Хуссар Иры районтæ райстой хъæууон хæдзарадон техникæ

Хуссар Иры районтæ райстой хъæууон хæдзарадон техникæ

39
(ранӕуӕггонд 13:56 16.04.2021)
Сæ нымæцы ис минералон хъацæнтæ пырхгæнæн агрегат, трактор Кировец, æввахс рæстæджы ма райсдзысты ноджы цыппар комбайны, Беларусь трактортæн гутæттæ, иу трактор Т-150 йæ культиватортимæ, бульдозер, прессгæнæн æмæ æндæр ахæмтæ

ЦХИНВАЛ, 16 апр – Sputnik, Дриаты Лейла. Хуссар Ирыстоны Цъинагары хæдзарадæн лæвæрд æрцыд гербицидтæ æмæ минералон хъацæнтæ пырхгæнæн агрегат, фехъусын кодта "Агропромсервис"-ы директор Сагкаты Витали.

Нæ республикæйы цы кадавар техникæ ис, уый фаг нæу хъæууонхæдзарадон куыстытæ æххæстæй æмæ кæронмæ бакæнынæн. Уый тыххæй тыхсынц арендатортæ æмæ хицæн зæхкусджытæ.

"Зæххы иууыл фылдæр фæзуат бакусынц Ленингоры районы цалдæр хæдзарады æмæ Цъинагары хæдзарадæн лæвæрд æрцыд гербицидтæ æмæ минералон хъацæнтæ пырхгæнæн агрегат", - загъта Сагкаты Витали.

Йæ ныхæстæм гæсгæ, районы хæдзарадтæ дзæвгар гектартæ бакусынц æмæ æрзайын кæнынц æфсирон культурæтæ, фæлæ сын тауæн агрегаттæ дыууæ йедтæмæ нæй æмæ ма уымæ гæсгæ ахæм ног тауæн ратдзысты ацы хæдзарадæн.

Иннæ тауæн та уыдзæн Цхинвалы районы æмæ дзы сæ куыстытæ æххæст кæндзысты йæ хæдзарадтæ, фæлæ куы бахъæуа, уæд кусдзæн Знауыры районы дæр.

Цхинвалы районæн ма лæвæрд æрцыд Кировец трактор, уый кæны хуым, мæр фæлмæн æмæ хырыз кæны æмæ æххæст кæны тауыны куыст дæр. Цы ног комбайн нæм æрхæццæ, ууыл та кусдзысты Уелиты хъæуы фыццаг бригадæйы комбайнертæ.

"Æрмæст уыцы техникæ нæ, фæлæ ма тагъд рæстæджы æнхъæлмæ кæсынц æндæр хъæууонхæдзарадон техникæмæ дæр. Хоргуыстгæнджытæм ис 9 комбайны, уыдонæй иу у ног, иннæтæ та зæронд кæй сты, уый тыххæй арæх сæ куыстæй æрлæууынц. Æввахс рæстæджы ма ноджыдæр райсдзысты цыппар комбайны", - бафтыдта уый.

Ног техникæйæ ма республикæ ноджыдæр райсдзæн Беларусь трактортæн гутæттæ, иу трактор Т-150 йæ культиватортимæ, бульдозер, прессгæнæн æмæ æндæр ахæмтæ.

39
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4