Парламенты сесси

Таможнӕйыл ахизын ӕмӕ ӕртӕ адӕймаджы мӕлӕт: цӕуыл дзырдтой Хуссар Иры парламенты сессийыл

6
(ранӕуӕггонд 15:57 21.04.2021)
Парламенты ӕртыццӕджы ацыд сессийы рабадт, кӕцыйы хайад райстой МХМ сӕргълӕууӕджы хӕстӕ ӕххӕстгӕнӕг ӕмӕ республикӕйы сӕйраг санитарон дохтыр

ЦХИНВАЛ, 21 апр - Sputnik, Тъехты Дзерассӕ. Арӕны сӕрты хизыны ног фӕтктӕ нӕ хауынц Хуссар Ирыстоны ӕмбӕстӕгтӕм, кӕцытӕ цӕуынц Уӕрӕсемӕ цыбыр ӕмгъуыдмӕ, радзырдта республикӕйцы сӕйраг санитарон дохтыр Коцты Марина парламенты сессийыл, кӕцы ацыд ӕртыццӕджы. Йӕ ныхӕстӕм гӕсгӕ, Роспотребнадзор бахаста Хуссар Ирыстоны ӕмбӕстӕгты категоримӕ "транспортон фӕрӕзты экипажы уӕнгтӕ", кӕцытӕм ацы фӕтктӕ нӕ хауынц.

"Махӕн нырма цӕуынц консультацитӕ нӕ коллегӕтимӕ Цӕгат Ирыстонӕй. Мах фӕнды базонын, цы нысан кӕны "уӕвынады цыбырӕмгъуыдон период", - загъта Коцты Марина.

Уый фехъусын кодта ӕрӕмбырдуӕвджытӕн, зӕгъгӕ, не ‘мбӕстӕгты, кӕцытӕ цӕуынц Цӕгат Ирыстонмӕ, ничи хъыгдардзӕн. Афтӕ ма уый бахахх кодта, ӕмбаргӕ ахаст кӕй хъӕуы дарын ацы мадзӕлттӕм, уымӕн ӕмӕ дунейы ногӕй фылдӕр кӕны коронавирусӕй рынчынты нымӕц.

Ӕртӕ адӕймаджы мӕлӕт ӕмӕ наркотиктӕ

Парламенты сессимӕ фӕхуыдтой Мидхъуыддӕгты министрады (МХМ) сӕргълӕууӕджы х.ӕ. Пухаты Мерабы, кӕцы лӕмбынӕгӕй радзырдта ӕртӕ адӕймаджы амарыны тыххӕй. Йӕ ныхӕстӕм гӕсгӕ, ныртӕккӕ уагъд цӕуынц оперативон мадзӕлттӕ, цӕмӕй сбӕрӕг кӕной цауы ӕууӕлтӕ иууылдӕр.

Сессия парламента
© Sputnik / Natalia Airiyan
Парламенты сесси

Парламенты сӕрдар Тадтаты Алан банысан кодта, ивгъуыд мӕй республикӕйы фесӕфта ӕрмӕст ацы ӕртӕ адӕймаджы нӕ, фӕлӕ ма ноджы цыппары, кӕцытӕ амардысты наркотикон буарадтӕй пайда кӕныны фӕстиуӕгӕн.

"Наркотикон буарадтӕй пайда кӕныны фӕдыл ивартӕ махмӕ сты минималон – аст мин сомы. Курын МХМ-йӕ, цӕмӕй законады фӕдыл парламентон комитетимӕ иумӕ бакусой наркотиктӕй пайда кӕныны фӕдыл ӕфхӕрд фӕкарздӕр кӕныны фарстыл", - загъта спикер.

Депутаттӕ сразы сты, фӕлӕ бахахх кодтой, наркотикон буарадтӕ кӕй хицӕн кӕнынц сӕ уӕззаудзинадӕй, уый фӕдыл сӕ пайда кӕныны фӕдыл ӕфхӕрд дӕр хъуамӕ уа хицӕн.

Пухаты Мераб банысан кодта, 2021 азы фыццаг кварталы наркотикон буарадтӕй пайда кӕныны тыххӕй кӕй фӕивар кодтой республикӕйы 28 ӕмбӕстаджы.

Парламенты сессийы боны фӕткмӕ ӕдӕппӕт бахастой ӕхсӕз фарсты.

Уымӕй дарддӕр, депутаттӕ сфидар кодтой кандидатурӕты номхыгъд Гуырдзыстонимӕ арӕны делимитаци ӕмӕ демаркацийы фарсты фӕдыл закондӕттӕг орган ӕмӕ хицауады иумӕйаг къамисмӕ. Уырдӕм бахызтысты Гаглойты Малхаз (Коммунистон парти), Остъаты Роберт ӕмӕ Медойты Дзамболат (Адӕмон парти), Гасситы Петр ӕмӕ Бибылты Ацӕмӕз ("Иугонд Ирыстон"), Тъехты Алан ("Иудзинад"), Санахъоты Давид ӕмӕ Ӕлборты Алан ("Ныхас"), Сланты Иван ӕмӕ Мулдарты Гарри ("Рӕстдзинадыл" депутатон иугондӕй).

Сессия парламента
© Sputnik / Natalia Airiyan
Парламенты сесси

Боны фӕткы аннӕ фарстытӕ дӕр хорзыл банымадтой парламенты депутаттӕ, сӕ нымӕцы: "ВИЧ-инфекцийы апарахат ӕмӕ рагфӕдзӕхсты фӕдыл", "Хуссар Ирыстоны чысыл ӕмӕ астӕуккаг амалиуӕгадӕн уӕлбар кредиттӕ раттыны Фонды 2020 азы бюджет сӕххӕст кӕныны фӕдыл" ӕмӕ паддзахадон программӕйы проект "Хуссар Ирыстоны чысыл ӕмӕ астӕуккаг амалиуӕгады райрӕзтӕн ӕххуыс", афтӕ ма ивындзинӕдтӕ бахастой законтӕм "Ахуырады фӕдыл", ӕмӕ "Архайды хицӕн хуызтӕн лицензитӕ дӕттыны фӕдыл".

 

6
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6