Цхинвалы ссардтой астӕуккаг ӕнусы уӕлмӕрд

Цхинвалы ссардтой астӕуккаг ӕнусы уӕлмӕрд

33
Иу сӕргӕхц, дӕндӕгтӕ ӕмӕ фӕнычы хуызӕг арвитдзысты Уӕрӕсемӕ сахуыр кӕнынмӕ, уӕд бӕстонӕй рабӕрӕг уыдзӕн уӕлмӕрды кар

ЦХИНВАЛ, 20 апр - Sputnik, Плиты Фатимӕ. Хуссар Ирыстоны столицӕйы цӕгат-скӕсӕн фарс, Леуахийы былыл арӕзтадон куыстыты рӕстӕджы ссардтой астӕуккаг ӕнусты уӕлмӕрд. Коммуникацитӕ уадзыны рӕстӕджы аразджытӕ систой авд адӕймаджы стӕгдар.

В столице Южной Осетии обнаружили могильник 14-15 веков
© Sputnik / Фатима Плиева
Цхинвалы ссардтой астӕуккаг ӕнусы уӕлмӕрд

Астӕуккаг ӕнусы уӕлмӕрд ссардтой Цхинвалы натуралистты станцӕй 150 дӕрддзӕф, Леуахийы скӕсӕн фарс. Ингӕн ссарыны фӕстӕ куыстмӕ бамбал сты барадхъахъхъӕнӕг органтӕ ӕмӕ зонадон кусджытӕ.

"Уыдтӕн бынаты, иумӕйагӕй сисгӕйӕ дзы ссардтой авд адӕймаджы стӕгдар. Иу дзы уыд дурӕй ингӕн. Цы федтам, уымӕй фидарӕй зӕгъӕн ис, уый кӕй у астӕуккаг ӕнусты (14-15) уӕлмӕрд. Антикон ингӕнтӕ вӕййынц керамикон, науӕд ӕндӕр ӕрмӕгӕй. Ӕхсӕрдӕсӕм ӕнусы та пайда кодтой хъӕдӕрмӕгӕй", - загъта РХИ Зонад-Иртасӕн Институты хистӕр, археолог Гаглойты Роберт.

Уый ма банысан кодта, зӕгъгӕ, республикӕйы антропологтӕ кӕй нӕй, уымӕ гӕсгӕ ӕрмӕг иртасынмӕ арвитдзысты Уӕрӕсемӕ.

"Иу сӕргӕхц, дӕндӕгтӕ ӕмӕ фӕнычы хуызӕг арвитдзыстӕм президенты уынаффӕгӕнӕг Дзӕгъиаты Уырызмӕджы ууылты сахуыр кӕнынмӕ. Уӕд бӕстонӕй базондзыстӕм уӕлмӕрды кар", - бафтыдта археолог.

В столице Южной Осетии обнаружили могильник 14-15 веков
© Sputnik / Фатима Плиева
Цхинвалы ссардтой астӕуккаг ӕнусы уӕлмӕрд

Зонадон уагдоны хистӕр ма банысан кодта, уӕлмӕрд кӕм ссардӕуыд, уыцы территорийыл куыстытӕ кӕй не 'рлӕудзысты.

"Уым уыдзӕн ноджы ингӕнтӕ, ӕнӕвнӕлдтӕ дӕр дзы ис цыппары бӕрц. Бар мын ис, куыд зонадон уагдоны разамонӕг ӕмӕ археолог, афтӕ ӕрлӕууын кӕнын куыст, фӕлӕ ныффӕстиад кӕндзыстӕм адӕмы ӕмӕ арӕзтад. Уадз ӕмӕ горӕты уыцы хай райсой газ ӕмӕ дон.  Уымӕ гӕсгӕ аскъуыддзаг кодтам, цӕмӕй цӕуой куыстытӕ, уый фӕстӕ бынат сахуыр кӕндзыстӕм", - радзырдта Гаглойты Роберт.

Йӕ ныхӕстӕм гӕсгӕ, уӕлмӕрды территори ахсы 120 квадратон метры бӕрц, фидарӕй зӕгъӕн ис, уый ног уӕлмӕрд кӕй нӕу.

"Нӕдӕр фыццаг геноциды дугӕй у, нӕдӕр фӕстаг хӕстӕй. Фидарӕй ма зӕгъӕн ис, Цхинвалы археологон картӕйыл кӕй фӕзынд ноджы иу объект", - балхынцъ кодта ахуыргонд. 

В столице Южной Осетии обнаружили могильник 14-15 веков
© Sputnik / Фатима Плиева
Цхинвалы ссардтой астӕуккаг ӕнусы уӕлмӕрд

Хуссар Ирыстоны Мидхъуыддӕгты министрады фехъусын кодтой Sputnik, барадхъахъхъӕнӕг органтӕ дӕр кӕй бацыдысты бынатмӕ, фӕлӕ уӕлмӕрд рагон кӕй разынд, уымӕ гӕсгӕ сӕ бӕрны нӕй.

33
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

2
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
2
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2