ХИПУ музей баххӕст кодтой ног экспонаттӕй

ХИПУ музей баххӕст кодтой ног экспонаттӕй

4
(ранӕуӕггонд 14:49 21.04.2021)
Экспонатты нымӕцы ис Стыр Фыдыбӕстон хӕсты ӕмӕ ноджы раздӕры периоды хӕцӕнгӕрзты 16 макеты

ЦХИНВАЛ, 20 апр – Sputnik, Тъехты Дзерассӕ. Хуссар Ирыстоны паддзахадон университеты этнографи ӕмӕ бӕстӕзонынады музей баххӕст кодтой ног экспонаттӕй, фехъусын кодтой Sputnik ахуыргӕнӕндоны пресс-службӕйы. Экспонатты нымӕцы ис Стыр Фыдыбӕстон хӕсты ӕмӕ ноджы раздӕры периоды хӕцӕнгӕрзты 16 макеты.

Новые экспонаты музея этнографии и краеведения ЮОГУ
© Sputnik / Дзерасса Техова
ХИПУ музей баххӕст кодтой ног экспонаттӕй
"Экспонатты нымӕцы ис Маузеры зындгонд пистолет, Шмайссеры автомат, Томпсоны пистолет-пулемет ӕмӕ винтовкӕ Винчестер, афтӕ ма дзы ис Наполеоны периоды (1810 аз) пистолет дӕр", - радзырдтой пресс-службӕйы.

ХИПУ ма бафтыдтой, музей кӕй цӕттӕ кӕны ӕрвылазон мадзал Музейты ӕхсӕвмӕ, кӕцы ацӕудзӕн университеты 18 майы ӕхсӕвы. Уый у ӕхсӕнадӕмон акци, кӕцымӕ ахуыргӕнӕндон ӕрбаиу дыккаг хатт.

Новые экспонаты музея этнографии и краеведения ЮОГУ
© Sputnik / Дзерасса Техова
ХИПУ музей баххӕст кодтой ног экспонаттӕй

Музейы экспонатты нымӕц фылдӕр кӕны – горӕты цӕрджытӕ балӕвар кӕнынц алыгъуызон историон цардуагон дзауматӕ.

Хуссар Ирыстоны паддзахадон университеты музейон комплекс сарӕзта ахуыргӕнӕндоны ректор Тедеты Вадим 2019 азы. Уым ӕрӕмбырд кодтой археологи, истори ӕмӕ этографийы экспонаттӕ.

4
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4