Цӕугӕдон

Митуардты фӕрцы: Хуссар Иры ацы аз цӕугӕдӕтты ӕмӕ цадты доны ӕмвӕзад уыдзӕн бӕрзонд

31
(ранӕуӕггонд 14:42 19.04.2021)
Фӕстаг рӕстӕджы боныгъӕд фӕуазалдӕр ис ӕмӕ хӕхты мит ныссӕлы, уый та нысан кӕны, цадӕггай кӕй тайдзӕн ӕмӕ цӕугӕдӕттӕ ӕмӕ цӕдты ӕмвӕзад уыдзӕн бӕрзонд
ЦХИНВАЛ, 19 апр - Sputnik, Плиты Фатимӕ. Хуссар Ирыстоны цадтӕ ӕмӕ цӕугӕдӕтты гуырахст уыдзӕн бӕрзонд, уый зӕгъӕн ис,  зымӕджы бирӕ мит кӕй ныууарыд, уымӕн гӕсгӕ. Уый тыххӕй Sputnik фехъусын кодта ӕрдзон ресурсты комитеты хистӕр Бестауты Бала.
"Хӕхты бирӕ мит ныууарыд, кӕмтты рацыдысты зӕйтӕ. Фӕстаг рӕстӕджы боныгъӕд фӕуазалдӕр ис ӕмӕ мит ныссӕлы, уый та нысан кӕны, цадӕггай кӕй тайдзӕн ӕмӕ цӕугӕдӕттӕ ӕмӕ цӕдты ӕмвӕзад уыдзӕн бӕрзонд", - загъта уый.
Бестауты Бала ма радзырдта, дыууӕ къуырийы ӕмгъуыдмӕ кӕй байдзаг уыдзӕн Зонкъары донӕмбырдгӕнӕн дӕр.
"Цады дон фарон ауагътой, цӕмӕй бахизой йӕ шахтӕтӕм ӕмӕ сӕ сцалцӕг кӕной. Донӕмбырдгӕнӕны уадзӕн шлюзты мотортӕ уыдысты хӕлд ӕмӕ сӕ Уӕрӕсейӕ 'рцӕугӕ специалисттӕ сарӕзтой хицауады заказмӕ гӕсгӕ. Ныр цад йедзаг кӕны. Зӕгъӕн ис, ацы аз адӕмӕн фадат уыдзӕн йӕ былыл улӕфынӕн", - бафтыдта комитеты хистӕр.

 

31
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4