Хицауад

Хуссар Иры премьер бахӕс кодта бакусын ӕмбӕстӕгты фӕдзӕхсты техникон фарстытыл

8
(ранӕуӕггонд 10:40 22.04.2021)
Хицауады сӕрдар Бекъойты Геннадий ауагъта кусӕгон рабадт профилон министрӕдтӕ ӕмӕ уагдӕтты разамонджытимӕ, кӕцыйы рӕстӕджы ӕрныхас кодтой пенсион ифтонгады фадыджы социалон фӕдзӕхсты фонды куысты техникон фарстытыл

ЦХИНВАЛ, 22 апр - Sputnik. Премьер-министр Бекъойты Геннадий бахӕс кодта бакусын техникон фарстытыл, кӕцытӕ баст сты Хуссар Ирыстоны социалон ӕмӕ пенсион фӕдзӕхсты фондты архайдимӕ. Уый тыххӕй хицауады сӕрдар фехъусын кодта профилон министрӕдтӕ ӕмӕ уагдӕтты разамонджытимӕ рабадтыл дыццӕджы, хъусын кӕны хицауады пресс-службӕ.

"Персонифицион номхыгъды системӕйы арӕзтад баххуыс кӕндзӕн ӕрӕмбырд кӕнын информаци кусгӕ ӕмбӕстӕгты тыххӕй, цӕмӕй уыдонӕн тагъддӕр ӕмӕ ӕнцондӕрӕй снысан кӕной пенситӕ", - дзырдӕуы хъусинаджы.

Рабадты рӕстӕджы Ӕнӕниздзинад хъахъхъӕнынады министрады сӕргълӕууӕджы х.ӕ. Тотчиты Георгий банысан кодта, зӕгъгӕ, УФ хицауады профилон блокимӕ куысты рӕстӕджы ӕрныхас кодтой техникон ӕххуысы тыххӕй хуссарирыстойнаг фарсӕн, цӕмӕй саразой персонифицион номхыгъд кусгӕ ӕмбӕстӕгтӕн, фӕлӕ уый тыххӕй хъӕуы бавдисын дырыс информаци программон ифтонгадмӕ домӕнтӕм гӕсгӕ.

8
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4