Цъинагары трагеди

Хуссар Иры Ӕмдзӕрины аразынц гуырдзиаг агрессийы амӕттӕгтӕн мемориал

11
(ранӕуӕггонд 12:32 23.04.2021)
Мемориал уыдзӕн цӕттӕ 28 апрельмӕ, уӕд хъӕуы ацӕудзысты мысӕн мадзӕлттӕ, кӕцытӕ уыдзысты нывонд гуырдзиаг агрессийы амӕттӕгтӕн

ЦХИНВАЛ, 23 апр - Sputnik, Хъуылымбегты Азӕмӕт. Хуссар Ирыстоны Ӕмдзӕрины хъӕуы (Цъинагар) цалцӕг кӕнынц гуырдзиаг агрессийы амӕттӕгтӕн мемориал, фехъусын кодта Sputnik Ленингоры районы Цӕрӕнуатон-коммуналон хӕдзарады (ЦКХ) хистӕры хӕдивӕг Чысиаты Ирбег.

"Хӕрзарӕзт цӕуы мемориалы фӕзуат, аразӕм асинтӕ. Объект бацӕттӕ кӕндзыстӕм 28 апрельмӕ, уӕд хъӕуы ацӕудзысты мысӕн мадзӕлттӕ", - загъта Чысиаты Ирбег.

1991 азы 28 апрелы хотыхджын гуырдзыстойнаг къорд бафӕлвардтой радавын фос Цъинагары сæрвæтæй. Хъӕуы нӕлгоймӕгтӕ ӕнӕ хӕцӕнгӕрзтӕй ацыдысты фыдгӕнджыты ныхмӕ. Хъӕуы хъӕбатыр цӕрджытӕ асырдтой фыдгӕнджыты, фӕлӕ гуырдзиӕгтӕ райдыдтой ӕхсын автоматтӕй. Райсгӕ цӕфтӕй бынаты амардысты авд нӕлгоймаджы – Хуыбылты Отар, Хуыбылты Зауыр, Дудайты Тенгиз, Мӕргъиты Отар, Бибылты Гиви, Хуыбылты Таймураз ӕмӕ Черткойты Славик.

Ӕрвылаз, 28 апрелы, республикӕйы къухдариуӕгад, районы администраци ӕмӕ ӕхсӕнады минӕвӕрттӕ ӕрӕмбырд вӕййынц мемориалон комплексы цур, цӕмӕй ссарой гуырдзиаг агрессийы амӕттӕгты рухс нӕмттӕ.

11
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4