ЦХИНВАЛ, 18 апр – Sputnik. Хуссар Ирыстоны барадхъахъхъæнæг органтæ сгарынц дыууæ мæлæт æмæ иу уæззау цæфы цауты лыстæгдзинæдтæ, хъусын кæны МХМ пресс-службæ.
Уымæй размæ фехъусын кодтой, хуыцаубоны райсом кæй ссардтой столицæйы æвзонг нæлгоймаджы, йæ сæр æхстæй. Уæззау уавæры йæ фæхæццæ кодтой рынчындонмæ. Зианбаййафæг у Цхинвалы 34-аздзыд цæрæг.
"Ацы фыдракæнды фæдыл агуырдтой зæрдæхсайгæ Цхинвалы 32-аздзыд цæрæджы. Сгарæн куыстыты фæстиуæгæн уымæн йæ мæрдон буар æхстæй ссардтой цы фатеры цард, уым. Уым ма ссардтой цы сылгоймагимæ цард, уый мæрдон буар, уый дæр уыд æхст",- загътой МХМ-йы.
Цаутæ сгарынц генералон прокуратурæ æмæ Цхинвалы мидхъуыддæгты хайад.
