Продэкспо-2021

Хуссар Иры минералон дон банымадтой иууыл хуыздӕртӕй сӕ иуыл "Продэкспо-2021" равдысты

5
(ранӕуӕггонд 13:51 16.04.2021)
Дыууӕ азы размӕ ӕхсӕнадӕмон равдысты майдантӕй схорзӕхджын кодтой Хуссар Ирыстоны сӕнты

ЦХИНВАЛ, 16 апр - Sputnik. Хуссар Ирыстоны минералон дӕттӕ "Дзау-Суар" и "Бӕгъиатӕ", кӕцытӕ уадзы Бӕгъиаты завод, райстой сыгъзӕрин ӕмӕ ӕвзист майдантӕ ӕхсӕнадӕмон равдыст "Продэкспо-2021"-ы. Уый тыххӕй майрӕмбоны хъусын кӕны республикӕйы хицауады пресс-службӕ.

Хуссар Ирыстоны базарадон минӕвар Уӕрӕсейы Таймураз Гогинов куыд банысан кодта, афтӕмӕй дистрибьютерон кампанийы фӕлгӕтты райдайдзысты ласын дон уӕрӕсейаг базармӕ Хуссар Ирыстоны экономикӕйы министрады ӕххуысӕй.

"Мах "Бӕгъиатыл" сахуыр стӕм, фӕлӕ йӕ фыццаг хатт чи фены, уыдон дисы бацӕуынц. Фарон махӕн равдысты уыд бӕрзонд фӕстиуджытӕ. Контракттӕ бафыстам уӕрӕсейаг компанитимӕ, казахстайнаг дистрибьютеримӕ, федералон хызӕгтимӕ. Ацы аз дӕр активон куыст кӕнӕм. Кӕй зӕгъын ӕй хъӕуы, нӕ дон у хуыздӕр йӕ аналогтӕй ӕмӕ йын ис ирд фидӕн", - загъта базардон минӕвар.

Гогинов ма бафтыдта, "Продэкспо" равдыст кӕй у Евразиййы иууыл эффективондӕртӕй иу.

"Ахӕм фӕзуаты руаджы мах радзурӕм ӕрмӕст нӕ минералон дон нӕ, фӕлӕ ма Хуссар Ирыстоны уникалон сӕндуцӕн зонӕйы тыххӕй, кӕцыйы тыххӕй нырма цъус зонынц. "Продэкспо" дирекциимӕ нын ис тынг хорз ӕмархайд", - загъта Таймураз Гогинов.

Фарон равдысты ӕвзист ӕмӕ сыгъзӕрин майдантӕ райстой хуссарирыстойнаг сӕнтӕ "Цхинвальская долина" ӕмӕ "Цард", кӕцытӕ уадзы сӕндуцӕн "Иронсӕн".

5
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

2
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
2
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2