Хъайтарты уынгыл хӕдзар

Цхинвалы азы кӕронмӕ сараздзысты дыууӕ фондзуӕладзыгон хӕдзары

6
(ранӕуӕггонд 15:58 22.04.2021)
Цӕрӕн бӕстыхӕйттӕ арӕзт цӕуынц Хъайтарты ӕмӕ Гуыбаты ӕфсымӕрты уынгыл, арӕзтад уагъд цӕуы 2020-2022 азты Инвестпрограммӕйы фӕлгӕтты

ЦХИНВАЛ, 22 апр — Sputnik, Хъуылымбегты Азӕмӕт. Хуссар Ирыстоны столицӕйы ацы азы кӕронмӕ фӕуыдзысты дыууӕ фондзуӕладзыгон хӕдзары арӕзтад. Хӕдзӕрттӕй иу аразынц Хъайтарты уынджы кӕрон, раздӕры 118-ӕм хӕдзары бынаты, кӕцы бахъыгдард ис 2008 азы августы хӕсты рӕстӕджы.

Хӕдзары ныридӕгӕн сарӕзтой агъуыст, сӕвӕрдтой стеклопакеттӕ. Ӕмрӕстӕджы кусджытӕ ӕххӕст кӕнынц мидӕггагон куыстытӕ дӕр, фӕуд кӕнынц инженерон хызӕгты ӕмӕ хъармгӕнӕн системӕйы монтаж. Арӕзтады хайады хистӕр Мӕргъиты Георгийы ныхӕстӕм гӕсгӕ, объектыл кусынц 45 адӕймаджы онг.

"Ацы бонты бавналдзыстӕм кӕрты хӕрзарӕзтадмӕ. Арӕзтадон-монтажон куыстытӕ ӕххӕст кӕнӕм ӕмгъуыдӕй раздӕр. Нывӕзтмӕ гӕсгӕ хӕдзары арӕзтад фӕуыдзӕн октябрмӕ, фӕлӕ йӕ гӕнӕн ис раздӕр фӕуӕм", - загъта Мӕргъиты Георгий.

Ног хӕдзары дӕр уыдзӕн 60 фатеры, фӕлӕ уыдонӕн сӕ фӕзуат фылдӕр уыдзӕн. Кӕрты сараздзысты сывӕллӕтты хъазӕн фӕзуат, бандӕттӕ, хӕдтулгӕты лӕууӕн.

Новостройка по улице Осетинская
© Sputnik / Азамат Кулумбегов
Гуыбаты ӕфсымӕрты уынгыл хӕдзар

Ноджы ма иу фондзуӕладзыгон хӕдзар азы кӕронмӕ сараздзысты Гуыбаты ӕфсымӕрты уынгыл. Ацы хӕдзары та уыдзӕн 75 фатеры.

"Азы кӕронмӕ хӕдзар бацӕттӕ кӕндзыстӕм цӕрджыты ӕрбацыдмӕ. Бафӕлвардзыстӕм сӕххӕст кӕнын куыстытӕ иууылдӕр нывӕзтгонд ӕмгъуыдмӕ", - загъта Sputnik арӕзтадон хайады мастер Тадтаты Сослан.

Йӕ ныхӕстӕм гӕсгӕ куыстыты архайынц 50 адӕймаджы онг. Аразджытӕн проблемӕтӕ нӕй финанстӕ ӕмӕ ӕрмӕджыты ӕрбаластимӕ.

Цхинвалы фидӕн азмӕ сараздзысты ноджы цалдӕр бирӕуӕладзыгон хӕдзары. Уыдонӕй иу арӕзт цӕуы Ирӕтты уынгыл, раздӕры трикотажон фабрикӕйы фӕзуатыл. Арӕзтады министры хӕдивӕг Гаглойты Сергейы ныхӕстӕм гӕсгӕ, хӕдзар ратдзысты эксплуатацимӕ 2022 азы райдайӕны.

"Арӕзтад цӕуы хорз темпты, гӕнӕн ис ӕй фӕуӕм ацы аз, фӕлӕ хӕдзар эксплуатацимӕ ратдзыстӕм фидӕн азы райдайӕны", - загъта Гаглойты Сергей.

Социалон цӕрӕнуаты арӕзтад цӕуы 2020-2022 азты Инвестицион программӕйы фӕлгӕтты. Иунӕг генералон нардуатисӕг у фирмӕ "СТМ-ЮГ".

6
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

2
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
2
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2