Водоканал-ы радзырдтой Цхинвалы доны уавӕры тыххӕй

"Водоканал"-ы радзырдтой Цхинвалы донимæ проблемæйы аххосæгты тыххӕй

11
(ранӕуӕггонд 12:08 19.04.2021)
Дон нӕ хӕццӕ кӕны столицӕйы централон хайы бирӕфатерон хӕдзӕртты бӕрзонд уæладзгуытӕм, уый æвзарын кæны цæрджытæн зынвадæттæ

ЦХИНВАЛ, 19 апр - Sputnik, Плиты Фатимӕ. Хуссар Ирыстоны столицæйы Кочысаты Роза (раздӕры Заводы) ӕмӕ Нӕузӕххонты уынгтыл тыхсынц нуазыны доны цухдзинадæй. Доны тых кӕй фӕкъаддӕр, уый тыххӕй бӕрзонддӕр уӕладзгуытӕм нӕ хӕццӕ кӕны,   радзырдта Sputnik паддзахадон унитарон уагдон "Водоканал"-ы директоры хӕдивӕг Джиоты Инга.

Ацы проблемӕйы тыххӕй фыссынц социалон хызӕгты пайдагӕнджытӕ дæр.

"Столицӕмӕ хорз хӕццӕ кӕны дон. Проблемӕтӕ фӕзынд, Кочысаты Роза ӕмӕ Нӕузӕххонты уынгтыл бирӕфатерон хӕдзӕртты бӕрзонд уӕладзгуытыл чи цӕры æмæ сӕрмагонд насостӕ кӕмæн нӕй, уыдонӕн", - загъта уый.

"Водоканал"-ы ныхӕстӕм гӕсгӕ, цӕмӕй доны тых фӕфылдӕр уа, уый тыххӕй хъӕуы баиу кӕнын гом донхахх, уый та сæзмӕнтдзӕн дон иууылдæр.

"Уалдзӕгӕй июны онг гом доны хæххытыл фæцӕуы чъизи дон ӕмӕ сӕ ахицӕн кæнæм магистралон хаххӕй. Мах дон фӕфылдӕры тыххӕй чъизи дон куы баиу кӕнӕм, уӕд ӕгас горӕт райсдзысты змӕст дон", - бамбарын кодта Джиоты Инга.

11
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4