Ирыстоны Ветеранты советы сӕрдар Бесаты Вячеслав банысан кодта, сӕ организацийы сӕйраг нысан у хистӕр кары адӕмы законон интерестӕ хъахъхъӕнын.

Ветеранты советы районон хайады сӕрдар Дриаты Роберт банхъардта раттын уынгтӕн зындгонд адӕмы нӕмттӕ, кӕцытӕ рацыдысты Ленингоры районӕй.

Уымӕй дарддӕр, фембӕлды рӕстӕджы банысангонд ӕрцыд, Совет кӕй баххуыс кодта иунӕг ӕмӕ рынчын ветарантӕн 154 мин сомы бӕрц.

Ног хабӕртты лентӕ
0