Кедр

Хуссар Иры ныссадздзысты сыбыраг кедры ӕртӕ мин талайы

54
(ранӕуӕггонд 11:00 26.04.2021)
Талатӕ республикӕйы уагдӕтты кӕртыты сагъд цӕудзысты "Зеленая Алания" ӕмӕ "Кедры России"-йы ӕмгуыстады фӕлгӕтты

ЦХИНВАЛ, 26 апр - Sputnik, Плиты Фатимӕ. Хуссар Ирыстоны экологон организаци "Зеленая Алания" срӕвдз кодта ӕмгуыстад уӕрӕсейаг проект "Кедры России"-имӕ. Йӕ фӕлгӕтты Цхинвалы скъолаты, сабидӕтты ӕмӕ республикӕйы районты ныссадздзысты сыбыраг кедртӕ, фехъусын кодта Sputnik бынӕттон организацийы хистӕр Габайты Зӕлинӕ.

Ныридӕгӕн ист цӕуынц куырдиӕттӕ, заказ цӕттӕ кӕнынц фыццӕгӕм маймӕ.

"Майы арвитдзыстӕм нӕ заказ. Цхинвалы скъолатӕй, уагдӕттӕй, горӕты администраци ӕмӕ районы администрацитӕй нӕм ӕрбацыд куырдиӕттӕ. Организаци дзы йӕхицӕн дӕр ӕрласдзӕн горӕты ныссадзынӕн. Ӕртӕ мин талайы бӕрц ӕрласдзыстӕм", - загъта Габайты Зӕлинӕ.

Уый ма бафтыдта, талатӕ кӕй райсдзысты азы кӕрон.

"Октябры нын "Кедры России" ӕрырвитдзысты чысыл талатӕ. Кедртӕй дарддӕр ма дзы уыдзӕн ӕндӕр бӕласы мыггӕгтӕ дӕр",- балхынцъ кодта уый.

54
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

3
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
3
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2