Медхо

Хуссар Иры фӕстаг суткӕ рабӕрӕг кодтой иу ног рынчыны коронавирусӕй

4
(ранӕуӕггонд 14:57 20.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3293 адæймаджы, уыдонæй ныридæгæн сæнæниз сты 2938

ЦХИНВАЛ, 19 апр — Sputnik, Хъуылымбегты Зæлинæ. "Югосетпотребнадзор"-ы ПЦР-лабораторийы ивгъуыд суткæйы рабæрæг кодтой иу ног фæрынчынуæвæджы коронавирусæй, фехъусын кодта Sputnik дыццæджы санитарон уагдоны сӕргълӕууӕг Коцты Марина.

"Къуырисæры саразгæ 84 иртæстæй COVID-19 рабӕрӕг кодтой иу пациентæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой авд адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2938 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 355 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 480 тесты коронавирусон инфекци рабӕрӕг кӕныны фӕдыл, уыдонӕй 3 293 радтой ӕвӕрццаг фӕстиуӕг.

4
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

1
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
1
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2